ലോകത്തെ ഏറ്റവും പ്രായം കുറഞ്ഞ 'സെല്‍ഫ് മെയ്ഡ് ബില്ല്യണയര്‍'; കെയ്‌ലി ജെന്നറിന്‍റെ പുത്തന്‍ ചിത്രങ്ങള്‍
അമേരിക്കന്‍ ടിവിതാരമായ കെയ്‌ലി ജെന്നര്‍ അഭിനയത്തിലും മോഡലിംഗിലും ടെലിവിഷന്‍ ഷോകളിലുമായി തിളങ്ങുകയായിരുന്നു. എന്നാല്‍ ലോക്ക്ഡൗണ്‍ ആയതോടെ താരവും വീട്ടില്‍ തന്നെയാണ്. എങ്കിലും ഫോട്ടോഷൂട്ടുകളും മറ്റുമായി ആരാധകരോട് തന്‍റെ വിശേഷങ്ങള്‍ പങ്കുവയ്ക്കാന്‍ താരം മറന്നിട്ടില്ല.
കെയ്‌ലി തന്‍റെ ഇന്‍സ്റ്റഗ്രാമില്‍ പങ്കുവച്ച ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. സ്വിം സ്യൂട്ട് ആയിരുന്നു താരത്തിന്‍റെ വേഷം.
ഇന്‍സ്റ്റഗ്രാമിലൂടെ താരം നിരന്തരം തന്‍റെ ചിത്രങ്ങള്‍ പങ്കുവയ്ക്കാറുണ്ട്. സോഷ്യല്‍ മീഡിയയിലും വമ്പന്‍ ആരാധക വൃന്ദമാണ് താരത്തിനുള്ളത്.
ലോകത്തെ ഈ വര്‍ഷത്തെ ഏറ്റവും പ്രായം കുറഞ്ഞ 'സെല്‍ഫ് മെയ്ഡ് ബില്ല്യണയര്‍' താനാണെന്ന വാദവുമായി കെയ്‌ലി അടുത്തിടെ രംഗത്തെത്തിയത് ഏറെ ചര്‍ച്ചകള്‍ക്ക് വഴിവച്ചിരുന്നു.
ഇരുപത്തിരണ്ട് വയസ് പ്രായമുള്ള കെയ്‌ലി സ്‌ട്രെച്ച്മാര്‍ക്കുകളുള്ള മാറിടത്തിന്‍റെ ചിത്രം അടുത്തിടെ പങ്കുവച്ചതും വിവാദങ്ങള്‍ക്ക് വഴിയൊരുക്കിയിരുന്നു.
സ്ത്രീകള്‍ തങ്ങളുടെ സ്‌ട്രെച്ച് മാര്‍ക്കുകളെ ഭയക്കേണ്ടതില്ലെന്നും അതില്‍ നാണക്കേണ്ടും തോന്നേണ്ട കാര്യമില്ലെന്നും അതൊക്കെ സ്വാഭാവികം മാത്രമാണെന്നും ഒരു കുട്ടിയുടെ അമ്മ കൂടിയായ കെയ്‌ലി ഓര്‍മ്മിപ്പിച്ചു.
