കാത്സ്യത്തിന്റെ കുറവുണ്ടോ? ശരീരം കാണിക്കുന്ന ഈ ലക്ഷണങ്ങളെ അവഗണിക്കേണ്ട
ശരീരത്തിന് ഏറെ ആവശ്യമായ ഒരു ധാതുവാണ് കാത്സ്യം. എല്ലുകളുടെയും പല്ലുകളുടെയും ആരോഗ്യത്തിന് ഏറെ ആവശ്യമുള്ള ഒരു ധാതുവാണ് കാത്സ്യം. പല കാരണങ്ങള് കൊണ്ടും ശരീരത്തില് കാത്സ്യം കുറയാം.
കാത്സ്യത്തിന്റെ കുറവുണ്ടോ? ശരീരം കാണിക്കുന്ന ഈ ലക്ഷണങ്ങളെ അവഗണിക്കേണ്ട
പല കാരണങ്ങള് കൊണ്ടും ശരീരത്തില് കാത്സ്യം കുറയാം.
പേശിവലിവ്, മരവിപ്പ്
ശരീരത്തിൽ കാത്സ്യം കുറയുമ്പോൾ അതുമൂലം പേശിവലിവും കൈ-കാല് മരവിപ്പും ഉണ്ടാകാം.
എല്ല് തേയ്മാനം
എല്ല് തേയ്മാനം അഥവാ ഓസ്റ്റിയോപൊറോസിസ് സാധ്യത കൂടാനും ഇത് കാരണമാകും.
ദന്തക്ഷയം, പല്ലുകള് പെട്ടെന്ന് പൊട്ടി പോവുക
ദന്തക്ഷയം, പല്ലുകള് പെട്ടെന്ന് കേടാവുക, പല്ലുകള് പെട്ടെന്ന് പൊട്ടി പോവുക, പല്ലിന്റെ ഇനാമലിന് ഉണ്ടാകുന്ന മറ്റ് പ്രശ്നങ്ങള് തുടങ്ങിയവയൊക്കെ കാത്സ്യം കുറവിന്റെ സൂചനകളാകാം.
പെട്ടെന്ന് പൊട്ടുന്നതുമായ നഖങ്ങൾ
നഖങ്ങളുടെ ആരോഗ്യത്തിനും വേണ്ട ധാതുവാണ് കാത്സ്യം. പെട്ടെന്ന് പൊട്ടുന്നതുമായ നഖങ്ങൾ പലപ്പോഴും കാത്സ്യത്തിന്റെ കുറവിനെ സൂചിപ്പിക്കുന്ന ലക്ഷണമാകാം.
വരണ്ട ചർമ്മം, പരുക്കൻ തലമുടി
വരണ്ട ചർമ്മം, പരുക്കൻ തലമുടി, ചർമ്മത്തിലെ ചൊറിച്ചിൽ തുടങ്ങിയവയൊക്കെ കാത്സ്യം കുറവ് മൂലം ഉണ്ടാകാം.
ക്ഷീണം, മൂഡ് മാറ്റം
ക്ഷീണം പല രോഗങ്ങളുടെയും ലക്ഷണം ആണെങ്കിലും കാത്സ്യത്തിന്റെ കുറവിനെ സൂചിപ്പിക്കുന്ന ലക്ഷണമായും അമിത ക്ഷീണം ഉണ്ടാകാം. കാത്സ്യത്തിന്റെ കുറവ് മൂലം ചിലരില് ഓര്മ്മക്കുറവ്, വിഷാദം, മൂഡ് മാറ്റം, മറ്റ് മാനസിക പ്രശ്നങ്ങള് തുടങ്ങിയവ ഉണ്ടാകാം.
ശ്രദ്ധിക്കുക:
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.