ഫോട്ടോ ഗാലറി

ബോളിവുഡ് ലോകത്തെ മുൻനിര നായികമാരില്‍ ഒരാളാണ് സോനം കപൂര്‍. ഒരുകാലത്തെ വിജയനായകനായിരുന്ന അനില്‍ കപൂറിന്റെ മകള്‍. സോനം കപൂര്‍ ഒട്ടേറെ ഹിറ്റുകളുടെ ഭാഗമായിട്ടുണ്ട് സോനം കപൂര്‍. ഇപോഴിതാ സോനം കപൂറിന്റെ പുതിയ ഫോട്ടോകളാണ് ചര്‍ച്ചയാകുന്നത്.

ജോലി ചെയ്തുകൊണ്ടിരിക്കുന്ന കെട്ടിടം എപ്പോള്‍ വേണമെങ്കിലും തകര്‍ന്ന് വീഴാവുന്ന അവസ്ഥയില്‍ നില്‍ക്കുമ്പോഴും 1200 ഓളം പേര്‍ക്ക് ഇരുപത് രൂപയ്ക്ക് പൊതിച്ചോറ് നല്‍കുന്ന തിരുവനന്തപുരം നഗരത്തിലെ ആദ്യത്തെ ജനകീയ ഹോട്ടലിനെ കുറിച്ച് വാര്‍ത്ത നല്‍കി ദിവസങ്ങള്‍ക്കകം കെട്ടിടത്തിന്‍റെ ചുമരുകള്‍ ഇടിഞ്ഞ് വീണു. സംഭവ സമയം ജോലിയിലുണ്ടായിരുന്ന സ്ത്രീകള്‍ രക്ഷപ്പെട്ടത് തലനാരിഴയ്ക്ക്. തിങ്കളാഴ്ച പുലര്‍ച്ചയോടെയാണ് ഹോട്ടലിന്‍റെ പുറക് വശത്തെ ഭിത്തി തകര്‍ന്ന് വീണത്. കെട്ടിടത്തിന്‍റെ ബലക്ഷയത്തെ കുറിച്ച് ജൂണ്‍ ഒമ്പതാം തിയതി (ബുധനാഴ്ച) ഏഷ്യാനെറ്റ് ഓണ്‍ ലൈന്‍ വാര്‍ത്ത നല്‍കിയിരുന്നു. ( കെട്ടിടം തകര്‍ന്ന് വീഴാമെന്ന അവസ്ഥയില്‍; എങ്കിലും ദിവസവും 1200 ഓളം പേര്‍ക്ക് പൊതിച്ചോറ് നല്‍കി അനന്തപുരി കഫേ ). ഇപ്പോഴത്തെ മേയര്‍ക്കും മുന്‍ മേയര്‍ക്കും അടക്കം നിരവധി തവണ പരാതി നല്‍കിയിരുന്നെങ്കിലും നഗരസഭാ അധികൃതര്‍ സുരക്ഷയ്ക്കാവശ്യമായ മുന്‍കരുതലുകളൊന്നും എടുത്തിരുന്നില്ലെന്ന് ഹോട്ടല്‍ ജീവനക്കാര്‍ ആരോപിച്ചു. ചിത്രങ്ങള്‍ അരുണ്‍ കടയ്ക്കല്‍.   

