'പിങ്ക് വെറുമൊരു നിറമല്ല, ആറ്റിറ്റ്യൂഡിന്റെ കാര്യം കൂടിയാണ്'; ഫോട്ടോഷൂട്ട് ചിത്രങ്ങളുമായി ശ്രുതി
ബിഗ് സ്ക്രീനിലും മിനി സ്ക്രീനിലും സജീവമായ താരങ്ങളിലൊരാളാണ് ശ്രുതി ലക്ഷ്മി. അഭിനയം മാത്രമല്ല നൃത്തവും തനിക്ക് വഴങ്ങുമെന്ന് താരം തെളിയിച്ചിട്ടുണ്ട്. സമൂഹമാധ്യമങ്ങളിൽ അത്ര സജീവമല്ലെങ്കിലും ശ്രുതി പങ്കുവയ്ക്കുന്ന ചിത്രങ്ങളും കുറിപ്പുകളും ശ്രദ്ധനേടാറുണ്ട്. അത്തരത്തിലൊരു ഫോട്ടോഷൂട്ടാണ് ഇപ്പോൾ വൈറലാകുന്നത്.
ഗോകുൽ നെടുംകുന്നം ആണ് ശ്രുതിയുടെ മനോഹര ചിത്രങ്ങൾ പകർത്തിയത്. പിങ്ക് നിറത്തിലുള്ള ഗൗണിൽ അതി സുന്ദരിയായാണ് താരം പ്രത്യക്ഷപ്പെടുന്നത്.
'പിങ്ക് വെറുമൊരു നിറമല്ല, ആറ്റിറ്റ്യൂഡിന്റെ കാര്യം കൂടിയാണ്' എന്നാണ് ചിത്രങ്ങൾ പങ്കുവച്ച് ശ്രുതി കുറിച്ചത്.
പിങ്ക് ഗൗണിൽ എത്തിയ ശ്രുതി ആ കളറിൽ കുറച്ചുകൂടി സുന്ദരി ആയിട്ടുണ്ട് എന്നാണ് ആരാധകർ പറയുന്നത്. ആരാധകർക്ക് പുറമേ ചില താരങ്ങളും ശ്രുതിക്ക് കൈയ്യടിയുമായി എത്തിയിട്ടുണ്ട്.
മുൻപത്തേക്കാളും ശ്രുതി ഒന്ന് കൂടി മെലിഞ്ഞോ എന്നും ആരാധകർ ചോദിക്കുന്നുണ്ട്.
