ഫാറ്റി പാൻക്രിയാസ് ; ഈ അഞ്ച് ലക്ഷണങ്ങൾ അവഗണിക്കരുത്
പാന്ക്രിയാസില് അമിതമായി കൊഴുപ്പ് അടിഞ്ഞുകൂടുന്നത് മൂലം ഇന്സുലിന് ഉത്പാദനം തടസ്സപ്പെടുകയും, പ്രമേഹം, കാന്സർ എന്നിവയ്ക്കുള്ള സാധ്യത വർധിക്കുകയും ചെയ്യുന്ന അവസ്ഥയാണ് 'ഫാറ്റി പാന്ക്രിയാസ് ഡിസോർഡർ'.
ഫാറ്റി പാൻക്രിയാസ് ; ഈ അഞ്ച് ലക്ഷണങ്ങൾ അവഗണിക്കരുത്
പാന്ക്രിയാസില് അമിതമായി കൊഴുപ്പ് അടിഞ്ഞുകൂടുന്നത് മൂലം ഇന്സുലിന് ഉത്പാദനം തടസ്സപ്പെടുകയും, പ്രമേഹം, കാന്സർ എന്നിവയ്ക്കുള്ള സാധ്യത വർധിക്കുകയും ചെയ്യുന്ന അവസ്ഥയാണ് 'ഫാറ്റി പാന്ക്രിയാസ് ഡിസോർഡർ'. ഇൻസുലിൻ ഉൽപ്പാദിപ്പിക്കാനുള്ള പാൻക്രിയാസിന്റെ ശേഷിയെ ഇത് തകരാറിലാക്കുകയും ഗുരുതരമായ ആരോഗ്യപ്രശ്നങ്ങൾക്ക് വഴിയൊരുക്കുകയും ചെയ്തേക്കാം.
രോഗത്തിന്റെ പ്രാരംഭ ഘട്ടത്തിൽ കാര്യമായ ലക്ഷണങ്ങൾ പ്രകടമാകില്ല.
രോഗത്തിന്റെ പ്രാരംഭ ഘട്ടത്തിൽ കാര്യമായ ലക്ഷണങ്ങൾ പ്രകടമാകാത്തതിനാൽ ഇതൊരു 'നിശബ്ദ' രോഗാവസ്ഥയായാണ് കണക്കാക്കപ്പെടുന്നത്. എന്നാൽ രോഗം തിരിച്ചറിയപ്പെടാതെ പോയാൽ ടൈപ്പ് 2 പ്രമേഹം, പാൻക്രിയാറ്റൈറ്റിസ് (പാൻക്രിയാസിലുണ്ടാകുന്ന വീക്കം), പാൻക്രിയാറ്റിക് ക്യാൻസർ എന്നിവയ്ക്കുള്ള സാധ്യത ഇത് ഗണ്യമായി വർദ്ധിപ്പിക്കുന്നു. അമിതവണ്ണം, പ്രമേഹം എന്നിവയുമായി ഈ അവസ്ഥയ്ക്ക് ബന്ധമുണ്ടെന്നും പാൻക്രിയാറ്റിക് ക്യാൻസർ സാധ്യത വർദ്ധിപ്പിച്ചേക്കാമെന്നും പഠനങ്ങൾ പറയുന്നു.
കൊഴുപ്പ് അടിഞ്ഞുകൂടിയ പാൻക്രിയാസ് ഗുരുതരമായ മെറ്റബോളിക് തകരാറുകളുടെ ലക്ഷണമാകാം
കൊഴുപ്പ് അടിഞ്ഞുകൂടിയ പാൻക്രിയാസ് ഗുരുതരമായ മെറ്റബോളിക് തകരാറുകളുടെ ലക്ഷണമാകാം. കൂടാതെ പ്രമേഹം, പാൻക്രിയാസിലെ വീക്കം, ആന്തരിക അവയവങ്ങളുടെ പ്രവർത്തനം തകരാറിലാകൽ എന്നിവയ്ക്കുള്ള സാധ്യത വർദ്ധിപ്പിക്കുകയും ചെയ്തേക്കാം. പലപ്പോഴും ഇതിന് പ്രാരംഭ ലക്ഷണങ്ങൾ ഉണ്ടാകാറില്ല. അതിനാൽ സങ്കീർണ്ണമായ ആരോഗ്യപ്രശ്നങ്ങൾ ഉണ്ടാകുന്നതുവരെ രോഗികൾക്ക് തങ്ങൾക്ക് ഈ അവസ്ഥയുണ്ടെന്ന് അറിയാൻ കഴിഞ്ഞെന്നു വരില്ല.
