പ്രമേഹം സ്വാഭാവികമായി നിയന്ത്രിക്കാൻ സഹായിക്കുന്ന 6 സൂപ്പർഫുഡുകൾ
നമ്മുടെ ജീവിതശൈലിയും ഭക്ഷണക്രമവും ആരോഗ്യത്തെ, പ്രത്യേകിച്ച് രക്തത്തിലെ പഞ്ചസാരയുടെ അളവിനെ ബാധിക്കുന്നു. പ്രമേഹം നിയന്ത്രിക്കാൻ ഈ സൂപ്പർഫുഡുകൾ കഴിക്കാം.
ചെറുപയർ വർഗ്ഗങ്ങളും പരിപ്പുകളും
നമ്മുടെ ദൈനംദിന ഭക്ഷണത്തിന്റെ ഭാഗമായ പരിപ്പുവർഗ്ഗങ്ങൾ പ്രമേഹരോഗികൾക്ക് മികച്ച സൂപ്പർഫുഡാണ്. സോല്യൂബിൾ ഫൈബറും സസ്യപ്രോട്ടീനും ഇവയിൽ ധാരാളമായി അടങ്ങിയിട്ടുണ്ട്.
പച്ചക്കറികൾ
ഇലക്കറികൾ, ചുരക്ക, വെള്ളരി, പയറുവർഗ്ഗങ്ങൾ, വെണ്ടയ്ക്ക എന്നിവ പ്രമേഹ നിയന്ത്രണത്തിന് വളരെ നല്ലതാണ്. ഇവയിൽ ഫൈബറും വെള്ളവും ധാരാളമായി അടങ്ങിയിട്ടുണ്ട്. ഇത് ഗ്ലൂക്കോസ് ശരീരത്തിലേക്ക് ആഗിരണം ചെയ്യപ്പെടുന്നതിന്റെ വേഗത കുറയ്ക്കുന്നു.
നട്സ്, സീഡ്സ്
ധാരാളം ആരോഗ്യഗുണങ്ങൾ അടങ്ങിയ ഒന്നാണ് നട്സുകളും സീഡുകളും. ബദാം, വാൽനട്ട്, ഫ്ലാക്സ് സീഡ്സ്, കുമ്പളങ്ങയുടെ വിത്ത് എന്നിവയിൽ നല്ല കൊഴുപ്പ്, പ്രോട്ടീൻ, മറ്റ് അവശ്യ പോഷകങ്ങൾ എന്നിവ അടങ്ങിയിരിക്കുന്നു. ഇവ ശരീരത്തിലെ ഇൻസുലിൻ കൃത്യമായി ഉപയോഗപ്പെടുത്താൻ സഹായിക്കുന്നു.
ഉലുവയും കറുവപ്പട്ടയും
ഉലുവയും കറുവപ്പട്ടയും പ്രമേഹ നിയന്ത്രണത്തിന് ഏറെ മികച്ചതാണ്. ഉലുവ രക്തത്തിലേക്ക് പഞ്ചസാര ആഗിരണം ചെയ്യുന്നതിന്റെ വേഗത കുറയ്ക്കുമ്പോൾ, കറുവപ്പട്ട മെറ്റബോളിസം വർദ്ധിപ്പിക്കാനും ഇൻസുലിൻ സംവേദനക്ഷമത മെച്ചപ്പെടുത്താനും സഹായിക്കുന്നു.
കറിവേപ്പിലയും നെല്ലിക്കയും
കറിവേപ്പിലയും നെല്ലിക്കയും രക്തത്തിലെ പഞ്ചസാരയുടെ അളവ് ക്രമീകരിക്കുന്നതിൽ പ്രധാന പങ്ക് വഹിക്കുന്നു. കറിവേപ്പില ശരീരത്തിലെ കൊഴുപ്പ് വിഘടിപ്പിക്കാൻ സഹായിക്കുമ്പോൾ, നെല്ലിക്കയിൽ അടങ്ങിയിരിക്കുന്ന വിറ്റാമിൻ സി, ആന്റിഓക്സിഡന്റുകൾ എന്നിവ പാൻക്രിയാസിന്റെ ആരോഗ്യകരമായ പ്രവർത്തനത്തിന് സഹായിക്കുന്നു.
തവിടു കളയാത്ത ധാന്യങ്ങൾ
ശുദ്ധീകരിച്ച ധാന്യങ്ങൾക്ക് പകരം തവിടു കളയാത്ത ധാന്യങ്ങൾ തെരഞ്ഞെടുക്കുക. വെള്ള അരിയും മൈദയും രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിപ്പിക്കുകയും വീണ്ടും ഭക്ഷണം കഴിക്കാനുള്ള ആസക്തി ഉണ്ടാക്കുകയും ചെയ്യും.