മലയാളികളുടെ സ്വന്തം സത്യന്റെ മാഷിന്റെ ഓർമ്മകൾക്ക് ഇന്ന് അമ്പതാണ്ട്. ജീവിതത്തിൽ അധ്യാപകനായും പട്ടാളക്കാരനായും പൊലീസുകാരനായും അഭിനേതാവായും നിറഞ്ഞാടിയ ഒരേയൊരു സത്യൻ. അഭിനയിച്ചുകൊണ്ടിരിക്കുമ്പോൾ മരിച്ചുവീഴണമെന്ന് കൊതിച്ച,  സിനിമയെ അത്രത്തോളം സ്‍നേഹിച്ചിരുന്നു മഹാനടനായിരുന്നു സത്യൻ. അഭിനയ ചക്രവർത്തി എന്നതിലുപരി സിനിമയിലെയും ജീവിതത്തിലെയും കൃത്യനിഷ്ഠ കൊണ്ടും സ്വഭാവ മഹിമ കൊണ്ടും ജന മനസുകളിൽ സത്യന്റെ തട്ട് ഇന്നും ഉയർന്നു തന്നെയാണ്.  ജീവിതത്തിന്റെ അവസാന കാലത്ത് ഗുരുതരമായ രക്താർബുദത്തോട് പടപൊരുതുകയായിരുന്നു സത്യൻ. ഡോക്ടർ വിശ്രമം നിർദ്ദേശിച്ചെങ്കിലും അതൊന്നും കാര്യമാക്കാതെ സത്യൻ അഭിനയം തുടരുകയായിരുന്നു. ഇൻക്വിലാബ് സിന്ദാബാദ് എന്ന സിനിമയിൽ അഭിനയിച്ചതിനു ശേഷം സ്വയം കാറോടിച്ച് ആശുപത്രിയിൽ എത്തിയ സത്യൻ ചികിത്സയിലിരിക്കേ അധികം വൈകാതെ വിടപറയുകയായിരുന്നു. സിനിമയിലെ വലിയ താരമായിരുന്നെങ്കിലും സത്യൻ ഒരിക്കൽപ്പോലും മദ്യപിച്ചോ സിഗരറ്റ്‌ വലിച്ചോ കണ്ടിട്ടില്ലെന്ന് മകൻ സതീഷ് സത്യൻ പറയുന്നു. ഒരുപാട് ആളുകളെ സഹായിച്ചിട്ടുണ്ട് പക്ഷെ അത് ആരും അറിയരുതെന്ന് നിർബദ്ധമുണ്ടായിരുന്നു സത്യന്. മദ്യപാനം ഒരിക്കലും നല്ല ശീലമല്ലെന്നും  ഒരിക്കലും മദ്യപാനി ആകരുതെന്നും സത്യൻ തങ്ങളോട് പറഞ്ഞിട്ടുണ്ടെന്നും സതീഷ് ഏഷ്യാനെറ്റ് ന്യൂസ് ഓൺലൈനിനോട് പറഞ്ഞു. പലയിടത്തും പോകുമ്പോഴൊക്കെ അദ്ദേഹത്തിന്‌ പലരും സിഗരറ്റ്‌ ഓഫർ ചെയ്യും. അപ്പോൾ സത്യൻ കൂളായി പറയും ‘സോറി ഐ ഡോണ്ട്‌ സ്‌മോക്ക്‌, താങ്ക്യു.’

കേന്ദ്ര ഭരണപ്രദേശമായ ലക്ഷദ്വീപിലെ പുതിയ ഭരണപരിഷ്കാരങ്ങളിൽ പ്രതിഷേധം പുകയുന്നതിനിടെ ദ്വീപ് അഡ്മിനിസ്ട്രേറ്റർ പ്രഫുൽ ഖോഡാ പട്ടേൽ ഇന്നലെ ലക്ഷദ്വീപിലെത്തി. ഒരാഴ്ച നീണ്ട് നിൽകുന്ന സന്ദർശനത്തിൽ ലക്ഷദ്വീപിൽ നടപ്പാക്കുന്ന പരിഷ്കാരങ്ങളുടെ പുരോഗതി പ്രഫുൽ പട്ടേൽ വിലയിരുത്തും. അഡ്മിനിസ്ട്രേറ്ററുടെ സന്ദർശനം കണക്കിലെടുത്ത് ലക്ഷദ്വീപിലെ ജനങ്ങള്‍ ഇന്നലെ കരിദിനം ആചരിച്ചു. ലക്ഷദ്വീപ് അഡ്മിനിസ്ട്രേറ്ററുടെ ചുമതലയേറ്റടുത്തതിന് ശേഷം പ്രഫുൽ പട്ടേൽ ദ്വീപുകളിലേക്ക് നടത്തുന്ന മൂന്നാമത്തെ സന്ദർ‍ശനമാണ് ഇത്. എന്നാൽ, കഴിഞ്ഞ രണ്ട് തവണയും ഉണ്ടായിരുന്ന സാഹചര്യമല്ല ഇന്ന് ദ്വീപുകളിലുള്ളത്. ലക്ഷദ്വീപിന്‍റെ ചരിത്രത്തില്ലില്ലാത്ത വിധം തദ്ദേശീയരായ ജനത പ്രക്ഷോഭ രംഗത്താണ്. സേവ് ലക്ഷ്ദീപ് ഫോറത്തിന്‍റെ നേതൃത്വത്തിലാണ് ദ്വീപ് ജനത പ്രഫുൽ ഖോഡാ പട്ടേലിന്‍റെ സന്ദര്‍ശനം കരിദിനമാക്കി ആചാരിച്ചത്. (ചിത്രങ്ങള്‍ ട്വിറ്ററില്‍ നിന്ന്.)

