- Home
- Technology
- Science (Technology)
- നൈസാര്; രണ്ട് സാർ റഡാറുകളുള്ള ലോകത്തിലെ ആദ്യ ഭൗമ നിരീക്ഷണ ഉപഗ്രഹം, സവിശേഷതകള് വിശദമായി
നൈസാര്; രണ്ട് സാർ റഡാറുകളുള്ള ലോകത്തിലെ ആദ്യ ഭൗമ നിരീക്ഷണ ഉപഗ്രഹം, സവിശേഷതകള് വിശദമായി
നാസ- ഐഎസ്ആര്ഒ സംയുക്ത സംരംഭമായ നിസാര് സാറ്റ്ലൈറ്റിന്റെ വിശേഷങ്ങള് വിശദമായി, ഉപഗ്രഹത്തിന്റെ മുടക്കുമുതലും ഭാരവും മുതല് റഡാര് ശേഷി വരെ അനവധി സവിശേഷതകള്.
നൈസാര് ഉപഗ്രഹം
നാസ- ഐഎസ്ആര്ഒ സിന്തറ്റിക്ക് അപേർച്ചർ റഡാർ സാറ്റ്ലൈറ്റ് എന്നാണ് എന് ഐ സാര്, നൈസാര് എന്നീ ചുരുക്കപ്പേരുകളില് അറിയപ്പെടുന്ന ഭൗമനിരീക്ഷണ ഉപഗ്രഹത്തിന്റെ പൂര്ണരൂപം.
13,000 കോടി രൂപ ചെലവ്
നൈസാര് ഉപഗ്രഹത്തിന്റെ വിക്ഷേപണ ചെലവ് ആകെ 13,000 കോടി രൂപയ്ക്ക് മുകളിലാണ്. 2400 കിലോഗ്രാമാണ് ഈ വമ്പന് സാറ്റ്ലൈറ്റിന്റെ ഭാരം.
രണ്ട് സാർ റഡാറുകള്
രണ്ട് സാർ റഡാറുകളുള്ള ലോകത്തിലെ ആദ്യ ഭൗമ നിരീക്ഷണ ഉപഗ്രഹമാണ് നൈസാര്. ഐഎസ്ആർഒയുടെ എസ് ബാൻഡ് റഡാറും, നാസയുടെ എൽ ബാൻഡ് റഡാറും ഇതില് ഉള്പ്പെടുന്നു.
കാലാവസ്ഥ പ്രശ്നമേയല്ല!
പകല്-രാത്രി വ്യത്യാസമില്ലാതെ ഏത് കാലാവസ്ഥയിലും ഭൂമിയിലെ ഓരോ ഇഞ്ചും അതിസൂക്ഷ്മമായി പകര്ത്താനാവുന്ന തരത്തിലാണ് എ ഐ സാര് സാറ്റ്ലൈറ്റിലെ റഡാറുകള് രൂപകല്പന ചെയ്തിരിക്കുന്നത്.
പ്രകൃതി ദുരന്തങ്ങള് മുന്കൂട്ടി അറിയാം
ഉരുൾപ്പൊട്ടലുകളും, മണ്ണിടിച്ചിലുകളും, അഗ്നിപർവ്വത വിസ്ഫോടനങ്ങളും, ഭൂകമ്പങ്ങളുമെല്ലാം എൻ ഐ സാറിന്റെ റഡാർ ദൃഷ്ടിയിൽ പതിയും. കടലിലെ മാറ്റങ്ങളും പുഴകളുടെ ഒഴുക്കും തീരശോഷണവും മണ്ണൊലിപ്പും ഒപ്പിയെടുക്കും.
കാര്ഷിക രംഗത്തും പ്രയോജനം
കാട്ടുതീകളും ഹിമാനികളുടെ ചലനവും മഞ്ഞുപാളികളിലെ മാറ്റവും തിരിച്ചറിയും. കൃഷിഭൂമിയിലെ മണ്ണിന്റെ ഈർപ്പവും വിളകളുടെ വളർച്ചയും വനങ്ങളിലെ പച്ചപ്പുമെല്ലാം നിരീക്ഷിക്കാനും നൈസാര് ഉപഗ്രഹത്തിന് ശേഷിയുണ്ട്.
ഭൗമ നിരീക്ഷണം ഇങ്ങനെ
പന്ത്രണ്ട് ദിവസത്തിലൊരിക്കലെങ്കിലും ഭൂമിയിലെ ഓരോ ഇഞ്ചും എൻ ഐ സാര് സാറ്റ്ലൈറ്റിലെ റഡാറുകള് സൂക്ഷ്മമായി പകര്ത്തും. ഈ പരിശോധനയില് തെളിയുന്ന കണ്ടെത്തലുകള് ദുരന്ത മുന്നറിയിപ്പുകള് നല്കാന് സഹായകമാകും.
