Apple iPhone 14 launch date : ഐഫോണ്‍ 14 പുറത്തിറങ്ങുന്നത് 'പൊന്നൊണ രാവില്‍'.!
ഇതിനകം തന്നെ ആപ്പിള്‍ ഐഫോണ്‍ 14 സീരിസ് സംബന്ധിച്ച് അനവധി അഭ്യൂഹങ്ങള്‍ പ്രചരിച്ചു കഴിഞ്ഞു.
സന്‍ഫ്രാന്‍സിസ്കോ: പുതിയ ഐഫോണ്‍ പുറത്തിറക്കുന്ന ദിവസം പ്രഖ്യാപിച്ച് ആപ്പിള്‍. സെപ്തംബറിലാണ് ആപ്പിള്‍ പുതിയ ഐഫോണ്‍ പതിപ്പുകള്‍ പുറത്തിറക്കുക എന്ന് ആപ്പിള്‍ പ്രഖ്യാപിച്ചിരുന്നെങ്കിലും ദിവസം പറഞ്ഞിരുന്നില്ല. ആപ്പിള്‍ പുറത്തിറക്കിയ പുതിയ ഈവന്‍റ് ക്ഷണപ്രകാരം സെപ്തംബര്‍ 7ന് ആപ്പിള്‍ ഐഫോണ്‍ 14 പുറത്തിറങ്ങും. ഇന്ത്യന്‍ സമയം രാത്രി 10.30നായിരിക്കും ഈവന്‍റ് തുടങ്ങുക. അതായത് കേരളം ഓണം ആഘോഷിക്കുന്നതിന് താലേദിവസം എന്ന് പറയാം.
ഐഫോണ്‍ 14 പുറത്തിറങ്ങുന്നത് ആപ്പിള്‍.കോം, ആപ്പിള്‍ ടിവി ആപ്പ് എന്നിവയില്‍ തല്‍സമയം കാണാനും സൌകര്യമുണ്ട്. സാധാരണ പോലെ ഏത് ഉപകരണമാണ് ഈവന്‍റില്‍ പുറത്തിറക്കുക എന്നത് ആപ്പിള്‍ വ്യക്തമാക്കിയിട്ടില്ലെങ്കിലും ആപ്പിള്‍ ഐഫോണ്‍ ആണ് എന്നത് ഏതാണ്ട് ഉറപ്പാണ്. ഇതിനൊപ്പം മറ്റ് ചില ആപ്പിള്‍ ഉപകരണങ്ങളും ടെക് ലോകം പ്രതീക്ഷിക്കുന്നുണ്ട്.
ഇതിനകം തന്നെ ആപ്പിള്‍ ഐഫോണ്‍ 14 സീരിസ് സംബന്ധിച്ച് അനവധി അഭ്യൂഹങ്ങള്‍ പ്രചരിച്ചു കഴിഞ്ഞു.
ആപ്പിൾ അതിന്റെ അടുത്ത ഐഫോണ്‍ ഇറക്കും മുന്‍പേ അതിന്റെ പ്രത്യേകതകള്‍ പതിവ് പോലെ ഔദ്യോഗികമായി പുറത്തുവിടില്ല. പുതിയ മുൻനിര സ്മാര്‍ട്ട് ഫോണുകളോട് മത്സരിക്കാന് ആപ്പിൾ ഐഫോൺ 14 സീരീസിൽ രണ്ടോ മൂന്നോ പുതിയ സവിശേഷതകൾ ചേർക്കാൻ സാധ്യതയുണ്ടെന്നാണ് ആപ്പിളിന്റെ ഉള്ളില്‍ നിന്നും ലഭിക്കുന്ന സൂചന.
ഈ ഫീച്ചറുകളുടെ 'എക്‌സ്‌ക്ലൂസിവിറ്റി' ഐഫോണ്‍ 14 സീരിസിന്‍റെ മൊത്തത്തിലുള്ള ആകർഷണം വർദ്ധിപ്പിക്കുന്നു, ഇത് വിപണിയും പ്രീസെയില്‍ പ്രമോഷനും വിശാലമാക്കാൻ ആപ്പിളിനെ സഹായിക്കുന്നു. ഇത്തരത്തിലെ ചില അഭ്യൂഹങ്ങള്‍ പ്രചരിക്കുന്നുണ്ട്.
ഐഫോണ്‍ 14 മാക്സ്
ഐഫോണ്‍ 14 മാക്സ് 6.7 ഇഞ്ച് സ്ക്രീന്‍ വലിപ്പത്തിലാണ് വരുന്നത് എന്നാണ് വിവരം. ഐഫോണ്‍ 14 പ്രോ മാക്സില്‍ നിന്നും 200 ഡോളര്‍ കുറവായിരിക്കും ഇതിന്‍റെ വില എന്നാണ് വിവരം. ആപ്പിളിന്റെ ഫ്ലാഗ്ഷിപ്പ് വലിപ്പത്തില്‍ എത്തുന്ന ഐഫോൺ സീരീസിലെ ആദ്യത്തെ നോൺ-പ്രോ മോഡലായിരിക്കും ഇതെന്നാണ് ബ്ലൂബെര്‍ഗ് റിപ്പോര്‍ട്ട് ചെയ്യുന്നത്. 6.7 ഇഞ്ച് ഡിസ്പ്ലേ വളരെ വലുതാണ്, ഒറ്റക്കൈയല്ലെങ്കിലും, ഐഫോൺ 14 മാക്സ് വായിക്കുന്നതിനും സിനിമകൾ കാണുന്നതിനും ഇമെയിലുകൾ രചിക്കുന്നതിനും അനുയോജ്യമാകും. 6.7 ഇഞ്ച് സ്‌ക്രീൻ വലുപ്പത്തിൽ കോൾ ഓഫ് ഡ്യൂട്ടി: മൊബൈൽ ഗെയിം കളിക്കുന്നത് ആലോചിക്കുക തുടങ്ങിയ നേട്ടങ്ങളാണ് ബ്ലൂംബെര്‍ഗ് റിപ്പോര്‍ട്ട് പറയുന്നത്.