സ്റ്റൈൽ സ്റ്റേറ്റ്മെന്‍റ്സ് കൊണ്ട് എന്നും ആരാധകരുടെ മനം കവരുന്ന ബോളിവുഡ് നടിയാണ് സോനം കപൂര്‍. വസ്ത്രത്തിലെ വ്യത്യസ്ഥത കൊണ്ടും ഫാഷന്‍ പരീക്ഷണങ്ങള്‍ കൊണ്ടും സോനം എപ്പോഴും വാര്‍ത്തകളില്‍ ഇടം നേടാറുമുണ്ട്. ഇപ്പോഴിതാ സോനത്തിന്‍റെ ഏറ്റവും പുത്തന്‍ ചിത്രങ്ങളാണ് സൈബര്‍ ലോകത്ത് വൈറലാകുന്നത്. 

ഇന്ത്യന്‍ ബ്യൂറോക്രസിയുടെ ഏറ്റവും ഉയര്‍ന്ന പദവികളിലേക്കുള്ള പരീക്ഷയായ സിവില്‍ സര്‍വ്വീസ് പരീക്ഷയ്ക്കായി ഏഷ്യാനെറ്റ് ഓണ്‍ലൈനും അമൃത ഐഎഎസ് അക്കാദമിയും ചേര്‍ന്നൊരുക്കുന്ന ചോദ്യമാതൃകയുടെ മുപ്പത്തിരണ്ടാം ഭാഗം.

അന്തമില്ലാതെ ഉയരുന്ന പെട്രോള്‍ വിലയില്‍ പ്രതിഷേധിച്ച് പെട്രോള്‍ പമ്പില്‍ ഒറ്റക്കാല്‍ തപസുമായി യുവാവ്. പെട്രോളിന് ലിറ്ററിന് 29 പൈസ ഇന്ന് വര്‍ദ്ധിച്ചതോടെ തിരുവനന്തപുരം നഗരത്തില്‍ സാധാരണ പെട്രോളിന് ലിറ്ററിന് വില 98.45 രൂപയായി. ഡീസലിന് 31 പൈസ കൂട്ടി, 93.79 രൂപയിലെത്തിച്ചു. പെട്രോള്‍ വില കുതിച്ചുയരുന്നതിനിടെ വ്യത്യസ്തമായ പ്രതിഷേധങ്ങളുമായി വ്യക്തികളും രംഗത്തെത്തി. കഴിഞ്ഞ ദിവസം ആലപ്പുഴയിലെ പെട്രോള്‍ പമ്പില്‍ ജിഷ്ണു എന്നയാള്‍ സാങ്കല്‍പിക ക്രിക്കറ്റ് കളി നടത്തി 'സ്വഞ്ചറി'യടിച്ചത് വാര്‍ത്തയായിരുന്നു. അതിന് പുറകെയാണ് തിരുവനന്തപുരത്ത് സ്റ്റാച്ച്വുവിലെ പെട്രോള്‍ പമ്പില്‍ ഒറ്റക്കാല്‍ തപസുമായി വിതുര മീനാങ്കല്‍ സ്വദേശി അജു കെ മധു എത്തിയത്. ചിത്രങ്ങള്‍ അരുണ്‍ കടയ്ക്കല്‍. 

