ഈ ആരോഗ്യപ്രശ്നങ്ങളുള്ളവർ നെല്ലിക്ക കഴിക്കുന്നത് കുറയ്ക്കുക
ധാരാളം പോഷകഗുണങ്ങൾ അടങ്ങിയ ഭക്ഷണമാണ് നെല്ലിക്ക. ദിവസവും ഒരു നെല്ലിക്ക കഴിക്കുന്നത് രോഗപ്രതിരോധ ശേഷി ശക്തിപ്പെടുത്തുകയും ശരീരത്തെ അണുബാധകളിൽ നിന്ന് ചെറുക്കാൻ സഹായിക്കുകയും ചെയ്യുന്നു.
ഈ ആരോഗ്യപ്രശ്നങ്ങളുള്ളവർ നെല്ലിക്ക കഴിക്കുന്നത് കുറയ്ക്കുക
ധാരാളം പോഷകഗുണങ്ങൾ അടങ്ങിയ ഭക്ഷണമാണ് നെല്ലിക്ക. ദിവസവും ഒരു നെല്ലിക്ക കഴിക്കുന്നത് രോഗപ്രതിരോധ ശേഷി ശക്തിപ്പെടുത്തുകയും ശരീരത്തെ അണുബാധകളിൽ നിന്ന് ചെറുക്കാൻ സഹായിക്കുകയും ചെയ്യുന്നു. എന്നാൽ അമിതമായി കഴിക്കുന്നത് നിരവധി പേരുണ്ട്. ദിവസവും ഏഴും എട്ടും നെല്ലിക്ക കഴിക്കുന്നത് ആരോഗ്യത്തിന് നല്ലതല്ല.
നെല്ലിക്കയിലെ ചില ബയോആക്ടീവ് സംയുക്തങ്ങൾ ചില ആളുകൾക്ക് പ്രശ്നമുണ്ടാക്കാം
നെല്ലിക്കയിലെ ചില ബയോആക്ടീവ് സംയുക്തങ്ങൾ പ്രത്യേക മെഡിക്കൽ അവസ്ഥകളുള്ള ആളുകൾക്ക് ഗുണങ്ങൾക്ക് പകരം പ്രതികൂല ഫലങ്ങൾ ഉണ്ടാക്കാമെന്ന് ജേണൽ ഓഫ് എത്ത്‌നോഫാർമക്കോളജിയിൽ പ്രസിദ്ധീകരിച്ച പഠനത്തിൽ പറയുന്നു.
നെല്ലിക്ക പരിമിതപ്പെടുത്തുകയോ ഒഴിവാക്കുകയോ ചെയ്യേണ്ടത് ആരാണെന്ന് മനസ്സിലാക്കേണ്ടത് പ്രധാനമാണ്.
നെല്ലിക്ക ഒരു ശക്തമായ സൂപ്പർഫുഡായി കണക്കാക്കപ്പെടുന്നുണ്ടെങ്കിലും അമിതമായി കഴിക്കരുതെന്ന് വിദഗ്ദ്ധർ പറയുന്നു. ചില ആരോഗ്യപ്രശ്നങ്ങൾ ഉള്ളവരിൽ ഇതിന്റെ ശക്തമായ ഔഷധ ഗുണങ്ങൾ ചിലപ്പോൾ ചില ദോഷവശങ്ങൾക്ക് കാരണമാകുമെന്ന് ഗവേഷണങ്ങൾ സൂചിപ്പിക്കുന്നു. അതിനാൽ, നെല്ലിക്ക പരിമിതപ്പെടുത്തുകയോ ഒഴിവാക്കുകയോ ചെയ്യേണ്ടത് ആരാണെന്ന് മനസ്സിലാക്കേണ്ടത് പ്രധാനമാണ്.
കുറഞ്ഞ രക്തസമ്മർദ്ദമുള്ളവർ നെല്ലിക്ക കഴിക്കുമ്പോൾ ജാഗ്രത പാലിക്കണം.
കുറഞ്ഞ രക്തസമ്മർദ്ദമുള്ളവർ നെല്ലിക്ക കഴിക്കുമ്പോൾ ജാഗ്രത പാലിക്കണം. കാരണം, സ്വാഭാവികമായും രക്തസമ്മർദ്ദം നിയന്ത്രിക്കാനും രക്തചംക്രമണം മെച്ചപ്പെടുത്താനും സഹായിക്കുന്നു. ഇത് ഉയർന്ന രക്തസമ്മർദ്ദമുള്ളവർക്ക് ഗുണം ചെയ്യും. എന്നിരുന്നാലും, ഹൈപ്പോടെൻഷൻ ഉള്ളവർക്ക് അമിതമായി കഴിക്കുന്നത് രക്തസമ്മർദ്ദം കൂടുതൽ കുറയ്ക്കുകയും തലകറക്കം, കാഴ്ച മങ്ങൽ അല്ലെങ്കിൽ ബോധക്ഷയം എന്നിവയിലേക്ക് നയിക്കുകയും ചെയ്യും. രക്തസമ്മർദ്ദത്തിനുള്ള മരുന്നുകൾ കഴിക്കുന്നവർ നെല്ലിക്ക പതിവായി കഴിക്കുന്നതിന് മുമ്പ് ഒരു ഡോക്ടറെ സമീപിക്കണം.
