Nokia G21 : നോക്കിയ ജി21 ഇന്ത്യയിലെത്തി; കിടിലന്‍ വിലയും, പ്രത്യേകതകളും ഇങ്ങനെ
720 x 1600 പിക്‌സലുകളുടെ എച്ച്ഡി+ റെസല്യൂഷനോടുകൂടിയ 6.5 ഇഞ്ച് ഐപിഎസ് എല്‍സിഡി ആണ് നോക്കിയ ജി21യുടെ സ്ക്രീന്‍.
നോക്കിയ ജി21 ഔദ്യോഗികമായി ഇന്ത്യയില്‍ അവതരിപ്പിച്ചു. ഈ ബജറ്റ് സ്മാര്‍ട്ട്ഫോണ്‍ കഴിഞ്ഞ വര്‍ഷം ഇന്ത്യയില്‍ അവതരിപ്പിച്ച നോക്കിയ ജി20 യുടെ പിന്‍ഗാമിയായാണ് വരുന്നത്. 32 ജിബി ഇന്റേണല്‍ സ്റ്റോറേജുള്ള നോക്കിയ സി01 പ്ലസിന്റെ പുതിയ വേരിയന്റും നോക്കിയ പ്രഖ്യാപിച്ചു. 720 x 1600 പിക്‌സലുകളുടെ എച്ച്ഡി+ റെസല്യൂഷനോടുകൂടിയ 6.5 ഇഞ്ച് ഐപിഎസ് എല്‍സിഡി ആണ് നോക്കിയ ജി21യുടെ സ്ക്രീന്‍. ഫോണിന് മുകളില്‍ വാട്ടര്‍ഡ്രോപ്പ് നോച്ച് ഉണ്ട്. ഡിസ്പ്ലേയും 20:9 വീക്ഷണാനുപാതവുമുണ്ട്. 90 ഹേര്‍ട്‌സ് റിഫ്രഷ് റേറ്റിനുള്ള പിന്തുണയും ഈ സ്ക്രീന്‍ ജി21യില്‍ ഉണ്ട്.
ഹാര്‍ഡ് വെയറിലേക്ക് വന്നാല്‍ ഈ ബജറ്റ് സ്മാര്‍ട്ട്‌ഫോണിന് ഒരു യൂണിഎസ്ഒസി T606 ചിപ്പാണ് ഉള്ളത്. 6 ജിബി വരെ റാമും 128 ജിബി ഇന്റേണല്‍ സ്റ്റോറേജും ഫോണിനുണ്ട്. 18 വാട്‌സ് ഫാസ്റ്റ് ചാര്‍ജിംഗിനുള്ള പിന്തുണയോടെ 5050 എംഎഎച്ച് ബാറ്ററിയും ലഭിക്കും.
പിന്‍വശത്ത് ട്രിപ്പിള്‍ ക്യാമറ സജ്ജീകരണമാണ് നോക്കിയ ജി21 ലഭിക്കുക. ഡെപ്ത്, മാക്രോ ഫോട്ടോഗ്രാഫി എന്നിവയ്ക്കായി 50 എംപി പ്രധാന ക്യാമറ സെന്‍സറും രണ്ട് 2 എംപി സെന്‍സറുകളും ഇതിലുണ്ട്. സെല്‍ഫികള്‍ക്കായി, 8 എംപി ഫ്രണ്ട് ക്യാമറ സെന്‍സറുണ്ട്.
സോഫ്റ്റ്വെയറിന്റെ അടിസ്ഥാനത്തില്‍, ഫോണ്‍ ആന്‍ഡ്രോയിഡ് 11 ഔട്ട് ഓഫ് ബോക്സില്‍ പ്രവര്‍ത്തിക്കുന്നു. മൂന്ന് വര്‍ഷത്തെ സുരക്ഷാ പിന്തുണയ്ക്കൊപ്പം രണ്ട് വര്‍ഷത്തെ സോഫ്റ്റ്വെയര്‍ പിന്തുണയും വാഗ്ദാനം ചെയ്യുമെന്ന് നോക്കിയ പറയുന്നു. നോക്കിയ ജി21 രണ്ട് സ്റ്റോറേജ് ഓപ്ഷനുകളിലാണ് വരുന്നത്. അടിസ്ഥാന 4ജിബി+ 64ജിബി സ്റ്റോറേജ് ഓപ്ഷന്റെ വില 12,999 രൂപയാണ്. 6ജിബി+ 128ജിബി സ്റ്റോറേജ് ഓപ്ഷനും ഉണ്ട്, ഇതിന്റെ വില 14,999 രൂപയാണ്. നോര്‍ഡിക് ബ്ലൂ, ഡസ്‌ക് എന്നീ രണ്ട് നിറങ്ങളിലാണ് ഈ ഫോണ്‍ എത്തുന്നത്.
ലോഞ്ച് ഓഫറുകളുടെ ഭാഗമായി, ഔദ്യോഗിക വെബ്സൈറ്റില്‍ നിന്ന് നോക്കിയ ജി21 വാങ്ങുന്ന ഉപഭോക്താക്കള്‍ക്ക് ഒരു ജോടി BH-405 TWS സൗജന്യമായി ലഭിക്കും. കൂടാതെ, സി01 പ്ലസ് പുതിയ 2GB + 32GB സ്റ്റോറേജ് ഓപ്ഷനും ലഭിച്ചു. 6799 രൂപയാണ് ഇതിന്റെ വില. മൈ ജിയോ ആപ്പിലെ ജിയോ എക്സ്‌ക്ലൂസീവ് ഓഫര്‍ വഴിയോ റിലയന്‍സ് സ്റ്റോറുകള്‍ വഴിയോ 6,199 രൂപയ്ക്ക് എന്‍ട്രി ലെവല്‍ സ്മാര്‍ട്ട്ഫോണ്‍ വാങ്ങാം. എച്ച്ഡി+ റെസല്യൂഷനോടുകൂടിയ 5.45 ഇഞ്ച് ഐപിഎസ് എല്‍സിഡിയുമായാണ് ഫോണ്‍ വരുന്നത്. 3000 mAh ബാറ്ററി എന്നിവയുമുണ്ട്. ഫോണ്‍ ആന്‍ഡ്രോയിഡ് 11 ഔട്ട് ഓഫ് ബോക്‌സ് ബൂട്ട് ചെയ്യുന്നു. 5എംപി പിന്‍ ക്യാമറയും കൂടാതെ 5എംപി മുന്‍ ക്യാമറയും ഇതിലുണ്ട്.
