ഇത് കേരളത്തനിമ; കസവു സാരിയുടുത്ത് സണ്ണി ലിയോണ്‍; ചിത്രങ്ങള്‍ വൈറല്‍
ഏതാനും ദിവസങ്ങളായി കേരളത്തിൽ അവധി ആഘോഷിക്കുകയാണ് ബോളിവുഡ് താരം സണ്ണി ലിയോൺ. കുടുംബത്തോടൊപ്പം പൂവാറിലെ ഒരു റിസോര്‍ട്ടിലാണ് താരം ഇപ്പോള്‍ താമസിക്കുന്നത്. സോഷ്യല്‍ മീഡിയയില്‍ സജ്ജീവമായ താരം തിരുവനന്തപുരത്ത് നിന്നുള്ള ചിത്രങ്ങളും വീഡിയോകളും ആരാധകര്‍ക്കായി പങ്കുവച്ചിരുന്നു.
ഇപ്പോഴിതാ കേരളത്തനിമ വിളിച്ചോതുന്ന സണ്ണിയുടെ ചില ചിത്രങ്ങളാണ് സൈബര്‍ ലോകത്ത് വൈറലാകുന്നത്.
കേരളത്തിന്‍റെ പരമ്പരാഗത വസ്ത്രമായ കസവു സാരിയില്‍ അതിസുന്ദരിയായിരിക്കുകയാണ് സണ്ണി.
സണ്ണിയും ഭര്‍ത്താവും കുട്ടികളും സദ്യ ഉണ്ണുന്ന ചിത്രങ്ങളും സമൂഹമാധ്യമങ്ങളിൽ വൈറലാണ്.
കേരളാസാരിയോടൊപ്പം പിങ്ക് ബ്ലൗസാണ് സണ്ണി ധരിച്ചിരിക്കുന്നത്. തലയില്‍ മുല്ലപ്പൂവും ചൂടിയിട്ടുണ്ട്.
ഭർത്താവ് ഡാനിയേലും രണ്ട് ആൺമക്കളും ജുബ്ബയും മുണ്ടുമാണ് ധരിച്ചിരിക്കുന്നത്. മകൾ നിഷ പട്ടുപാവാടയും അണിഞ്ഞിരിക്കുന്നു.