രക്തത്തെ നേർപ്പിക്കുന്ന സ്വഭാവവും നെല്ലിക്കയ്ക്കുണ്ട്.
രക്തത്തെ നേർപ്പിക്കുന്ന സ്വഭാവവും നെല്ലിക്കയ്ക്കുണ്ട്. ആസ്പിരിൻ പോലുള്ള രക്തം നേർപ്പിക്കുന്ന മരുന്നുകൾ കഴിക്കുന്ന ആളുകൾ ഇത് വലിയ അളവിൽ കഴിക്കുന്നത് ഒഴിവാക്കണം. കാരണം ഇത് അമിത രക്തസ്രാവത്തിനുള്ള സാധ്യത വർദ്ധിപ്പിക്കും.
ഗ്യാസ്ട്രിക് പ്രശ്‌നങ്ങളോ അസിഡിറ്റിയോ ഉള്ളവർ നെല്ലിക്ക കഴിക്കുമ്പോൾ ശ്രദ്ധിക്കണം.
ഗ്യാസ്ട്രിക് പ്രശ്‌നങ്ങളോ അസിഡിറ്റിയോ ഉള്ളവർ നെല്ലിക്ക കഴിക്കുമ്പോൾ ശ്രദ്ധിക്കണം. ശരീരത്തിന് തണുപ്പ് നൽകുന്നതായി ആയുർവേദം കണക്കാക്കുന്നുണ്ടെങ്കിലും ഇതിലെ സ്വാഭാവിക അസിഡിറ്റി ആസിഡ് റിഫ്ലക്സ്, അൾസർ അല്ലെങ്കിൽ വയറു വീർക്കൽ തുടങ്ങിയ ലക്ഷണങ്ങൾ വഷളാക്കും. നെല്ലിക്കയോ അതിന്റെ നീരോ ഒഴിഞ്ഞ വയറ്റിൽ കഴിക്കുന്നത് ഈ ലക്ഷണങ്ങൾ കൂടുതൽ ഗുരുതരമാക്കും.
ഗർഭിണികളും മുലയൂട്ടുന്ന സ്ത്രീകളും മിതമായ അളവിൽ നെല്ലിക്ക കഴിക്കണം.
ഗർഭിണികളും മുലയൂട്ടുന്ന സ്ത്രീകളും മിതമായ അളവിൽ നെല്ലിക്ക കഴിക്കണം. അമിതമായ ഉപഭോഗം വയറ്റിലെ അസ്വസ്ഥതയോ വയറുവേദനയോ ഉണ്ടാക്കാം. ഇത് പോഷകങ്ങളുടെ ആഗിരണത്തെ ബാധിച്ചേക്കാം. ഉയർന്ന അളവിലുള്ള സപ്ലിമെന്റുകൾ ഒഴിവാക്കാനും പകരം പതിവ് ഭക്ഷണത്തിൽ ചെറിയ അളവിൽ നെല്ലിക്ക ഉപയോഗിക്കാനും വിദഗ്ദ്ധർ പറയുന്നു.
വൃക്കയിലെ കല്ലുകൾ ഉള്ള ആളുകൾ നെല്ലിക്ക ഒഴിവാക്കുക.
നെല്ലിക്കയിൽ ഉയർന്ന അളവിൽ വിറ്റാമിൻ സി അടങ്ങിയിട്ടുണ്ട്. ഇത് ശരീരം ഓക്സലേറ്റുകളായി മാറുന്നു. വൃക്കയിലെ കല്ലുകൾ ഉള്ള ആളുകൾക്ക് അമിതമായി നെല്ലിക്ക കഴിക്കുന്നത് ഓക്സലേറ്റിന്റെ അളവ് വർദ്ധിപ്പിക്കുകയും അവസ്ഥ വഷളാക്കുകയും ചെയ്യും. ശരീരത്തിൽ നിന്ന് ഓക്സലേറ്റുകൾ പുറന്തള്ളാൻ സഹായിക്കുന്നതിന് നെല്ലിക്ക കഴിക്കുന്നത് പരിമിതപ്പെടുത്താനും ധാരാളം വെള്ളം കുടിക്കാനും ഡോക്ടർമാർ പറയുന്നു.
ചില ആളുകൾക്ക് നെല്ലിക്ക അലർജി പ്രശ്നം ഉണ്ടാക്കാം.
ചില ആളുകൾക്ക് നെല്ലിക്ക അലർജി പ്രശ്നം ഉണ്ടാക്കാം. ചുണ്ടുകളുടെയോ നാവിന്റെയോ വീക്കം, ചൊറിച്ചിൽ, തിണർപ്പ് അല്ലെങ്കിൽ വയറുവേദന എന്നിവ ലക്ഷണങ്ങളിൽ ഉൾപ്പെടാം. നെല്ലിക്ക കഴിച്ചതിനുശേഷം ശ്വാസമുട്ടൽ ഉണ്ടായാൽ ഉടൻ തന്നെ ഡോക്ടറെ കാണുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
