സ്ട്രോക്ക് അഥവാ പക്ഷാഘാതം; ഈ സൂചനകളെ തിരിച്ചറിയാതെ പോകരുത്
തലച്ചോറിലേയ്ക്ക് പോകുന്ന രക്തധമനികളുടെ തകരാറ് മൂലം തലച്ചോറിന്റെ പ്രവര്ത്തനത്തിന് പെട്ടെന്നുണ്ടാകുന്ന ആഘാതമാണ് സ്ട്രോക്ക് അഥവാ പക്ഷാഘാതം. സ്ട്രോക്കിന്റെ ലക്ഷണങ്ങള് പലപ്പോഴും തിരിച്ചറിയാന് വൈകുന്നതാണ് ചികിത്സ വൈകാന് കാരണമാകുന്നത്.
സ്ട്രോക്ക് അഥവാ പക്ഷാഘാതം; ഈ സൂചനകളെ തിരിച്ചറിയാതെ പോകരുത്
പക്ഷാഘാതത്തിന്റെ ലക്ഷണങ്ങള് എന്തൊക്കെയാണെന്ന് നോക്കാം.
കഠിനമായ തലവേദന
തലവേദന പല കാരണങ്ങള് കൊണ്ടും വരാം. എന്നാല് സ്ഥിരമായുള്ള കഠിനമായ തലവേദനയെ നിസാരമായി കാണേണ്ട. പ്രത്യേകിച്ച്, ഇവ ഛര്ദ്ദി, ഓക്കാനം, തലക്കറക്കം തുടങ്ങിയവയ്ക്കൊപ്പം കാണപ്പെടുന്നുണ്ടെങ്കില്, ഡോക്ടറെ കാണാന് മടിക്കരുത്.
തളർച്ച, മരവിപ്പ്
പെട്ടെന്നുണ്ടാകുന്ന തളർച്ച, മരവിപ്പ്, ശരീരത്തിന്റെ ഒരു വശത്ത് മാത്രമായി പെട്ടെന്നുണ്ടാകുന്ന ബലക്ഷയം, മുഖം ഒരു ഭാഗത്തേക്ക് കോടിപ്പോവുക തുടങ്ങിയവയൊക്കെ സ്ട്രോക്കിന്റെ സൂചനയാകാം.
നടക്കുമ്പോൾ ബാലൻസ് തെറ്റുന്നത്
നടക്കുമ്പോൾ ബാലൻസ് തെറ്റുന്നതും പക്ഷാഘാതത്തിന്റെ സൂചനയാണ്.
കാഴ്ചയോ കേൾവിയോ നഷ്ടമാവുക
പെട്ടെന്ന് കാഴ്ചയോ കേൾവിയോ നഷ്ടമാവുന്നതും സ്ട്രോക്കിന്റെ ലക്ഷണമാകാം.
സംസാരശേഷി നഷ്ടമാവുക
സംസാരശേഷി നഷ്ടമാവുക, മറ്റുള്ളവര് പറയുന്ന കാര്യങ്ങള് മനസ്സിലാകാതിരിക്കുക, പെട്ടെന്ന് മറവി ഉണ്ടാകുക സ്ട്രോക്കിന്റെ സൂചനയായി ഉണ്ടാകാം.
ശ്രദ്ധിക്കുക:
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.