Asianet News Malayalam

ദിവസവും ബദാം കഴിച്ചാൽ രണ്ട് രോ​ഗങ്ങൾ തടയാം; പുതിയ പഠനം പറയുന്നത്

ദിവസേന രണ്ടു തവണ ബദാം ലഘുഭക്ഷണമായി കഴിക്കുന്നതും ആരോ​ഗ്യത്തിന് നല്ലതാണെന്നും ഡോ. ജഗ്മീത് പറഞ്ഞു. കുട്ടികൾക്ക് ദിവസവും ബ​ദാം നൽകുന്നത് പ്രതിരോധശേഷി വർധിപ്പിക്കാൻ സഹായിക്കും.
 

Eating badam every day can prevent two diseases
Author
Trivandrum, First Published Jul 8, 2021, 2:45 PM IST
  • Facebook
  • Twitter
  • Whatsapp

ദിവസവും രണ്ട് നേരം ബദാം കഴിക്കുന്നത് രക്തത്തിലെ പഞ്ചസാരയുടെയും കൊളസ്ട്രോളിന്റെയും അളവ് നിയന്ത്രിക്കാൻ സഹായിക്കുമെന്ന് പുതിയ പഠനം. 216 സ്ത്രീകളും 59 പുരുഷന്മാരും അടങ്ങുന്ന 275 പേരിൽ പഠനം നടത്തുകയായിരുന്നു. ഇവരിൽ പ്രീഡയബറ്റീസ് ഉണ്ടെന്ന് കണ്ടെത്തി. 

പഠനത്തിന്റെ ഭാ​ഗമായി ഇവർ മൂന്ന് മാസം ദിവസവും രണ്ട് നേരം ബദാം കഴിക്കണമെന്ന് ​ഗവേഷകർ നിർദേശിച്ചു. അതോടൊപ്പം അവർ ഒരേ സമയം 340 കലോറിയുള്ള മറ്റ് ഭക്ഷണങ്ങളും കഴിക്കുകയും ചെയ്തു. 

മൂന്ന് മാസം കഴിഞ്ഞപ്പോൾ ഇവരിൽ ചീത്ത കൊളസ്ട്രോൾ കുറയുകയും എച്ച്‌ബി‌എ 1 സി അളവ് കുറഞ്ഞതായും പഠനത്തിൽ കണ്ടെത്താനായെന്ന് മുംബെെയിലെ Sir Vithaldis Thackersey College of Home Scienceന്റെ പ്രിൻസിപ്പലും പോഷകാഹാര വിദഗ്ധനുമായ ഡോ. ജഗ്മീത് മദൻ പറഞ്ഞു. 

കൗമാരക്കാരും ചെറുപ്പക്കാരും പോഷക​​ഗുണമുള്ള ഭക്ഷണം കഴിക്കുന്നതും വ്യായാമം ചെയ്യുന്നതും പ്രീഡയബറ്റിസ് മുതൽ ടൈപ്പ് -2 പ്രമേഹം എന്നിവ പിടിപെടാനുള്ള സാധ്യത കുറയ്ക്കും. മാത്രമല്ല, ദിവസേന രണ്ടു തവണ ബദാം ലഘുഭക്ഷണമായി കഴിക്കുന്നതും ആരോ​ഗ്യത്തിന് നല്ലതാണെന്നും ഡോ. ജഗ്മീത് പറഞ്ഞു. കുട്ടികൾക്ക് ദിവസവും ബ​ദാം നൽകുന്നത് പ്രതിരോധശേഷി വർധിപ്പിക്കാൻ സഹായിക്കും.

വയറിന്റെ ആരോഗ്യം ഉറപ്പുവരുത്താം 'സിമ്പിള്‍' ആയി; ശ്രദ്ധിക്കാം ഈ രണ്ട് കാര്യങ്ങള്‍

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona

Follow Us:
Download App:
  • android
  • ios