പാങ്ക്രിയാസിനുള്ളിൽ അസാധാരണമായ രീതിയിൽ കൊഴുപ്പ് അടിഞ്ഞുകൂടുന്ന അവസ്ഥ
അമിതവണ്ണത്തെയും ഉയർന്ന ട്രൈഗ്ലിസറൈഡ് (triglyceride) അളവിനെയും അവഗണിക്കുന്നത് അപകടകരമാണെന്ന് ഫരീദാബാദിലെ അമൃത ഹോസ്പിറ്റലിലെ ഗ്യാസ്ട്രോഇന്റസ്റ്റൈനൽ സർജറി വിഭാഗം കൺസൾട്ടന്റും അസിസ്റ്റന്റ് പ്രൊഫസറുമായ ഡോ. ജയ അഗർവാൾ പറയുന്നു. പാങ്ക്രിയാസിനുള്ളിൽ അസാധാരണമായ രീതിയിൽ കൊഴുപ്പ് അടിഞ്ഞുകൂടുന്ന അവസ്ഥയാണ് 'ഫാറ്റി പാങ്ക്രിയാസ് ഡിസോർഡർ'.
കൊഴുപ്പ് വിട്ടുമാറാത്ത വീക്കത്തിനും പാങ്ക്രിയാസിന്റെ പ്രവർത്തനത്തെയും ബാധിക്കാം
പ്രായമാകുമ്പോൾ സ്വാഭാവികമായി ചെറിയ അളവിൽ കൊഴുപ്പ് കാണപ്പെടാറുണ്ടെങ്കിലും അമിതമായ തോതിലുള്ള കൊഴുപ്പ് അടിഞ്ഞുകൂടുന്നത് ഇൻസുലിൻ ഉൽപ്പാദിപ്പിക്കുന്ന ബീറ്റാ കോശങ്ങളുടെ പ്രവർത്തനത്തെ തടസ്സപ്പെടുത്തിയേക്കാം. ഈ കൊഴുപ്പ് വിട്ടുമാറാത്ത വീക്കത്തിനും കലകളുടെ നാശത്തിനും കാരണമാവുകയും അതുവഴി പാങ്ക്രിയാസിന്റെ പ്രവർത്തനം ക്രമേണ മന്ദഗതിയിലാക്കുകയും ചെയ്യുന്നുവെന്ന് വിദഗ്ധർ പറയുന്നു.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിലും പാൻക്രിയാസ് നിർണായക പങ്ക് വഹിക്കുന്നു
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിലും ദഹനപ്രക്രിയയിലും പാൻക്രിയാസ് (ആഗ്നേയഗ്രന്ഥി) നിർണായക പങ്ക് വഹിക്കുന്നു. അമിതമായ കൊഴുപ്പ് ഈ അവയവത്തിന് കേടുപാടുകൾ വരുത്തുമ്പോൾ ടൈപ്പ് 2 പ്രമേഹം, തീവ്രമായ പാൻക്രിയാറ്റൈറ്റിസ്, വിട്ടുമാറാത്ത പാൻക്രിയാറ്റൈറ്റിസ്, പാൻക്രിയാറ്റിക് ക്യാൻസർ എന്നിവയ്ക്കുള്ള സാധ്യത കൂട്ടുന്നു. അമിതവണ്ണം, ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ, നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD), വിട്ടുമാറാത്ത കരൾ രോഗം എന്നിവരിൽ അപകട സാധ്യത കൂട്ടുന്നു.
