ക്യാൻസർ സാധ്യത കുറയ്ക്കുന്നതിനുള്ള ആറ് ജീവിതശൈലി മാറ്റങ്ങൾ

ശരീരത്തിലെ കോശങ്ങളുടെ അനാരോഗ്യകരവും നിയന്ത്രണാതീതവുമായ വളർച്ചയാണ് ക്യാൻസർ അഥവാ അർബുദം.

Image Credit : Getty

ക്യാൻസർ സാധ്യത കുറയ്ക്കുന്നതിനുള്ള ആറ് ജീവിതശൈലി മാറ്റങ്ങൾ

ശരീരത്തിലെ കോശങ്ങളുടെ അനാരോഗ്യകരവും നിയന്ത്രണാതീതവുമായ വളർച്ചയാണ് ക്യാൻസർ അഥവാ അർബുദം. രോഗസാധ്യത വർദ്ധിപ്പിക്കുന്ന ഘടകങ്ങൾ ഒഴിവാക്കുന്നതിലൂടെയും പ്രതിരോധ മാർഗ്ഗങ്ങൾ നടപ്പിലാക്കുന്നതിലൂടെയും 30 മുതൽ 50 ശതമാനം വരെ ക്യാൻസർ കേസുകൾ തടയാൻ സാധിക്കുമെന്ന് ലോകാരോ​ഗ്യ സംഘടന വ്യക്തമാക്കുന്നു. ക്യാൻസർ സാധ്യത കുറയ്ക്കാൻ സഹായിക്കുന്ന ചില ജീവിതശൈലീ മാറ്റങ്ങൾ.

Image Credit : Gemini AI

ക്യാൻസറിന് കാരണമാകുന്ന പ്രധാന ഘടകങ്ങളിലൊന്നാണ് പുകയിലയുടെ ഉപയോഗം

ക്യാൻസറിന് കാരണമാകുന്ന പ്രധാന ഘടകങ്ങളിലൊന്നാണ് പുകയിലയുടെ ഉപയോഗം. നിങ്ങൾ പുകവലിക്കുന്നയാളാണെങ്കിൽ അത് ഉപേക്ഷിക്കുക. ഒപ്പം, മറ്റൊരാൾ വലിക്കുമ്പോൾ പുറത്തുവരുന്ന പുക ശ്വസിക്കേണ്ടി വരുന്ന സാഹചര്യം ഒഴിവാക്കുകയും ചെയ്യുക. പുകയില ഉപയോഗം കോശങ്ങളിലെ ഡിഎൻഎയ്ക്ക് (DNA) കേടുപാടുകൾ വരുത്തുകയും ക്യാൻസറിന് കാരണമാകുന്നതെന്ന് തിരിച്ചറിഞ്ഞിട്ടുള്ള ഡസൻ കണക്കിന് രാസവസ്തുക്കൾ ശരീരത്തിലെത്തിക്കുകയും ചെയ്യുന്നതിനാൽ ഇത് കുറഞ്ഞത് 15 മുതൽ 20 വരെ വ്യത്യസ്ത തരം ക്യാൻസറുകൾക്ക് കാരണമാകുന്നു. പുകയിലയുടെ ഉപയോഗം അന്നനാളം, വായ, തൊണ്ട, പാൻക്രിയാസ് (ആഗ്നേയഗ്രന്ഥി) എന്നിവയ്ക്കുള്ള സാധ്യത കൂട്ടുന്നു.

Image Credit : chatgpt

പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ മാംസ്യം എന്നിവ ഉൾപ്പെടുത്തുക

പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ മാംസ്യം എന്നിവ അടങ്ങിയ ഭക്ഷണം കഴിക്കുന്നതിൽ ശ്രദ്ധ കേന്ദ്രീകരിക്കുക. സംസ്കരിച്ച ഭക്ഷണങ്ങൾ, ചുവന്ന മാംസം (red meat), മധുരം ചേർത്ത പാനീയങ്ങൾ എന്നിവയുടെ ഉപയോഗം കുറയ്ക്കുക. ആരോഗ്യകരവും സമീകൃതവുമായ ഭക്ഷണക്രമം അപകടസാധ്യതകൾ നിയന്ത്രിക്കാനും സഹായിക്കും.

Image Credit : Getty

കൃത്യമായ പരിശോധനകളിലൂടെ ക്യാൻസർ നേരത്തേ കണ്ടെത്താനും ചികിത്സിക്കാനും സാധിക്കും.

ക്യാൻസറിനെ ഫലപ്രദമായി നേരിടുന്നതിൽ രോഗം നേരത്തേ കണ്ടെത്തുന്നത് നിർണ്ണായകമാണ്. കൃത്യമായ പരിശോധനകളിലൂടെ ക്യാൻസർ നേരത്തേ കണ്ടെത്താനും ചികിത്സിക്കാനും സാധിക്കും.

Image Credit : pexels

ചിലതരം ക്യാൻസറുകളെ പ്രതിരോധിക്കാൻ വാക്സിനുകൾ സഹായിക്കും

ചിലതരം ക്യാൻസറുകളെ പ്രതിരോധിക്കാൻ വാക്സിനുകൾ സഹായിക്കും. ഉദാഹരണത്തിന്, ഗർഭാശയമുഖ ക്യാൻസറും മറ്റ് ക്യാൻസറുകളും വരാനുള്ള സാധ്യത കുറയ്ക്കുന്ന എച്ച്.പി.വി. (HPV) വാക്സിനും, കരൾ ക്യാൻസറിൽ നിന്ന് സംരക്ഷണം നൽകുന്ന ഹെപ്പറ്റൈറ്റിസ് ബി വാക്സിനും.

Image Credit : Getty

അമിതവണ്ണം വിവിധ തരം ക്യാൻസറുകളുമായി ബന്ധപ്പെട്ടിരിക്കുന്നു.

അമിതവണ്ണം വിവിധ തരം ക്യാൻസറുകളുമായി ബന്ധപ്പെട്ടിരിക്കുന്നു. ആരോഗ്യകരമായ ശരീരഭാരം നിലനിർത്തുന്നതിനായി സമീകൃതാഹാരവും പതിവായ ശാരീരിക പ്രവർത്തനങ്ങളും ശീലമാക്കുക.

Image Credit : Getty

മദ്യം കുറഞ്ഞത് ഏഴ് തരം ക്യാൻസറുകൾക്കുള്ള സാധ്യത വർദ്ധിപ്പിക്കുന്നു.

മദ്യം കുറഞ്ഞത് ഏഴ് തരം ക്യാൻസറുകൾക്കുള്ള സാധ്യത വർദ്ധിപ്പിക്കുന്നു. കുടൽ (കൊളോറെക്റ്റൽ) ക്യാൻസർ, കരൾ ക്യാൻസർ, വായയിലെ ക്യാൻസർ, തൊണ്ടയിലെ ക്യാൻസർ, അന്നനാളിയിലെ ക്യാൻസർ എന്നിവയ്ക്കുള്ള സാധ്യത കൂട്ടുന്നു. ദിവസവും മൂന്നോ അതിൽ കൂടുതലോ തവണ മദ്യം അടങ്ങിയ പാനീയങ്ങൾ കഴിക്കുന്നത് വിവിധ ക്യാൻസർ സാധ്യത കൂട്ടാമെന്നും വിദ​ഗ്ധർ പറയുന്നു.