ഈ ഭക്ഷണങ്ങൾ കഴിക്കൂ, കരളിനെ സംരക്ഷിക്കാം
ശരീരത്തിലെ ഏറ്റവും വലിയ ഗ്രന്ഥിയാണ് കരള്‍. മാലിന്യങ്ങളേയും ആവശ്യമില്ലാത്ത മറ്റ് വസ്തുക്കളേയും സംസ്കരിച്ച് കളഞ്ഞ് ശരീരം വൃത്തിയായി സൂക്ഷിക്കുന്നതിൽ പ്രധാന പങ്ക് വഹിക്കുന്നതും കരള്‍തന്നെ. കരളിന്റെ ആരോഗ്യം സംരക്ഷിക്കുക എന്നത് ഏറെ പ്രധാനമാണ്. കരളിന്റെ ആരോഗ്യത്തിന് നിർബന്ധമായും കഴിക്കേണ്ട അഞ്ച് ഭക്ഷണങ്ങളെ കുറിച്ചാണ് താഴേ പറയുന്നത്...
ബ്ലൂ ബെറി: ബ്ലൂ ബെറിയിൽ പോളിഫിനോൾസ് ധാരാളമായി അടങ്ങിയിരിക്കുന്നു. നോണ്‍ ആല്‍ക്കഹോളിക്ക് ഫാറ്റി ലിവര്‍, ഹൈ കൊളസ്ട്രോള്‍, അമിതവണ്ണം ഇവയില്‍ നിന്നെല്ലാം സംരക്ഷിക്കാന്‍ ഇതിന് സാധിക്കും. ഡാര്‍ക്ക്‌ ചോക്ലേറ്റ്, ഒലിവ്, പ്ലം എന്നിവയിലും പോളിഫിനോൾസ് അടങ്ങിയിട്ടുണ്ട്.
ചീര: കരളിന്റെ ആരോഗ്യത്തിന് സഹായിക്കുന്ന 'Glutathione' എന്ന ആന്റിഓക്സിഡന്റ് ചീരയിൽ ധാരാളം അടങ്ങിയിട്ടുണ്ട്. സലാഡിലോ ഓംലറ്റ് ആക്കിയോ തോരൻ വച്ചോ ചീര കഴിക്കാവുന്നതാണ്.
ബദാം: വിറ്റാമിന്‍ ഇ യുടെ കലവറയാണ് ബദാം. ഫാറ്റി ലിവര്‍ തടയാനും ഹൃദയത്തിന്റെ ആരോഗ്യത്തിനും ഏറെ നല്ലതാണ് ബദാം.
ഗ്രീന്‍ ടീ: ശരീരഭാരം കുറയ്ക്കാൻ മാത്രമല്ല കരളിന്റെ ആരോഗ്യത്തിനും മികച്ചതാണ് ഗ്രീൻ ടീ. 'Catechins' എന്ന ആന്റി ഓക്സിഡന്റ് ഗ്രീന്‍ ടീയിൽ ധാരാളമായി അടങ്ങിയിരിക്കുന്നു. പലതരം കാന്‍സര്‍ വളര്‍ച്ചകളെ തടയാന്‍ ഗ്രീന്‍ ടീയ്ക്ക് സാധിക്കും.
ബ്രൊക്കോളി: ബ്രൊക്കോളി നിങ്ങളുടെ ഡയറ്റില്‍ സ്ഥിരമായി ഉപയോഗപ്പെടുത്തുക. നോണ്‍ ആൽക്കഹോളിക് ഫാറ്റി ലിവര്‍ വരാതെ തടയാന്‍ ഇത് സഹായിക്കും.
