Moto G52 : മോട്ടോ ജി52 ഇന്ത്യയില്‍ വില്‍പ്പന തുടങ്ങി: വില, സവിശേഷതകള്‍ തുടങ്ങി നിങ്ങള്‍ അറിയേണ്ടതെല്ലാം
ബജറ്റ് സെഗ്മെന്റിലെ ഏറ്റവും മെലിഞ്ഞതും ഭാരം കുറഞ്ഞതുമായ ഫോണായി മോട്ടറോളയുടെ ജി52 വിശേഷിപ്പിക്കപ്പെടുന്നു. ഡിസ്പ്ലേയാണ് ഈ ഫോണിന്റെ ഹൈലൈറ്റുകളിലൊന്ന്.
ബജറ്റ് വിഭാഗത്തിലേക്കുള്ള മോട്ടറോളയുടെ ഏറ്റവും പുതിയ എന്‍ട്രി അതിന്റെ ആദ്യ വില്‍പ്പന ആരംഭിച്ചു. ആഗോള വിപണിയില്‍ ലോഞ്ച് ചെയ്ത് കുറച്ച് ദിവസങ്ങള്‍ക്ക് ശേഷം മോട്ടോ ജി52 (Moto G52) ഇന്ത്യയില്‍ ഔദ്യോഗികമായി അവതരിപ്പിച്ചു. നിരവധി സവിശേഷതകളുമായാണ് ഈ ഫോണ്‍ വരുന്നത്. 90 ഹേര്‍ട്‌സ് റിഫ്രഷ് റേറ്റ്, ക്വാല്‍കോം സ്നാപ്ഡ്രാഗണ്‍ 680 ചിപ്സെറ്റ്, 5000 എംഎഎച്ച് ബാറ്ററി എന്നിവയുള്ള ഒഎല്‍ഇഡി ഡിസ്പ്ലേയാണ് ഈ സ്മാര്‍ട്ട്ഫോണിന്റെ സവിശേഷതകള്‍.
ബജറ്റ് സെഗ്മെന്റിലെ ഏറ്റവും മെലിഞ്ഞതും ഭാരം കുറഞ്ഞതുമായ ഫോണായി മോട്ടറോളയുടെ ജി52 വിശേഷിപ്പിക്കപ്പെടുന്നു. ഡിസ്പ്ലേയാണ് ഈ ഫോണിന്റെ ഹൈലൈറ്റുകളിലൊന്ന്. ജി52 4 ജിബി റാം വേരിയന്റിന് 14,499 രൂപയ്ക്കും 6 ജിബി വേരിയന്റിന് 16,499 രൂപയ്ക്കും പുറത്തിറക്കി. എച്ച്ഡിഎഫ്സി ബാങ്ക് കാര്‍ഡ് ഉടമയാണെങ്കില്‍, നിങ്ങള്‍ക്ക് 1,000 രൂപ ക്യാഷ്ബാക്കിന് അര്‍ഹതയുണ്ട്. പോര്‍സലൈന്‍ വൈറ്റ്, ചാര്‍ക്കോള്‍ ഗ്രേ നിറങ്ങള്‍ ഉള്‍പ്പെടെ രണ്ട് നിറങ്ങളിലാണ് മോട്ടോ ജി52 വാഗ്ദാനം ചെയ്യുന്നത്.
ഇതൊരു ബജറ്റ് ഫോണാണ്, എന്നാല്‍ അതിന്റെ ചില സവിശേഷതകള്‍ അതിനെ വേറിട്ടു നിര്‍ത്തുന്നു. 90Hz റിഫ്രഷ് റേറ്റ് ഉള്ള 6.6 ഇഞ്ച് ഫുള്‍ എച്ച്ഡി ഒഎല്‍ഇഡി ഡിസ്പ്ലേയാണ് സ്മാര്‍ട്ട്ഫോണിന്റെ സവിശേഷത. സെല്‍ഫി ക്യാമറ ഉള്‍ക്കൊള്ളുന്ന ഒരു പഞ്ച്-ഹോള്‍ കട്ട്ഔട്ട് ഡിസ്പ്ലേയില്‍ ഉണ്ട്.
ഒക്ടാ കോര്‍ ക്വാല്‍കോം സ്നാപ്ഡ്രാഗണ്‍ 680 SoC ആണ് ഫോണിന് കരുത്ത് നല്‍കുന്നത്, 6GB വരെ റാമും 256GB ഇന്റേണല്‍ സ്റ്റോറേജും ജോടിയാക്കിയിരിക്കുന്നു. 30 വാട്‌സ് ഫാസ്റ്റ് ചാര്‍ജിംഗുള്ള 5000 എംഎഎച്ച് ബാറ്ററിയാണ് ഇത് വഹിക്കുന്നത്.
സൈഡ് മൗണ്ടഡ് ഫിംഗര്‍പ്രിന്റ് സ്‌കാനര്‍, ഡോള്‍ബി അറ്റ്മോസ് പിന്തുണയുള്ള സ്റ്റീരിയോ സ്പീക്കറുകള്‍ എന്നിവയും ഫോണിന്റെ സവിശേഷതയാണ്. ക്യാമറ ഡിപ്പാര്‍ട്ട്മെന്റില്‍, 50 മെഗാപിക്സല് പ്രധാന ക്യാമറയാണ് അവതരിപ്പിക്കുന്നത്. 8 മെഗാപിക്സല് അള്‍ട്രാവൈഡ് ക്യാമറയും 2 മെഗാപിക്സല് ഡെപ്ത് സെന്‍സിംഗ് ക്യാമറയും ഇതിനോടൊപ്പമുണ്ട്. 3.5എംഎം ഓഡിയോ ജാക്കും ഫോണിലുണ്ട്. ഫോണിന് ഐപി52-റേറ്റഡ് ബോഡിയും ഉണ്ട്, അതായത് വെള്ളം തെറിക്കുന്നതിനെ എളുപ്പത്തില്‍ ചെറുക്കാന്‍ ഇതിന് കഴിയും. ഇതിന് സൈഡ് മൗണ്ടഡ് ഫിംഗര്‍പ്രിന്റ് സെന്‍സറും ഉണ്ട്.