കഴിഞ്ഞ പ്രളയകാലത്തും ഇപ്പോഴത്തെ മഹാമാരിക്കിടെയിലും സമൂഹമാധ്യമങ്ങില്‍ കേരളം ഏറെ കേട്ടിരുന്ന ഒരു ഹാഷ്ടാഗായിരുന്നു ' #ഒപ്പമുണ്ട് '. മറ്റാരുമല്ല, ദുരിതകാലത്ത് സര്‍ക്കാര്‍ ഒപ്പമുണ്ടെന്നായിരുന്നു സമൂഹമാധ്യമങ്ങളില്‍ തരംഗമായി മാറിയ ആ ഹാഷ്ടാഗ് സൂചിപ്പിച്ചിരുന്നത്. തൊട്ട് പുറകെ #കരുതലോടെ , #കൂടെയുണ്ട് എന്നിങ്ങനെ ജനങ്ങള്‍ക്ക് സുരക്ഷിതത്വം വാഗ്ദാനം ചെയ്യുന്ന നിരവധി ഹാഷ്ടാഗുകള്‍ സമൂഹമാധ്യമങ്ങളില്‍ നിറഞ്ഞു. കുറേയേറെ സാധാരണക്കാര്‍ ആ കരുതല്‍ ഏറ്റുവാങ്ങുകയും ചെയ്തു. എന്നാല്‍, ഹാഷ്ടാഗുകള്‍ക്കുമപ്പുറത്ത് ജീവിതത്തിന്‍റെ കുത്തൊഴൊക്കില്‍, ഒറ്റപ്പെട്ട തുരുത്തിലായ ചിലരെങ്കിലും പ്രതീക്ഷയോടെ നല്ലൊരു നാളെക്കായി ഇപ്പോഴും കാത്തിരിക്കുന്നുണ്ടെന്നാണ് തലസ്ഥാന നഗരിയില്‍ നിന്നുള്ള ചില ജീവിതങ്ങള്‍ നമ്മളോട് പറയുന്നത്. ഒന്നും രണ്ടുമല്ല പതിനാറ് കുടുംബങ്ങളാണ് ഇങ്ങനെ പുറം ലോകത്ത് നിന്ന് ഒറ്റപ്പെട്ട് വൃദ്ധരോടും കൊച്ചുകുട്ടികളോടുമൊപ്പം ഒരോ ദിവസവും തള്ളിനീക്കുന്നത്. വിനോദസഞ്ചാരത്തിന് ലോകം മുഴുവന്‍ പേര് കേട്ട കോവളത്തിന് സമീപത്തുള്ള തോപ്പിൻ പുരയിടത്തിലെ സര്‍ക്കാര്‍ പുറമ്പോക്കില്‍ നിന്നാണ് ഈ ജീവിതങ്ങള്‍ കരുതല്‍ തേടുന്നത്. 

തെക്കുകിഴക്കൻ ദില്ലിയിലെ കാളിന്ദി കുഞ്ചിലെ റോഹിംഗ്യൻ അഭയാർഥിക്യാമ്പിൽ ശനിയാഴ്ച രാത്രിയുണ്ടായ വൻ തീപിടുത്തത്തില്‍ 56 കുടിലുകള്‍ കത്തി നശിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. റോഹിംഗ്യൻ അഭയാർഥി ക്യാമ്പിൽ ഏതാണ്ട് 270 ഓളം അന്തേവാസികളാണ് ഉണ്ടായിരുന്നത്. ചേരിയിലെ എല്ലാ കുടിലുകളും തീപിടിത്തത്തില്‍ കത്തി നശിച്ചു. ഇതോടെ ഇവിടുത്തെ അന്തേവാസികളെല്ലാം ഭവനരഹിതരായി. ശനിയാഴ്ച രാത്രി 11.55 ഓടെ ചേരിയില്‍ തീപിടിത്തമുണ്ടായതായി സന്ദേശം ലഭിച്ചെന്നും തുടര്‍ന്ന് അഗ്നിശമനസേനയുടെ അഞ്ച് യൂണിറ്റ് സംഭവസ്ഥലത്തെത്തി തീയണച്ചതായി ദില്ലി അഗ്നിശമന മേധാവി അതുൽ ഗാർഗ് പറഞ്ഞു. അഭയാര്‍ത്ഥികളെ പ്രദേശത്ത് നിന്ന് ഓടിക്കാനായി ചിലര്‍ മനപൂര്‍വ്വം തീയിട്ടതാണെന്ന് ചില താമസക്കാര്‍ ആരോപിച്ചു. (ചിത്രങ്ങള്‍ ഗെറ്റി)  

മലയാളത്തിലെ ഏറ്റവും വലിയ റിയാലിറ്റി ഷോയായ ബിഗ് ബോസ് മലയാളം സീസണ്‍ രണ്ടിലൂടെ പ്രേക്ഷകരുടെ ശ്രദ്ധനേടിയ മത്സരാര്‍ഥികളില്‍ ഒരാളാണ് സൂര്യ. സോഷ്യല്‍ മീഡിയയില്‍ സജ്ജീവമായ സൂര്യയുടെ ചില ചിത്രങ്ങളാണ് ഇപ്പോള്‍ വൈറല്‍.