- Home
- Technology
- Gadgets (Technology)
- ഫോട്ടോകള്ക്ക് പ്രീമിയം ലുക്ക്; 30000 രൂപയിൽ താഴെ വിലയുള്ള മികച്ച ക്യാമറ ഫോണുകള്
ഫോട്ടോകള്ക്ക് പ്രീമിയം ലുക്ക്; 30000 രൂപയിൽ താഴെ വിലയുള്ള മികച്ച ക്യാമറ ഫോണുകള്
ഒരുകാലത്ത് 70,000 രൂപയിൽ അധികം വിലയുള്ള ഫ്ലാഗ്ഷിപ്പ് സ്മാര്ട്ട്ഫോണുകൾക്ക് മാത്രമായി പരിമിതപ്പെട്ടിരുന്ന പെരിസ്കോപ്പ് ടെലിഫോട്ടോ ലെൻസുകളും 200 എംപി പോലുള്ള ഭീമൻ ക്യാമറ സെൻസറുകളും ഇന്ന് മിഡ്-റേഞ്ച് മൊബൈല് ഫോണുകളിലും ലഭ്യമാകുന്നു.
ഇമേജ് സിഗ്നൽ പ്രൊസസർ വിപ്ലവം
30,000 രൂപയിൽ താഴെയുള്ള മൊബൈല് ഫോണ് വിഭാഗത്തില് ഇപ്പോൾ വൻ മത്സരമാണ് നടക്കുന്നത്. റിയൽമി, മോട്ടോറോള, നത്തിംഗ്, വിവോ പോലുള്ള ബ്രാൻഡുകൾ മികച്ച ക്യാമറ ഫീച്ചറുകള് മിഡ്-റേഞ്ച് ഫോണുകളിലും വാഗ്ദാനം ചെയ്യുന്നു. ഹൈ-ക്വാളിറ്റി വ്ലോഗിംഗ്, വിശദമായ സൂം ഫോട്ടോഗ്രഫി, സ്റ്റുഡിയോ-ലെവൽ പോർട്രെയിറ്റുകൾ എല്ലാം ഇപ്പോൾ മിഡ്-റേഞ്ച് ബജറ്റിൽ തന്നെ ലഭിക്കും. കണ്ടന്റ് നിർമ്മിക്കാൻ ആഗ്രഹിക്കുന്ന ഏതൊരാൾക്കും അപ്ഗ്രേഡ് ചെയ്യാൻ ഏറ്റവും അനുയോജ്യമായ സമയമാണിത്. ഇതാ 30,000 രൂപയിൽ താഴെ വിലയിൽ ജനപ്രിയ കമ്പനികളുടെ മികച്ച ക്യാമറ ഫോണുകളെ പരിചയപ്പെടാം.
1. റിയൽമി 15 5ജി
50 എംപി സോണി ഐഎംഎക്സ്882 ഒഐഎസ് പ്രധാന ക്യാമറയും 8 എംപി അൾട്രാ-വൈഡ് ലെൻസുമാണ് റിയൽമി 15 5ജിയുടെ ഹൈലൈറ്റ്. 4കെ വീഡിയോ, ഡ്യൂവൽ-വ്യൂ, നൈറ്റ് മോഡ്, പോർട്രെയിറ്റ്, സ്ലോ മോഷൻ തുടങ്ങി നിരവധി മോഡുകൾ ഇതിലുണ്ട്. 50 എംപി ഫ്രണ്ട് ക്യാമറ 4കെ റെക്കോർഡിംഗ് പിന്തുണയ്ക്കുന്നത് വ്ലോഗർമാർക്ക് വലിയ നേട്ടമാണ്.
ഡിസ്പ്ലേ: 6.8″ കർവ്ഡ് അമോലെഡ്, 144 ഹെര്ട്സ്
പ്രോസസർ: ഡെമെൻസിറ്റി 7300+ 5ജി
ക്യാമറ: 50 എംപി + 8 എംപി | ഫ്രണ്ട് 50 എംപി
ബാറ്ററി: 7000 എംഎഎച്ച്, 80 വാട്സ് സൂപ്പര്വൂക്
വില
8 ജിബി + 128 ജിബി– 25,999 രൂപ
8 ജിബി + 256 ജിബി– 27,999 രൂപ
2. മോട്ടോറോള എഡ്ജ് 70
50 എംപി ഒഐഎസ് പ്രധാന ക്യാമറ, 50 എംപി അൾട്രാ-വൈഡ്, കൂടാതെ ലൈറ്റ് സെൻസർ — മികച്ച എക്സ്പോഷറും ഡീറ്റെയിലും ഉറപ്പാക്കുന്നു. സ്നാപ് ഡ്രാഗൺ 7 ജെൻ 4 പ്രോസസറും ഐപി68/ഐപി69 ഡ്യൂറബിലിറ്റിയും ഇതിനെ ഒരു ഓൾറൗണ്ടറായി മാറ്റുന്നു.
