ചൂട് സഹിക്കാൻ വയ്യേ? ഈ 5 ചെടികൾ വീടിനകത്ത് വെച്ചാൽ പിന്നെ എയർ കൂളർ വേണ്ട!

ചൂട് കൂടുന്നതിനൊപ്പം വീടിനകത്ത് ഈർപ്പവും കൂടും. ഇത് പലപ്പോഴും ചീത്ത മണത്തിനും പൂപ്പലിനും കാരണമാകും. ഈർപ്പം വലിച്ചെടുത്ത് വീടിന് തണുപ്പ് നൽകുന്ന ചില ഇൻഡോർ ചെടികളെ പരിചയപ്പെടാം.

Image Credit : Getty

പീസ് ലില്ലി

പീസ് ലില്ലി ചെടിക്ക് അന്തരീക്ഷത്തിലെ ഈർപ്പം വലിച്ചെടുക്കാൻ കഴിയും. ഇത് ദുർഗന്ധവും പൂപ്പലും കുറയ്ക്കുന്നു. ഒരു എയർ പ്യൂരിഫയറായും ഇത് പ്രവർത്തിക്കും. വെളിച്ചം കുറഞ്ഞ സ്ഥലത്ത് വെക്കാം. ആഴ്ചയിൽ രണ്ട് തവണ നനച്ചാൽ മതി. ഈർപ്പം കൂടുതലുള്ള അടുക്കളയിലോ ബാത്ത്റൂമിലോ വെക്കുന്നത് നല്ലതാണ്.

Image Credit : Getty

ബോസ്റ്റൺ ഫേൺ പ്ലാന്റ്

വീടിന് ഭംഗി നൽകുന്ന ഒരു ഇൻഡോർ പ്ലാന്റാണ് ബോസ്റ്റൺ ഫേൺ. ഇത് ഈർപ്പത്തിന്റെ അളവ് നിയന്ത്രിക്കുകയും പൂപ്പൽ വരുന്നത് തടയുകയും ചെയ്യും. തൂക്കിയിടുന്ന ചട്ടിയിൽ, അധികം വെയിലടിക്കാത്ത സ്ഥലത്ത് വെക്കാം. മണ്ണ് ഉണങ്ങിയ ശേഷം മാത്രം നനയ്ക്കുക.

Image Credit : Getty

സ്നേക്ക് പ്ലാന്റ്

അധികം പരിചരണം വേണ്ടാത്ത, എന്നാൽ നല്ല ഭംഗിയുള്ള ഇൻഡോർ ചെടിയാണ് സ്നേക്ക് പ്ലാന്റ്. ഇത് വായു ശുദ്ധീകരിക്കും. ഈർപ്പം നിയന്ത്രിച്ച് വീടിനകത്തെ ചൂട് കുറയ്ക്കാൻ സഹായിക്കും. കിടപ്പുമുറിയിലോ സ്വീകരണമുറിയിലോ വെക്കാം. 10-15 ദിവസം കൂടുമ്പോൾ മാത്രം നനച്ചാൽ മതി. കൂടുതൽ വെള്ളം ഒഴിക്കുന്നത് ഒഴിവാക്കുക.

Image Credit : Getty

ഇംഗ്ലീഷ് ഐവി

ഇംഗ്ലീഷ് ഐവി ഒരു വള്ളിച്ചെടിയാണ്. ഇതിന് അന്തരീക്ഷത്തിലെ അധിക ഈർപ്പവും വിഷാംശവും വലിച്ചെടുക്കാൻ കഴിയും. ചുമരുകളിലെ നനവ് കുറയ്ക്കാനും ഇത് സഹായിക്കും. ജനലിനരികിൽ തൂക്കിയിടുന്ന ചട്ടിയിൽ നടാം. മണ്ണ് ഉണങ്ങിയ ശേഷം മാത്രം വെള്ളമൊഴിക്കുക.

Image Credit : Getty

സ്പൈഡർ പ്ലാന്റ്

സ്പൈഡർ പ്ലാന്റ് ഈർപ്പത്തിന്റെ അളവ് നിയന്ത്രിക്കാൻ സഹായിക്കുന്നു. വെളിച്ചം കുറഞ്ഞ സ്ഥലത്തും ഇത് എളുപ്പത്തിൽ വളരും. സ്വീകരണമുറിയിലോ ബാൽക്കണിയിലോ കിടപ്പുമുറിയിലോ വെക്കാം. ആഴ്ചയിൽ ഒന്നോ രണ്ടോ തവണ മാത്രം നനച്ചാൽ മതി. വെള്ളം കെട്ടിനിൽക്കാത്ത ചട്ടി ഉപയോഗിക്കാൻ ശ്രദ്ധിക്കുക.