മണ്ണും വളവും വേണ്ട, കുറച്ച് വെള്ളം മാത്രം മതി; വീടിനുള്ളില്‍ ഈ 5 ചെടികൾ തഴച്ചുവളരും

ചില ചെടികൾക്ക് വളരാൻ മണ്ണ് വേണ്ട, വെള്ളം മാത്രം മതി. വലിയ പരിചരണമൊന്നും ആവശ്യമില്ലതാനും. അത്തരം ചില ഇന്‍ഡോര്‍ പ്ലാന്‍റുകള്‍ പരിചയപ്പെടാം. 

Image Credit : Gemini AI

ഇന്‍ഡോര്‍ മനോഹരമാക്കാം

ചെടി വളർത്താൻ ഇഷ്ടമുള്ളവർക്ക്, പ്രത്യേകിച്ച് വാടകവീട്ടിൽ താമസിക്കുന്നവർക്ക്, നല്ല മണ്ണ് കണ്ടെത്തുന്നത് ഒരു വലിയ തലവേദനയാണ്. എന്നാൽ മണ്ണ് ഒട്ടും വേണ്ടാത്ത ചെടികളുമുണ്ട്. ഇവ വെള്ളത്തിൽ വളരും, വലിയ പരിചരണവും ആവശ്യമില്ല. വീടിനകത്ത് ശുദ്ധവായു ഉറപ്പാക്കാനും ഇത് നല്ലൊരു വഴിയാണ്.

Image Credit : Getty

സിസി പ്ലാന്‍റ്

വീടും ഓഫീസും പച്ചപ്പുള്ളതാക്കാൻ സിസി പ്ലാന്‍റ് ഒരു മികച്ച ഓപ്ഷനാണ്. ഒരൊറ്റ ഇലയിൽ നിന്ന് പോലും പുതിയ ചെടി വളർത്താമെന്നതാണ് ഇതിന്റെ പ്രത്യേകത. ആഴ്ചയിൽ രണ്ടോ മൂന്നോ തവണ വെള്ളം മാറ്റിക്കൊടുത്താൽ മതി. ഇല വെള്ളത്തിൽ വെച്ചാൽ വേരുകൾ വരാൻ ഏകദേശം ഒന്നര-രണ്ട് മാസമെടുക്കും.

Image Credit : Google

സ്നേക് പ്ലാന്‍റ്

വീട് മനോഹരമാക്കാൻ പലരും തിരഞ്ഞെടുക്കുന്ന ഒന്നാണ് സ്നേക്ക് പ്ലാന്‍റ്. ഇത് വെള്ളത്തിൽ നട്ടാൽ വേരുകൾ വളരാൻ ഏകദേശം രണ്ട് മാസമാണെടുക്കാറ്. രാത്രിയിലും ഓക്സിജൻ പുറത്തുവിടുന്ന ചെടിയായതുകൊണ്ട്, കിടപ്പുമുറിയിൽ ഒരു ഭംഗിയുള്ള കുപ്പിയിലാക്കി വെക്കാം.

Image Credit : Getty

മോൺസ്റ്റെറ

മോൺസ്റ്റെറ ചെടിയും വെള്ളത്തിൽ എളുപ്പത്തിൽ വളർത്താം. ചെടിയുടെ തണ്ടുകൾ വെള്ളത്തിൽ വെച്ച് 3-4 ആഴ്ചകൾക്കുള്ളിൽ പുതിയ വേരുകളും ചെറിയ ഇലകളും വന്ന് തുടങ്ങും. നേരിട്ടല്ലാത്ത വെളിച്ചം കിട്ടുന്ന സ്ഥലത്ത് വെക്കണം. ഈ ചെടി വീടിനകത്ത് ശുദ്ധവായു നൽകുന്നതിനൊപ്പം ഒരു മോഡേൺ ആർട്ട് ലുക്കും നൽകും. 

Image Credit : Getty

സിങ്കോണിയം

സിങ്കോണിയം അതിന്‍റെ ഭംഗികൊണ്ടും വായു ശുദ്ധീകരിക്കാനുള്ള കഴിവുകൊണ്ടും നഗരങ്ങളിൽ പെട്ടെന്ന് പ്രശസ്തമായിക്കൊണ്ടിരിക്കുകയാണ്. വാസ്തു, ഫെങ് ഷൂയി പ്രകാരം, ഇത് ഫോർമാൽഡിഹൈഡ് പോലുള്ള വിഷവാതകങ്ങളെ നീക്കം ചെയ്ത് പോസിറ്റീവ് എനർജി വർദ്ധിപ്പിക്കും. ഇത് മാനസിക സമാധാനത്തിനും നല്ലതാണ്. വെള്ളത്തിൽ നട്ട് രണ്ടാഴ്ചയ്ക്കുള്ളിൽ ഇതിന്റെ തണ്ടുകളിൽ വേരുകൾ വന്നുതുടങ്ങും. വെള്ളത്തിൽ പതുക്കെ വളരുമ്പോഴും ഇലകളുടെ തിളക്കം നിലനിർത്തും. 

Image Credit : gemini

മണി പ്ലാന്‍റ്

മിക്കവാറും എല്ലാ വീടുകളിലും കാണുന്ന ഒന്നാണ് മണി പ്ലാന്‍റ്. ഇതിന്റെ ചെറിയൊരു തണ്ട് ഒരു കുപ്പി വെള്ളത്തിൽ ഇട്ടുവെച്ചാൽ 7 മുതൽ 10 ദിവസത്തിനുള്ളിൽ പുതിയ വേരുകൾ വരും. കൃത്യസമയത്ത് വെള്ളം മാറ്റിക്കൊടുത്താൽ മാത്രം മതി.