റിയൽമി പി4 പവർ 5ജി സ്മാര്ട്ട്ഫോണ് ഇന്ത്യയില് ലോഞ്ച് ചെയ്തു. Realme P4 Power 5Gയുടെ ഇന്ത്യയിലെ വിലയും സവിശേഷതകളും വിശദമായി അറിയാം. 25,999 രൂപയാണ് ഫോണിന്റെ ആരംഭ വില.
ദില്ലി: 10,001 എംഎഎച്ച് ബാറ്ററിയുള്ള പി4 പവർ 5ജി (Realme P4 Power 5G) സ്മാർട്ട്ഫോൺ റിയൽമി ഇന്ത്യയിൽ പുറത്തിറക്കി. ഏറ്റവും വലിയ ബാറ്ററിയുമായി എത്തുന്ന റിയൽമി പി4 പവർ 5ജി ഫോണിന്റെ 8 ജിബി/128 ജിബി മോഡൽ 25,999 രൂപ മുതൽ ലഭ്യമാണ്. 8 ജിബി/256 ജിബി മോഡലിന് 27,999 രൂപയാകും. 12 ജിബി/256 ജിബി മോഡലിന് 30,999 രൂപയാണ് വില. റിയൽമി പി4 പവർ 5ജി ഫെബ്രുവരി 5 മുതൽ റിയൽമിയുടെ ഔദ്യോഗിക സ്റ്റോറിലും മെയിൻലൈൻ ചാനലുകളിലും ട്രാൻസ്ഓറഞ്ച്, ട്രാൻസിൽവർ, ട്രാൻസ്ബ്ലൂ എന്നീ ഓപ്ഷനുകളിൽ ലഭ്യമാകും. ഈ ഫോണിന്റെ സിവിശേഷതകൾ അറിയാം.
റിയൽമി പി4 പവർ 5ജി സ്പെസിഫിക്കേഷനുകൾ
റിയൽമി പി4 പവർ 5ജി സ്മാർട്ട്ഫോണിന്റെ ഏറ്റവും വലിയ പ്രത്യേകത അതിന്റെ വലിയ ബാറ്ററിയാണ്. 10,001 എംഎഎച്ച് ടൈറ്റൻ ബാറ്ററിയാണ് ഈ ഫോണിൽ ഉൾപ്പെടുത്തിയിരിക്കുന്നത്. ഇതുവരെയുള്ള ഏതൊരു വാണിജ്യ സ്മാർട്ട്ഫോണിലും നൽയിട്ടുള്ളതിൽ വച്ച് ഏറ്റവും വലിയ ബാറ്ററിയാണിതെന്ന് കമ്പനി അവകാശപ്പെടുന്നു. ഒറ്റ ചാർജിൽ ഏകദേശം 1.5 ദിവസം വരെ ഈ ബാറ്ററി നിലനിൽക്കുമെന്ന് കമ്പനി പറയുന്നു. 80 വാട്സ് ഫാസ്റ്റ് ചാർജിംഗ്, ബൈപാസ് ചാർജിംഗ്, 27 വാട്സ് റിവേഴ്സ് ചാർജിംഗ് സവിശേഷതകൾ എന്നിവ ഫോൺ പിന്തുണയ്ക്കുന്നു.
ഡിസ്പ്ലേ
Related Articles
റിയൽമി പി4 പവർ 5ജിയിൽ 6.8 ഇഞ്ച് 1.5കെ അമോലെഡ് ഹൈപ്പർഗ്ലോ 4ഡി കർവ്+ ഡിസ്പ്ലേ, 144 ഹെര്ട്സ് റിഫ്രഷ് റേറ്റ് സപ്പോർട്ട് എന്നിവയുണ്ട്. പ്രകടനത്തിനായി, ഹൈപ്പർവിഷൻ+ എഐ ചിപ്പുമായി ജോടിയാക്കിയ മീഡിയടെക് ഡൈമെൻസിറ്റി 7400 അൾട്രാ ചിപ്സെറ്റാണ് ഫോണിന് കരുത്ത് പകരുന്നത്. തെർമൽ മാനേജ്മെന്റിനായി, റിയൽമി ഫോണിൽ 4613എംഎം² എയർഫ്ലോ വിസിയും വലിയ 13743എംഎം² ഗ്രാഫൈറ്റ് ഏരിയയും ഉണ്ട്. ഇത് ചൂട് പുറന്തള്ളുന്നത് മെച്ചപ്പെടുത്തുമെന്ന് കമ്പനി അവകാശപ്പെടുന്നു.
ക്യാമറ
റിയൽമി പി4 പവർ 5ജിയിൽ ഡ്യുവൽ റിയർ സജ്ജീകരണം ലഭിക്കുന്നു. അതിൽ ഒഐഎസ് ഉള്ള 50എംപി സോണി പ്രൈമറി ക്യാമറയും 4കെ വീഡിയോ റെക്കോർഡിംഗിനെ പിന്തുണയ്ക്കുന്ന 8എംപി അൾട്രാ-വൈഡ് ക്യാമറയും ഉൾപ്പെടുന്നു. മുൻവശത്ത് 16എംപി സെൽഫി ക്യാമറയുണ്ട്. ക്യാമറ ഹാർഡ്വെയറിനൊപ്പം, ഫോട്ടോഗ്രാഫി അനുഭവം മെച്ചപ്പെടുത്തുമെന്ന് അവകാശപ്പെടുന്ന എഐ എഡിറ്റ് ജെനി 2.0, എഐ ഇൻസ്റ്റന്റ് ക്ലിപ്പ്, എഐ പെർഫെക്റ്റ് ഷോട്ട്, എഐ ലൈറ്റ്മി, എഐ സ്റ്റൈൽമി തുടങ്ങിയ നിരവധി എഐ സവിശേഷതകളും ഫോണിൽ ഉണ്ട്.
സുരക്ഷ
റിയൽമി പി4 പവർ 5ജി സ്മാർട്ട്ഫോൺ, ആൻഡ്രോയ്ഡ് 16 അടിസ്ഥാനമാക്കിയുള്ള റിയൽമി യുഐ 7.0 പ്രവർത്തിപ്പിക്കുന്നു. സുഗമമായ ആനിമേഷനുകൾക്കും മികച്ച മൾട്ടി ടാസ്കിംഗ് അനുഭവത്തിനുമായി രൂപകൽപ്പന ചെയ്തിരിക്കുന്ന പുതിയ ഫ്ലക്സ് എഞ്ചിൻ ഇതിൽ ഉൾപ്പെടുത്തിയിട്ടുണ്ടെന്ന് കമ്പനി പറയുന്നു. പി4 പവർ 5ജിക്ക് മൂന്ന് പ്രധാന ആൻഡ്രോയ്ഡ് ഒഎസ് അപ്ഡേറ്റുകളും നാല് വർഷത്തെ സുരക്ഷാ പാച്ചുകളും റിയൽമി വാഗ്ദാനം ചെയ്യുന്നു. ഈടുനിൽക്കുന്നതിന്റെ കാര്യത്തിലും ഫോൺ കരുത്തുറ്റതായിരിക്കും. റിയൽമി പി4 പവർ ഐപി66, ഐപി68, ഐപി69 റേറ്റിംഗുകളോടെയാണ് വരുന്നത്, ഇത് പൊടിയെയും വെള്ളത്തെയും വളരെ പ്രതിരോധിക്കും. കൂടാതെ, ഫോണിന്റെ മുൻവശത്ത് ആർമർഷെൽ സംരക്ഷണവും കോർണിംഗ് ഗൊറില്ല ഗ്ലാസും ഉണ്ട്.
