ഇത് പാചകത്തിനിടയിലെ അത്ഭുതമെന്ന് സോഷ്യല് മീഡിയ; വൈറലായി ചിത്രങ്ങള്
ലോക്ക്ഡൗണ് കാലത്ത് ചിലര് പാചകപരീക്ഷണങ്ങളിലാണ് മുഴുകിയിരിക്കുന്നത്. ഇപ്പോള് സമൂഹമാധ്യമത്തില് വൈറലാകുന്നതും പാചകസംബന്ധമായ ചില ചിത്രങ്ങളാണ്. 'പാചകത്തിനിടയിലെ അത്ഭുതം' എന്നു പറഞ്ഞാണ് ചിത്രങ്ങള് വൈറലാകുന്നത്.
തന്റെ ഭാര്യ പാചകം ചെയ്യുന്നതിനിടെ ഒരു അത്ഭുതം കണ്ടുവെന്ന് ഉറക്കെ വിളിച്ചു പറഞ്ഞുവെന്നും വന്നുനോക്കിയപ്പോള് ഇതാണ് കണ്ടതെന്നും പറഞ്ഞാണ് ട്വിറ്റര് ഉപയോക്താവായ മാത്യൂ ബേണ്സൈഡ് ഫോട്ടോ പോസ്റ്റ് ചെയ്തിരിക്കുന്നത്. സ്പെഗാറ്റി ഉണ്ടാക്കുന്നതിനിടെ തവിയില് പറ്റിപ്പിടിച്ച രൂപമാണ് ചിത്രം ശ്രദ്ധ നേടാന് കാരണം. എണ്ണൂറോളം ലൈക്കുകളും രണ്ടായിരത്തിനടുത്ത് റീട്വീറ്റുകളുമാണ് ചിത്രത്തിന് ലഭിച്ചത്.
സംഭവം ട്വിറ്ററില് വൈറലായതോടെ പാചകത്തിനിടയില് സംഭവിച്ച 'അത്ഭുത'ങ്ങളുമായി പലരും സമാനമായ ചിത്രങ്ങള് പോസ്റ്റ് ചെയ്തു.
ചായ കുടിച്ച കപ്പിലെ സ്മൈലി ഫേസും ബേക്കിങ് ചെയ്യാനെടുത്ത കുക്കീസില് ഉപ്പ് ചേര്ത്തത് ഹാര്ട്ട് ഷേപ്പില് വന്നതുമൊക്കെ അക്കൂട്ടത്തിലുണ്ട്.
ഹൃദയാകൃതിയില് മുറിഞ്ഞുവന്ന ഉള്ളിയുടെ ചിത്രമാണ് ദിവ്യ എന്ന യുവതി ട്വിറ്ററിലൂടെ പങ്കുവച്ചത്.
സര്പ്രൈസ് സ്മൈലിയുള്ള ചിപ്സുമൊക്കെ പലരും പോസ്റ്റ് ചെയ്തതും വൈറലായി.