ഉയർന്ന കൊളസ്ട്രോൾ ; ഈ അഞ്ച് ലക്ഷണങ്ങൾ ഒരിക്കലും അവഗണിക്കരുത്
രക്തത്തിൽ കാണപ്പെടുന്ന മെഴുക് പോലുള്ള ഒരു പദാർത്ഥമാണ് കൊളസ്ട്രോൾ. ആരോഗ്യകരമായ കോശങ്ങൾ നിർമ്മിക്കാൻ ശരീരത്തിന് കൊളസ്ട്രോൾ ആവശ്യമാണ്.
ഉയർന്ന കൊളസ്ട്രോൾ ; ഈ അഞ്ച് ലക്ഷണങ്ങൾ ഒരിക്കലും അവഗണിക്കരുത്
രക്തത്തിൽ കാണപ്പെടുന്ന മെഴുക് പോലുള്ള ഒരു പദാർത്ഥമാണ് കൊളസ്ട്രോൾ. ആരോഗ്യകരമായ കോശങ്ങൾ നിർമ്മിക്കാൻ ശരീരത്തിന് കൊളസ്ട്രോൾ ആവശ്യമാണ്. എന്നാൽ കൊളസ്ട്രോളിന്റെ അളവ് കൂടുന്നത് ഹൃദ്രോഗ സാധ്യത വർദ്ധിപ്പിക്കും. അധിക കൊളസ്ട്രോൾ'പ്ലാക്ക്' ആയി അടിഞ്ഞുകൂടി ധമനികളെ തടസ്സപ്പെടുത്താൻ കാരണമായേക്കാം.
രക്തത്തിൽ കൊളസ്ട്രോളിന്റെ അളവ് അധികമാകുന്ന അവസ്ഥയാണ് ഉയർന്ന കൊളസ്ട്രോൾ
മതിയായ വ്യായാമമില്ലായ്മ, സമീകൃതാഹാരം കഴിക്കാതിരിക്കുക, പൂരിത കൊഴുപ്പ് (saturated fat) അടങ്ങിയ ഭക്ഷണങ്ങൾ അമിതമായി കഴിക്കുക തുടങ്ങിയ കാരണങ്ങൾ മൂലമാണ് പലപ്പോഴും ഉയർന്ന കൊളസ്ട്രോൾ ഉണ്ടാകുന്നത്. ആരോഗ്യകരമായ ഭക്ഷണക്രമം, കൃത്യമായ വ്യായാമം, ചിലപ്പോൾ മരുന്നുകൾ എന്നിവയിലൂടെ ഉയർന്ന കൊളസ്ട്രോ കുറയ്ക്കാൻ സാധിക്കും. ഉയർന്ന കൊളസ്ട്രോളിന്റെ ചില പ്രധാനപ്പെട്ട ലക്ഷണങ്ങളെ കുറിച്ചാണ് ഇനി പറയുന്നത്.
നെഞ്ചിൽ അനുഭവപ്പെടുന്ന മുറുക്കം, സമ്മർദ്ദം അല്ലെങ്കിൽ ഞെരുക്കം എന്നിവയാണ് ആദ്യത്തെ ലക്ഷണം
നെഞ്ചിൽ അനുഭവപ്പെടുന്ന മുറുക്കം, സമ്മർദ്ദം അല്ലെങ്കിൽ ഞെരുക്കം എന്നിവയാണ് ആദ്യത്തെ ലക്ഷണം. പലപ്പോഴും ശാരീരിക അധ്വാനമോ മാനസിക സമ്മർദ്ദമോ മൂലമാണ് ഇത് ഉണ്ടാകുന്നത്. ഉയർന്ന കൊളസ്ട്രോൾ സാധാരണയായി നേരിട്ട് നെഞ്ചുവേദന ഉണ്ടാക്കാറില്ല. എന്നാൽ, ഇത് ധമനികളിൽ 'പ്ലാക്ക്' (plaque) അടിഞ്ഞുകൂടുന്നതിനും, അതുവഴി 'അഥെറോസ്ക്ലിറോസിസ്' (atherosclerosis) എന്ന അപകടകരമായ അവസ്ഥയ്ക്കും കാരണമായേക്കാം.
ശാരീരിക അധ്വാനവേളകളിൽ ശ്വസിക്കാൻ ബുദ്ധിമുട്ട് അനുഭവപ്പെടുന്നതാണ് മറ്റൊരു ലക്ഷണം
ശ്വാസമുട്ടലാണ് മറ്റൊരു ലക്ഷണം. പ്രത്യേകിച്ച് ശാരീരിക അധ്വാനവേളകളിൽ ശ്വസിക്കാൻ ബുദ്ധിമുട്ട് അനുഭവപ്പെടുന്നതാണ് മറ്റൊരു ലക്ഷണം. രക്തക്കുഴലുകൾ ഇടുങ്ങിയതിനാൽ അവയിലൂടെ രക്തം പമ്പ് ചെയ്യാൻ ഹൃദയം കൂടുതൽ കഠിനമായി പ്രവർത്തിക്കേണ്ടിവരുന്നതാണ് ഇതിന് കാരണം.
കാലിലെ വേദനയാണ് കൊളസ്ട്രോൾ കൂടിയാലുള്ള മറ്റൊരു ലക്ഷണം.
കാലിലെ വേദനയാണ് കൊളസ്ട്രോൾ കൂടിയാലുള്ള മറ്റൊരു ലക്ഷണം.: അവയവങ്ങളിലേക്കുള്ള രക്തയോട്ടം കുറയുന്നത് മൂലം, ശാരീരിക പ്രവർത്തനങ്ങൾക്കിടയിൽ കാലുകളിലോ കണങ്കാലിലോ ഉണ്ടാകുന്ന പേശീവലിവ്, വേദന അല്ലെങ്കിൽ അസ്വസ്ഥത നിസാരമായി കാണരുത്.
മരവിപ്പ് അല്ലെങ്കിൽ തരിപ്പാണ് കൊളസ്ട്രോൾ കൂടിയാൽ ഉണ്ടാകാവുന്ന മറ്റൊരു ലക്ഷണം.
മരവിപ്പും തരിപ്പും: രക്തയോട്ടം കുറയുന്നത് മൂലം കൈകൾ, കൈത്തണ്ടകൾ, പാദങ്ങൾ അല്ലെങ്കിൽ കാലുകൾ എന്നിവയിൽ അനുഭവപ്പെടുന്ന മരവിപ്പ് അല്ലെങ്കിൽ തരിപ്പാണ് കൊളസ്ട്രോൾ കൂടിയാൽ ഉണ്ടാകാവുന്ന മറ്റൊരു ലക്ഷണം.
വിട്ടുമാറാത്ത ക്ഷീണമോ ബലഹീനതയോ കൊളസ്ട്രോൾ കൂടിയതിന്റെ ലക്ഷണമാകാം.
അവയവങ്ങൾക്കും പേശികൾക്കും ഓക്സിജൻ സമ്പുഷ്ടമായ രക്തം കുറഞ്ഞ അളവിൽ ലഭിക്കുന്നതുമൂലം ഉണ്ടാകുന്ന വിട്ടുമാറാത്ത ക്ഷീണമോ ബലഹീനതയോ കൊളസ്ട്രോൾ കൂടിയതിന്റെ ലക്ഷണമാകാം.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
