വെറും 5 മിനിറ്റിൽ 20-ൽ അധികം പൂരി പരത്താം! ഈ ടെക്നിക്ക് വേറെ ലെവൽ
കുറഞ്ഞ സമയം കൊണ്ട് 20-ൽ അധികം പൂരികൾ ഉണ്ടാക്കാനുള്ള എളുപ്പവഴി കാണിച്ചുതരുന്ന വീഡിയോ സോഷ്യൽ മീഡിയയിൽ വൈറലായി മാറിയിരിക്കുകയാണ്. ബട്ടർ പേപ്പറും ഒരു പാത്രവും ഉപയോഗിച്ച് ഒരേ സമയം നിരവധി പൂരികൾ പരത്തുന്ന ഈ രീതി പാചക സമയം ലാഭിക്കാൻ സഹായിക്കും.
കുറഞ്ഞ സമയത്തിനുള്ളിൽ പാചകം
ഇന്നത്തെ കാലത്ത് ആർക്കും ഒന്നിനും സമയമില്ല. അതുകൊണ്ട് പലരും രുചികരമായി പാചകം ചെയ്യാൻ മെനക്കെടാതെ ഓൺലൈൻ ആപ്പുകൾ വഴി ഭക്ഷണം ഓർഡർ ചെയ്യുന്നു. കുറഞ്ഞ സമയത്തിനുള്ളിൽ എങ്ങനെ പാചകം ചെയ്യാമെന്നുള്ള വീഡിയോകൾ സോഷ്യൽ മീഡിയയിൽ വൈറലാകാറുണ്ട്.
20-ൽ അധികം പൂരികൾ പരത്താം
വൈറലാകുന്ന വീഡിയോ പ്രകാരം, അഞ്ച് മിനിറ്റിനുള്ളിൽ 20-ൽ അധികം പൂരികൾ പരത്താൻ സാധിക്കും. ഇത് സമയം ലാഭിക്കുന്നതിനൊപ്പം ശുദ്ധമായ ഭക്ഷണം കഴിക്കാനും സഹായിക്കുമെന്ന് പലരും അഭിപ്രായപ്പെടുന്നു. കുറഞ്ഞ സമയം കൊണ്ട് കൂടുതൽ പൂരി എങ്ങനെ ഉണ്ടാക്കാമെന്ന് നോക്കാം.
സ്റ്റെപ്പ് 1
ആദ്യം പൂരിക്ക് ആവശ്യമായ മാവ് കുഴച്ചെടുക്കുക. ശേഷം, അത് ചെറിയ ഉരുളകളാക്കി മാറ്റുക. ഒരേ സമയം കൂടുതൽ പൂരികൾ തയ്യാറാക്കാൻ നിങ്ങൾക്ക് ബട്ടർ പേപ്പർ ആവശ്യമാണ്.
സ്റ്റെപ്പ് 2
ആദ്യം ഒരു ബട്ടർ പേപ്പർ കിച്ചൺ സ്ലാബിൽ വയ്ക്കുക. ഈ പേപ്പറിന് മുകളിൽ തയ്യാറാക്കിയ നാല് ഉരുളകൾ വയ്ക്കുക. ഉരുളകൾക്കിടയിൽ ആവശ്യത്തിന് അകലം ഉണ്ടാകാൻ ശ്രദ്ധിക്കുക.
സ്റ്റെപ്പ് 3
നാല് ഉരുളകൾ വെച്ച ശേഷം, അതിനു മുകളിൽ മറ്റൊരു ബട്ടർ പേപ്പർ വെക്കുക. അതിന് മുകളിലും നാല് ഉരുളകൾ വെക്കുക. ഇങ്ങനെ അഞ്ച് പേപ്പറുകളിലായി മാവ് ഉരുളകൾ ഒന്നിനു മുകളിൽ ഒന്നായി വെക്കണം.
സ്റ്റെപ്പ് 4
അവസാനമായി, ഇതിന് മുകളിൽ പരന്ന ഒരു പാത്രം വെക്കുക. ശേഷം പാത്രത്തിൽ ശക്തിയായി അമർത്തുക. പാത്രം മാറ്റിയ ശേഷം ഓരോ ബട്ടർ പേപ്പറായി എടുത്തുമാറ്റിയാൽ പരത്തിയ പൂരി തയ്യാർ. വൈറൽ വീഡിയോ കാണാൻ ലിങ്കിൽ ക്ലിക്ക് ചെയ്യുക. വീഡിയോ