ബുർജ് ഖലീഫക്ക് മുമ്പിൽ ആയിരക്കണക്കിന് ഡ്രോണുകൾ ചേർന്ന ഭീമൻ സാന്താ, വീഡിയോക്ക് പിന്നിൽ?

ദുബൈ: ക്രിസ്മസ് ആഘോഷങ്ങളുടെ ഭാഗമായി ദുബൈയിൽ ബുർജ് ഖലീഫയ്ക്ക് സമീപം ഒരു ഭീമൻ സാന്താക്ലോസിനെ ആകാശത്ത് സൃഷ്ടിച്ചുവെന്ന തരത്തിലുള്ള ഒരു വീഡിയോ സോഷ്യൽ മീഡിയയിൽ കാട്ടുതീ പോലെ പടരുകയാണ്. 

Image Credit : x

ആകാശം മുട്ടെ 'ഭീമൻ സാന്താ'

ദുബൈയിൽ ബുർജ് ഖലീഫയ്ക്ക് സമീപം ആയിരക്കണക്കിന് ഡ്രോണുകൾ ചേർന്ന് ഒരു ഭീമൻ സാന്താക്ലോസിനെ ആകാശത്ത് സൃഷ്ടിച്ചുവെന്ന തരത്തിലുള്ള ഒരു വീഡിയോ ശതകോടീശ്വരൻ എലോൺ മസ്ക് അടക്കമുള്ള പ്രമുഖർ പങ്കുവെച്ചിരുന്നു. 

Image Credit : x

സാന്താ വീഡിയോ

ഈ വീഡിയോ ഇതിനോടകം 3.6 കോടിയിലധികം ആളുകൾ കണ്ടുകഴിഞ്ഞു. എന്നാൽ ഈ വിസ്മയ കാഴ്ചയ്ക്ക് പിന്നിലെ സത്യാവസ്ഥ മറ്റൊന്നാണ്. 

Image Credit : x

ഭീമൻ സാന്താ

ബുർജ് ഖലീഫയുടെ തൊട്ടടുത്ത് ആകാശത്ത് ഡ്രോണുകൾ ചേർന്ന് കൈകൾ ചലിപ്പിക്കുന്ന സാന്താക്ലോസിനെ സൃഷ്ടിക്കുന്നതാണ് 3 സെക്കൻഡ് മാത്രം ദൈർഘ്യമുള്ള വീഡിയോ.

Image Credit : x

ഇലോൺ മസ്കിനും തെറ്റി

ശതകോടീശ്വരൻ ഇലോൺ മസ്ക് അടക്കമുള്ള പ്രമുഖർ ഈ വീഡിയോ പങ്കുവെച്ചു. വിനോദസഞ്ചാരികൾ മൊബൈൽ ഫോണിൽ പകർത്തിയതെന്ന് തോന്നിപ്പിക്കുന്ന തരത്തിലുള്ള ഈ ദൃശ്യം കണ്ടാൽ ആർക്കും അത് യഥാർത്ഥമാണെന്നേ തോന്നു.

Image Credit : x

ദുബൈ

ദുബൈ നഗരത്തിന്റെ സഹിഷ്ണുതയെയും ആഘോഷങ്ങളെയും പുകഴ്ത്തിക്കൊണ്ട് ആയിരക്കണക്കിന് ആളുകളാണ് ഈ വീഡിയോ ഷെയർ ചെയ്തത്.

Image Credit : x

ഫാവെസ് സയാതിയുടെ വിഎഫ്എക്സ് മികവ്

യഥാർത്ഥത്തിൽ ഈ വീഡിയോ ഡ്രോണുകൾ ഉപയോഗിച്ച് ചിത്രീകരിച്ചതല്ല, മറിച്ച് വിഎഫ്എക്സ് സാങ്കേതികവിദ്യ ഉപയോഗിച്ച് നിർമ്മിച്ചതാണ്. യുഎഇ ആസ്ഥാനമായി പ്രവർത്തിക്കുന്ന വിഎഫ്എക്സ് ആർട്ടിസ്റ്റ് ഫാവെസ് സയാതി ആണ് ഇതിന്റെ സ്രഷ്ടാവ്.

Image Credit : x

ഭീമൻ സാന്താ ഒറിജനൽ അല്ല

വീഡിയോ വൈറലായതോടെ എലോൺ മസ്കിനെ അഭിസംബോധന ചെയ്തുകൊണ്ട് ഫാവെസ് ഇൻസ്റ്റാഗ്രാമിൽ ഇങ്ങനെ കുറിച്ചു, ‘പ്രിയ സുഹൃത്തേ എലോൺ മസ്ക്, രണ്ട് വർഷം മുമ്പ് ഞാൻ നിർമ്മിച്ച വീഡിയോയാണിത്. ഇത് വ്യാജമാണ് . നിങ്ങൾക്ക് വേണമെങ്കിൽ സാന്താക്ലോസിന് പകരം അടുത്തതായി നിങ്ങളുടെ രൂപം ഞാൻ നിർമ്മിക്കാം’.

Image Credit : Getty

വ്യാജ വീഡിയോകൾ

സാങ്കേതിക വിദ്യ വളർന്നതോടെ യഥാർത്ഥമാണെന്ന് തോന്നിപ്പിക്കുന്ന വ്യാജ വീഡിയോകൾ നിർമ്മിക്കുന്നത് എളുപ്പമായി മാറിയിരിക്കുകയാണ്. തന്‍റെ ഇൻസ്റ്റാഗ്രാം ബയോയിൽ താനൊരു വിഎഫ്എക്സ് ആർട്ടിസ്റ്റാണെന്ന് ഫാവെസ് വ്യക്തമാക്കിയിട്ടുണ്ടെങ്കിലും, പലരും അത് ശ്രദ്ധിക്കാതെ വീഡിയോ പ്രചരിപ്പിക്കുകയായിരുന്നു.