രക്തത്തിലെ പഞ്ചസാരയുടെ നിയന്ത്രണം വഷളാകുന്നതായി ആദ്യത്തെ ലക്ഷണം
ഫാറ്റി പാൻക്രിയാസ് തുടക്കത്തിൽ തന്നെ ശ്രദ്ധേയമായ ലക്ഷണങ്ങൾ കാണിച്ചേക്കില്ല. എന്നിരുന്നാലും, പാൻക്രിയാസിന് കേടുപാടുകൾ പുരോഗമിക്കുമ്പോൾ, മുന്നറിയിപ്പ് ലക്ഷണങ്ങൾ പ്രത്യക്ഷപ്പെടാം. നേരത്തെ നിയന്ത്രണവിധേയമായിരുന്ന പ്രമേഹം പെട്ടെന്ന് നിയന്ത്രിക്കാൻ പ്രയാസകരമാവുകയോ കൂടുതൽ മരുന്നുകൾ ആവശ്യമായി വരികയോ ചെയ്താൽ പാൻക്രിയാസിലുണ്ടാകുന്ന രോഗാവസ്ഥകളെക്കുറിച്ച് സംശയിക്കേണ്ടതുണ്ട്. രക്തത്തിലെ പഞ്ചസാരയുടെ നിയന്ത്രണം വഷളാകുന്നതായി ആദ്യത്തെ ലക്ഷണം.
തുടർച്ചയായ വയറിൻ്റെ മുകൾഭാഗത്തെ വേദന അനുഭവപ്പെടുന്നതാണ് മറ്റൊരു ലക്ഷണം
തുടർച്ചയായ വയറിൻ്റെ മുകൾഭാഗത്തെ വേദന അനുഭവപ്പെടുന്നതാണ് മറ്റൊരു ലക്ഷണം. വയറിന്റെ മുകൾഭാഗത്തു നിന്നും പുറത്തേക്ക് വ്യാപിക്കുന്ന വേദന, പ്രത്യേകിച്ച് ഓക്കാനം കൂടി അനുഭവപ്പെടുന്നുണ്ടെങ്കിൽ ഒരിക്കലും അവഗണിക്കരുത്.
വിളറിയതും എണ്ണമയമുള്ളതോ വെള്ളത്തിൽ പൊങ്ങിക്കിടക്കുന്നതോ ആയ മലം ഉണ്ടാകുന്നു.
എണ്ണമയമുള്ള മലമാണ് മറ്റൊരു ലക്ഷണം. ആഗ്നേയഗ്രന്ഥിക്ക് ആവശ്യമായ ദഹനരസങ്ങൾ ഉൽപ്പാദിപ്പിക്കാൻ കഴിയാതെ വരുമ്പോൾ കൊഴുപ്പ് ദഹിക്കുന്നത് തടസ്സപ്പെടുന്നു. ഇതിന്റെ ഫലമായി വിളറിയതും എണ്ണമയമുള്ളതോ വെള്ളത്തിൽ പൊങ്ങിക്കിടക്കുന്നതോ ആയ മലം ഉണ്ടാകുന്നു.
ചർമ്മമോ കണ്ണുകളോ മഞ്ഞനിറമാകുന്നത് പാൻക്രിയാസുമായി ബന്ധപ്പെട്ട തടസ്സത്തെ സൂചിപ്പിക്കുന്നു
ചർമ്മമോ കണ്ണുകളോ മഞ്ഞനിറമാകുന്നത് പാൻക്രിയാസുമായി ബന്ധപ്പെട്ട തടസ്സത്തെ സൂചിപ്പിക്കുന്നു. ഭക്ഷണക്രമത്തിലോ വ്യായാമത്തിലോ മാറ്റങ്ങളില്ലാതെ ശരീരഭാരം കുറയുന്നതും നിസാരമായി കാണരുത്. ഇതും ഫാറ്റി പാൻക്രിയാസിന്റെ മറ്റൊരു ലക്ഷണമാണ്.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
