വരണ്ട ചർമ്മമുള്ളവരുടെ ശ്രദ്ധയ്ക്ക്; ഈ ഫേസ് പാക്കുകൾ ഉപയോഗിച്ച് നോക്കൂ
നിങ്ങളുടെ ചർമ്മം ഏതാണ് അതിന് അനുയോജ്യമായ ഫേസ് പാക്കുകള്‍ ഉപയോഗിക്കുക. ചര്‍മ്മത്തെ സംരക്ഷിക്കുന്നതിനായി ഉപയോഗിക്കുന്ന കൃത്രിമ വസ്തുക്കളെല്ലാം പലപ്പോഴും ചർമ്മത്തിന് ദോഷകരമായി മാറാറുണ്ട്.
ചര്‍മ്മത്തിന്റെ സ്വഭാവം ഓരാരുത്തരിലും വ്യത്യസ്തമായിരിക്കും. ചിലർക്ക് വരണ്ട ചർമ്മമായിരിക്കാം, മറ്റ് ചിലർക്ക് എണ്ണമയമുള്ള ചർമ്മമാകാം. നിങ്ങളുടെ ചർമ്മം ഏതാണ് അതിന് അനുയോജ്യമായ ഫേസ് പാക്കുകള്‍ ഉപയോഗിക്കുക. ചര്‍മ്മത്തെ സംരക്ഷിക്കുന്നതിനായി ഉപയോഗിക്കുന്ന കൃത്രിമ വസ്തുക്കളെല്ലാം പലപ്പോഴും ചർമ്മത്തിന് ദോഷകരമായി മാറാറുണ്ട്. അതുകൊണ്ട് പ്രകൃതിദത്ത മാര്‍ഗങ്ങള്‍ പിന്തുടരുന്നതാണ് നല്ലത്. വരണ്ട ചർമ്മമുള്ളവർ ഉപയോഗിക്കാവുന്ന മൂന്ന് തരം ഫേസ് പാക്കുകൾ പരിചയപ്പെടാം...
ഒന്ന്...
അരക്കപ്പ് പപ്പായ നന്നായി ഉടച്ച് പേസ്റ്റാക്കി അതില്‍ ഒരു ടേബിള്‍ സ്പൂണ്‍ തേനും ചേര്‍ത്ത് യോജിപ്പിക്കുക. ഈ മിശ്രിതം മുഖത്ത് പുരട്ടി 30 മിനുട്ടിന് ശേഷം കഴുകിക്കളയാം. ഈ മിശ്രിതം വരണ്ട ചര്‍മത്തില്‍ ജലാംശം നിലനിര്‍ത്താന്‍ സഹായിക്കുന്നു. തേന്‍ പ്രകൃതിദത്തമായ മോയിസ്ചറൈസറാണ്.
രണ്ട്...
കറ്റാര്‍വാഴയുടെ ജെല്ലും വെള്ളരിക്ക നീരും ചേർത്ത് നല്ല പോലെ യോജിപ്പിക്കുക. ശേഷം ഈ മിശ്രിതം മുഖത്ത് പുരട്ടി 30 മിനുട്ടിന് ശേഷം കഴുകിക്കളയാം. ഇത് ജലാംശം നിലനിര്‍ത്തുകയും രക്തയോട്ടം വര്‍ധിപ്പിക്കാനും സഹായിക്കും.
മൂന്ന്...
രണ്ട് ടീസ്പൂണ്‍ കടല മാവില്‍ ഒരു ടീസ്പൂണ്‍ തൈരു ചേര്‍ത്ത് നന്നായി യോജിപ്പിക്കുക. ഈ പേസ്റ്റ് മുഖത്ത് പുരട്ടി 30 മിനുട്ടിന് ശേഷം കഴുകിക്കളയാം. ഈ മിശ്രിതം നല്ലൊരു മോയിസ്ചറൈസറായി പ്രവര്‍ത്തിക്കുകയും മുഖക്കുരു മാറ്റാന്‍ സഹായിക്കുകയും ചെയ്യും. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്.
മുഖക്കുരുവിന്‍റെ പാടുകള്‍ അകറ്റാന്‍ പരീക്ഷിക്കാം ഈ വഴികള്‍...
