Foods for Healthy Liver : കരളിന്റെ ആരോഗ്യത്തിന് കഴിക്കാം ആറ് ഭക്ഷണങ്ങൾ

മറ്റ് അവയവങ്ങൾ പോലെ തന്നെ കരളിന്റെ ആരോ​ഗ്യവും പ്രധാനമാണ്. ശരീരത്തിലെ മാലിന്യങ്ങളെ പുറന്തള്ളുന്നതിലും കരളിന് പ്രധാന പങ്കുണ്ട്. മഞ്ഞപ്പിത്തം, ഫാറ്റി ലിവർ ,ലിവർ സിറോസിസ് എന്നിവ കരളിനെ ബാധിക്കുന്ന രോഗങ്ങളാണ്. ആരോഗ്യകരമായ ഭക്ഷണവും ചിട്ടയായ ജീവിതരീതിയും ശീലിച്ചാൽ കരളിനെ സംരക്ഷിക്കാം. കരളിന്റെ ആരോഗ്യത്തിനായി ഡയറ്റിൽ ഉൾപ്പെടുത്താം ഈ ഭക്ഷണങ്ങൾ...

കാപ്പി കുടിക്കുന്നത് കരളിനെ സംരക്ഷിക്കാൻ സഹായിക്കുന്നു. പതിവ് കാപ്പി ഉപഭോഗം NAFLD (Nonalcoholic fatty liver disease) വികസിപ്പിക്കുന്നതിനുള്ള കുറഞ്ഞ അപകടസാധ്യതയുമായി ബന്ധപ്പെട്ടിരിക്കുന്നു. ദിവസവും കാപ്പി കുടിക്കുന്നവർക്ക് കരൾ രോഗം വരാനുള്ള സാധ്യത കുറവാണെന്ന് യൂണിവേഴ്സിറ്റി ഓഫ് സൗത്താംപ്ടൺ നടത്തിയ പഠനത്തിൽ പറയുന്നു.

സിട്രസ് പഴങ്ങളിൽ വിറ്റാമിൻ സി കൂടുതലായി അടങ്ങിയിട്ടുണ്ട്. കരളിന്റെ ആരോ​ഗ്യത്തിനായി സിട്രസ് പഴങ്ങളായ മുന്തിരി, ഓറഞ്ച് എന്നിവ കഴിക്കണമെന്ന് ഡോക്ടർമാർ പറയുന്നു. ‘പോളിഫെനോൾസ്’ എന്ന ആന്റിഓക്‌സിഡന്റുകൾഇവയിൽ അടങ്ങിയിട്ടുണ്ട്.

സാൽമൺ, മത്തി, ട്യൂണ തുടങ്ങിയ കൊഴുപ്പുള്ള മത്സ്യങ്ങളിൽ ഒമേഗ-3 ഫാറ്റി ആസിഡുകൾ കൂടുതലാണ്. കരൾ കൊഴുപ്പ് കുറയ്ക്കുകയും സംരക്ഷിത എച്ച്ഡിഎൽ കൊളസ്ട്രോൾ വർദ്ധിപ്പിക്കുകയും ട്രൈഗ്ലിസറൈഡിന്റെ അളവ് കുറയ്ക്കുകയും ചെയ്യുന്നതിലൂടെ ഒമേഗ-3-കൾ സപ്ലിമെന്റ് ചെയ്യുന്നത് NAFLD ഉള്ളവർക്ക് ഗുണം ചെയ്യുമെന്ന് പഠനം വ്യക്തമാക്കുന്നു.

NAFLD- യുമായി ബന്ധപ്പെട്ട രോഗങ്ങളുടെ അപകടസാധ്യത കുറയ്‌ക്കുന്ന മികച്ചൊരു ഭക്ഷണമാണ് ഓട്‌സ്. നാരുകൾ ധാരാളമായി അടങ്ങിയിരിക്കുന്നതിനാൽ കരളിന് സംരക്ഷിക്കുകയും മലബന്ധം അകറ്റുകയും ചെയ്യുന്നു.

നട്സ് വീക്കം, ഇൻസുലിൻ പ്രതിരോധം, ഓക്സിഡേറ്റീവ് സ്ട്രെസ് എന്നിവയുമായി ബന്ധപ്പെട്ടിരിക്കുന്നു. ഹൃദ്രോ​ഗസാധ്യത കുറയ്ക്കാനും നട്സ് ​ഗുണകരമാണ്.

മഞ്ഞളിൽ 'കുർക്കുമിൻ' എന്ന സംയുക്തം അടങ്ങിയിരിക്കുന്നതിനാൽ കരൾ രോഗം വരാനുള്ള സാധ്യത കുറയ്ക്കുന്നു. പ്രതി​രോധസംവിധാനം മെച്ചപ്പെടുത്താനും മഞ്ഞളിന് കഴിവുണ്ട്.

വിഷവസ്തുക്കളെ പുറന്തള്ളാൻ കഴിയുന്ന എൻസൈമുകളെ സജീവമാക്കാൻ വെളുത്തുള്ളി നിങ്ങളുടെ കരളിനെ സഹായിക്കുന്നു. കരൾ ശുദ്ധീകരിക്കാൻ സഹായിക്കുന്ന പ്രകൃതിദത്ത സംയുക്തങ്ങളായ അല്ലിസിൻ, സെലിനിയം എന്നിവയുടെ ഉയർന്ന അളവും ഇതിൽ അടങ്ങിയിട്ടുണ്ട്.