ക്വാല്കോം സ്നാപ്ഡ്രാഗണ് 8 എലൈറ്റ് ജെന് 5 ചിപ്സെറ്റ്, 7000 എംഎഎച്ച് ബാറ്ററി, 100 വാട്സ് വയേര്ഡ് ചാര്ജിംഗ്, 40 വാട്സ് വയര്ലെസ് ഫാസ്റ്റ് ചാര്ജിംഗ് എന്നിവ സഹിതമായിരിക്കും ഐക്യു 15 ഫോണ് ഇന്ത്യയില് പുറത്തിറങ്ങാന് സാധ്യത.
ദില്ലി: ചൈനീസ് സ്മാര്ട്ട്ഫോണ് ബ്രാന്ഡായ ഐക്യു അവരുടെ പുത്തന് ഫ്ലാഗ്ഷിപ്പ് ഐക്യു 15 നവംബര് 26ന് ഇന്ത്യയില് പുറത്തിറക്കും. ക്വാല്കോമിന്റെ സ്നാപ്ഡ്രാഗണ് 8 എലൈറ്റ് ജെന് 5 ചിപ്സെറ്റും, 144 ഹെര്ട്സ് 2കെ ഡിസ്പ്ലെയും ഒറിജിന്ഒഎസ് 6 യൂസര് ഇന്റര്ഫേസും സഹിതമാണ് ഐക്യു 15 ഫോണ് ഇന്ത്യയിലെത്തുക. ചൈനയില് ഒക്ടോബര് 20-നാണ് ഐക്യു 15 ഹാന്ഡ്സെറ്റ് പുറത്തിറങ്ങിയത്. ചൈനയില് 4,199 യുവാനിലാണ് (ഏകദേശം 52,000 ഇന്ത്യന് രൂപ) ഐക്യു 15 ഫ്ലാഗ്ഷിപ്പ് സ്മാര്ട്ട്ഫോണ് പുറത്തിറങ്ങിയത്. 12 ജിബി റാമും 256 ജിബി സ്റ്റോറേജും ഉള്ള അടിസ്ഥാന വേരിയന്റിന്റെ വിലയാണിത്.
ഐക്യു 15: ഇന്ത്യന് വേരിയന്റിന്റെ സവിശേഷതകള്
ചൈനയില് ഒക്ടോബര് 20-ന് പുറത്തിറങ്ങിയ ഐക്യു 15 മോഡലിന് ഏറെക്കുറെ സമാനമായ ഫീച്ചറുകളാലും ഇന്ത്യന് വേരിയന്റിലും കമ്പനി അവതരിപ്പിക്കുക എന്നാണ് സൂചന. രാജ്യത്തെ ലോഞ്ചിന് മുന്നോടിയായി ആമസോണ് ഇന്ത്യ അവരുടെ മൈക്രോസൈറ്റില് ഐക്യു 15-ന്റെ പ്രധാന ഫീച്ചറുകള് പ്രസിദ്ധീകരിച്ചിട്ടുണ്ട്. ഏറ്റവും പുതിയ സ്നാപ്ഡ്രാഗണ് 8 എലൈറ്റ് 5 ഫ്ലാഗ്ഷിപ്പ് ചിപ്പാണ് ഐക്യു 15 സ്മാര്ട്ട്ഫോണിന് കരുത്തുപകരുക. ഗെയിമിംഗ് പ്രകടനം മെച്ചപ്പെടുത്താന് ക്യു3 കമ്പ്യൂട്ടിംഗ് ചിപ്പും നല്കിയിരിക്കുന്നു. ആന്ഡ്രോയ്ഡ് 16 അടിസ്ഥാനമായുള്ള ഒറിജിന്ഒഎസ് 6 ഇന്റര്ഫേസിലാവും ഐക്യു 15 പ്രവര്ത്തിക്കുക. 144 ഹെര്ട്സ് റിഫ്രഷ് റേറ്റിലുള്ള 2കെ ഡിസ്പ്ലെ 6000 നിറ്റ്സ് വരെ ഉയര്ന്ന ബ്രൈറ്റ്നസ് നല്കുമെന്നാണ് ദി മിന്റിന്റെ റിപ്പോര്ട്ട്. 8കെ സിംഗിള്-ലെയര് വേപ്പര് ചേമ്പര് ഫോണ് ചൂടാവുന്നതില് നിന്ന് തടയും.
ഐക്യു 15 ചൈനീസ് മോഡലിന്റെ സ്പെസിഫിക്കേഷനുകള്
ചൈനയില് പുറത്തിറങ്ങിയ ഐക്യു 15 ഫ്ലാഗ്ഷിപ്പിന്റെ ഫീച്ചറുകള് ഇങ്ങനെയായിരുന്നു. 6.85 ഇഞ്ച് 2കെ റെസലൂഷനിലുള്ള എം14 അമോലെഡ് ഡിസ്പ്ലെ (1440x3168 പിക്സല്, 144 ഹെര്ട്സ് റിഫ്രഷ് റേറ്റ്), 3nm ഒക്ടാ-കോര് സ്നാപ്ഡ്രാഗണ് 8 എലൈറ്റ് ജെന് 5 ചിപ്സെറ്റ്, 16 ജിബി റാം, 1ടിബി സ്റ്റോറേജ്, 50 എംപി പ്രധാന ക്യാമറ (എഫ്/1.88), 50 എംപി പെരിസ്കോപ്പ് ടെലിഫോട്ടോ ലെന്സ് (എഫ്/2.65), 50 എംപി വൈഡ്-ആംഗിള് ക്യാമറ (എഫ്/2.05), 32 എംപി സെല്ഫി ക്യാമറ (എഫ്/2.2), 7000 എംഎഎച്ച് ബാറ്ററി, 100 വാട്സ് വയേര്ഡ് ചാര്ജിംഗ്, 40 വാട്സ് വയര്ലെസ് ഫാസ്റ്റ് ചാര്ജിംഗ് എന്നിവയാണ് ചൈനയില് പുറത്തിറങ്ങിയ ഐക്യു 15-ന്റെ സവിശേഷതകള്. ഇന്ത്യയില് ഐക്യു 15-ന് എത്ര രൂപയാകുമെന്ന രഹസ്യം ഇപ്പോഴും പുറത്തായിട്ടില്ല.
Related Articles