ഡിസ്പ്ലേ: 6.7″ 1.5കെ പിഒഎല്ഇഡി, 120 ഹെര്ട്സ്, 4500 നിറ്റ്സ്
ക്യാമറ: 50 എംപി + 50 എംപി | ഫ്രണ്ട് 50 എംപി
ബാറ്ററി: 5000 എംഎഎച്ച്, 68 വാട്സ് വയർഡ് / 15 വാട്സ് വയർലെസ്
വില
8 ജിബി + 256 ജിബി– 29,999 രൂപ
3. നത്തിംഗ് ഫോൺ (3a) പ്രോ
നത്തിംഗിന്റെ “ട്രൂ റ്റു ലൈഫ്” ഫോട്ടോഗ്രഫി ഫിലോസഫിയാണ് ഫോൺ (3a)പ്രോയെ വ്യത്യസ്തമാക്കുന്നത്. 50 എംപി പ്രധാന ക്യാമറ സ്വാഭാവിക സ്കിൻ ടോണുകളും ബാലൻസ്ഡ് ഷാഡോകളും നൽകുന്നു. 50 എംപി 3എക്സ് പെരിസ്കോപ്പ് ലെൻസ് പ്രൊഫഷണൽ ലുക്കുള്ള പോർട്രെയിറ്റുകൾക്ക് അനുയോജ്യം.
ഡിസ്പ്ലേ: 6.77″ അമോലെഡ്, 120 ഹെര്ട്സ്
പ്രോസസർ: സ്നാപ്ഡ്രാഗണ് 7എസ് ജെന് 3
ക്യാമറ: 50 എംപി + 50 എംപി (3x) + 8 എംപി
ബാറ്ററി: 5000 എംഎഎച്ച്, 50 വാട്സ്
വില
8 ജിബി + 128 ജിബി– 29,999 രൂപ
4. വിവോ ടി4 പ്രോ
50 എംപി സോണി ഒഐഎസ് മെയിൻ ക്യാമറയും 50 എംപി 3എക്സ് പെരിസ്കോപ്പ് ടെലിഫോട്ടോ ലെൻസുമാണ് വിവോ ടി4 പ്രോയുടെ ശക്തി. ക്വാഡ്-കർവ്ഡ്അമോലെഡ് ഡിസ്പ്ലേയും 90 വാട്സ് ഫാസ്റ്റ് ചാർജിംഗും പ്രീമിയം അനുഭവം നൽകുന്നു.
ഡിസ്പ്ലേ: 6.77″ അമോലെഡ്, 120 ഹെര്ട്സ്
പ്രോസസർ: സ്നാപ്ഡ്രാഗണ് 7 ജെന് 4
ക്യാമറ: 50 എംപി + 50 എംപി (3x) | ഫ്രണ്ട് 32 എംപി
ബാറ്ററി: 6500 എംഎഎച്ച്, 90 വാട്സ്
വില
8 ജിബി+ 128 ജിബി – 27,999 രൂപ
8 ജിബി + 256 ജിബി – 29,999 രൂപ
5. മോട്ടോറോള എഡ്ജ് 60 പ്രോ
50 എംപി ഒഐഎസ് മെയിൻ ക്യാമറ, 50 എംപി അൾട്രാ-വൈഡ്, 10 എംപി എക്സ് ടെലിഫോട്ടോ — എല്ലാ സാഹചര്യങ്ങൾക്കും അനുയോജ്യമായ ക്യാമറ സിസ്റ്റം. ഡൈമെൻസിറ്റി 8350 എക്സ്ട്രീം പ്രോസസറും 90 വാട്സ് ടർബോ പവർ ചാർജിംഗും ശക്തമായ പ്രകടനം ഉറപ്പാക്കുന്നു.
ഡിസ്പ്ലേ: 6.7″ പിഒഎല്ഇഡി, 120Hz, 4500 നിറ്റ്സ്
ക്യാമറ: 50 എംപി + 50 എംപി + 10 എംപി | ഫ്രണ്ട് 50 എംപി
ബാറ്ററി: 6000 എംഎഎച്ച്, 90 വാട്സ്
വില
8 ജിബി + 256 ജിബി – 28,999 രൂപ