ഓള്‍വെയ്സ് ഓണ്‍ ഡിസ്പ്ലേ
ഐഒഎസ് 16ലേക്ക് ആപ്പിൾ എപ്പോഴും ഓൺ ഡിസ്പ്ലേ ചേർക്കാത്തത് അൽപ്പം നിരാശാജനകമാണ്. പ്രധാന ആൻഡ്രോയിഡ് സ്‌മാർട്ട്‌ഫോണുകളിൽ ഈ ഫീച്ചര്‍ ലഭ്യമാണ്. ആപ്പിൾ വാച്ചിൽ പോലും ഇത് ഉണ്ട്. ഐഫോണിലെ ലോക്ക് സ്‌ക്രീനിലേക്ക് നോക്കാതെ നിങ്ങളുടെ ഉപകരണം ഉറങ്ങുമ്പോൾ സമയം അല്ലെങ്കിൽ കാലാവസ്ഥ പോലുള്ള അടിസ്ഥാന വിവരങ്ങൾ കാണാനും എപ്പോഴും ഓൺ ഡിസ്പ്ലേ നിങ്ങളെ അനുവദിക്കുന്നു.
ഈ ഫീച്ചർ വരാനിരിക്കുന്ന ഐഫോൺ 14 പ്രോ, ഐഫോൺ 14 പ്രോ മാക്സ് എന്നിവയിൽ മാത്രമായി പരിമിതപ്പെടുത്താമെന്ന് ബ്ലൂംബെർഗ് റിപ്പോര്‍ട്ട് പറയുന്നത്. സാധാരണ ഐഫോണ്‍ 14ല്‍ ഇത് ലഭ്യമായേക്കില്ല എന്നാണ് ഇതിനർത്ഥം. അതിനാല്‍ ചിലപ്പോള്‍ ഇതില്‍ താല്‍‍പ്പര്യമുള്ളവര്‍ ഹൈ എന്‍റ് വേരിയേന്‍റ് വാങ്ങുമെന്നാണ് ആപ്പിള്‍ കരുതുന്നത് എന്ന് ബ്ലൂംബെര്‍ഗ് റിപ്പോര്‍ട്ട് പറയുന്നു.
നോച്ച് ഇല്ലാത്ത ഐഫോണ്‍ 14
ഐഫോൺ 14 സീരിസ് ഇറങ്ങുന്പോള്‍ പഞ്ച് ഹോൾ ഡിസൈൻ ഹൈലൈറ്റ് ചെയ്യുന്ന ആപ്പിളിന്റെ പരസ്യങ്ങള്‍ നിറഞ്ഞേക്കും. ഐഫോൺ 14 ന്റെ ഡിസ്‌പ്ലേയിൽ ഗുളിക ആകൃതിയിലുള്ള കട്ട് ഔട്ടിന്റെ ഒരു പതിപ്പ് ആപ്പിൾ ഒരു 'പുതിയ' കാര്യമായി ഐഫോണ്‍ 14 സീരിസിലെ ഉയര്‍ന്ന മോഡലുകളില്‍ വിപണനം ചെയ്യും. സാംസംഗും വൺപ്ലസും മറ്റ് സ്മാർട്ട്‌ഫോൺ നിർമ്മാതാക്കളും വർഷങ്ങളായി ചെയ്യുന്ന കാര്യമാണിത്.
പുതിയ ഡിസൈൻ ഐഫോൺ 14 പ്രോ എക്‌സ്‌ക്ലൂസീവ് ആയി പ്രചരിക്കുന്നുണ്ടെങ്കിലും, ആപ്പിൾ അതിന്റെ ഏറ്റവും നൂതനമായ പ്രോ മോഡലുകള്‍ക്ക് കൂടുതല്‍ ഹൈ എന്‍റ് ഉപയോക്താക്കളെ കിട്ടാന്‍ ഇത് ഇടയാക്കിയേക്കും. നോച്ചിനുപകരം, ഒരു ദ്വാരവും ലോങ്ങ് കാപ്സ്യൂള്‍ ആകൃതിയിലുള്ള കട്ട്-ഔട്ട് മുൻവശത്തെ ക്യാമറയെയും ഫേസ് ഐഡിയെയും ഉൾക്കൊള്ളും എന്നാണ് സൂചന. ഈ പുതിയ ഡിസൈൻ മാറ്റം സാങ്കേതിക മുന്നേറ്റമല്ലെന്നും നിലവിലെ ഡിസൈനിന്റെ സൗന്ദര്യാത്മക മാറ്റമാണെന്നുമാണ് ആപ്പിള്‍ വൃത്തങ്ങള്‍ തന്നെ പറയുന്നു.
ഐഫോണ്‍ സ്വന്തമാക്കാം; വന്‍ വിലക്കുറവില്‍: കിടിലന്‍ ഓഫര്‍ ഇങ്ങനെ
ഫോണ്‍ ടെക്നീഷ്യന്മാരുടെ പണി കളയുമോ; ആപ്പിളിന്റെ പുതിയ പരിപാടി കൂടുതല്‍ ഉപകരണങ്ങളിലേക്ക്.!
