ഏറ്റവും മനോഹരമായ 7 ചിത്രശലഭങ്ങൾ ഇതാണ്
വ്യത്യസ്തമായ പലതരം ജീവജാലങ്ങൾ നമുക്ക് ചുറ്റുംമുണ്ട്. നമ്മൾ കണ്ടതും കാണാത്തതുമായ ഒട്ടനേകം ജീവജാലങ്ങൾ ഇനിയുമുണ്ട്. ഇന്ത്യയിലെ തന്നെ ഏറ്റവും മനോഹരമായ ചിത്രശലഭങ്ങൾ ഏതൊക്കെയാണെന്ന് അറിയാം.
ചിത്രശലഭങ്ങൾ
പലതരം ആകൃതിയിലും നിറത്തിലുമുള്ള ചിത്ര ശലഭങ്ങൾ നിങ്ങൾ കണ്ടിട്ടുണ്ടാകും. ഏറ്റവും മനോഹരമായ ചിത്രശലഭങ്ങൾ ഏതൊക്കെയാണെന്ന് അറിയാം.
ബ്ലൂ മോർമോൺ ( കൃഷ്ണശലഭം )
ഇന്ത്യയിലെ രണ്ടാമത്തെ വലിയ ചിത്രശലഭമാണിത്. കറുപ്പ് നിറത്തിലുള്ള ചിറകിൽ നീല നിറത്തിലുള്ള വരകൾ കാണാൻ സാധിക്കും. മഴക്കാലത്താണ് ഇവയെ കൂടുതലും കാണാൻ സാധിക്കുന്നത്.
കോമൺ ജെസെബെൽ ( വിലാസിനി ചിത്രശലഭം )
മഞ്ഞ, ചുവപ്പ്, വെള്ള തുടങ്ങിയ നിറങ്ങളുടെ മിക്സ് ആണ് കോമൺ ജെസെബെൽ എന്ന ചിത്രശലഭത്തിന് ഉള്ളത്. പൂന്തോട്ടങ്ങളിലും, കാടുകളിലുമാണ് ഇവയെ കാണാൻ സാധിക്കുന്നത്.
കോമൺ നവാബ് ( നവാബ് ചിത്രശലഭം )
ഇടതൂർന്ന വനങ്ങളിലാണ് ഈ ചിത്രശലഭത്തെ കാണാൻ സാധിക്കുന്നത്. പച്ച നിറത്തിലുള്ള ചിറകും അതിൽ ബ്രൗൺ നിറത്തിലുളള അരികുകളും കാണാൻ സാധിക്കും.
സതേൺ ബേഡ് വിങ് ( ഗരുഡശലഭം )
ഇന്ത്യയിലെ തന്നെ ഏറ്റവും വലിപ്പം കൂടിയ ചിത്രശലഭമാണ് ഗരുഡ ശലഭം. ഇവയുടെ രണ്ട് അറ്റത്തേയും ചിറകുകൾ തമ്മിൽ 190 മില്ലിമീറ്റർ അകലമാണുള്ളത്.
പാരീസ് പീകോക്ക് (ചുട്ടിമയൂരി )
പച്ചയും നീലയും നിറത്തിലുള്ള ചിത്രശലഭമാണിത്. ഇവ സൂര്യപ്രകാശം ഏൽക്കുമ്പോൾ തിളങ്ങുന്നു. കാടുകളിലാണ് ഈ ചിത്രശലഭത്തെ കാണാൻ സാധിക്കുന്നത്.
കോമൺ റോസ്
വെൽവെറ്റ് പോലെയുള്ള കറുത്ത ചിറകുകളാണ് ഈ ചിത്ര ശലഭത്തിന് ഉള്ളത്. ചുവപ്പും മഞ്ഞയും കലർന്ന നിറമാണ് ഇതിനുള്ളത്.
ടൈൽഡ് ജയ് ( വിറവാലൻ ശലഭം )
മറ്റുള്ളവയിൽ നിന്നും വ്യത്യസ്തമാണ് ഇതിന്റെ വാലുകൾ. പച്ചയും കറുപ്പും കലർന്ന നിറമാണ് ഈ ചിത്രശലഭത്തിന് ഉള്ളത്. പൂന്തോട്ടങ്ങളിലാണ് ഇവയെ അധികവും കാണുന്നത്.
