ചർമ്മത്തിന്റെ നിറം മെച്ചപ്പെടുത്താൻ സഹായിക്കുന്ന ഒരു പ്രകൃതിദത്ത ഘടകമാണ് നാരങ്ങ. എന്നിരുന്നാലും, ഇതിലെ ചില പോഷകങ്ങൾ ചർമ്മത്തിൽ അസ്വസ്ഥതയുണ്ടാക്കാനും ചർമ്മത്തിന്റെ സംരക്ഷണപാളിയെ തകരാറിലാക്കാനും കാരണമായേക്കാം.
നിങ്ങൾ പതിവായി ഉപയോഗിക്കുന്ന ചിസ ചേരുവകൾ ചർമ്മത്തിന്റെ ആരോഗ്യത്തെ നശിപ്പിക്കാം. രാസവസ്തുക്കൾ അടങ്ങിയ സോപ്പുകൾ, അൾട്രാവയലറ്റ് രശ്മികൾ, അമിതമായ ചൂട്, മലിനീകരണം, ഉറക്കക്കുറവ്, പുകയില എന്നിവ ചർമ്മത്തെ വേഗത്തിൽ നശിപ്പിക്കാം.
ചർമ്മത്തിന്റെ നിറം മെച്ചപ്പെടുത്താൻ സഹായിക്കുന്ന ഒരു പ്രകൃതിദത്ത ഘടകമാണ് നാരങ്ങ. എന്നിരുന്നാലും, ഇതിലെ ചില പോഷകങ്ങൾ ചർമ്മത്തിൽ അസ്വസ്ഥതയുണ്ടാക്കാനും ചർമ്മത്തിന്റെ സംരക്ഷണപാളിയെ തകരാറിലാക്കാനും കാരണമായേക്കാം. കൂടാതെ, ചർമ്മം കൂടുതൽ സംവേദനക്ഷമമാവുകയും പൊള്ളൽ, ചുവപ്പ് നിറം, അല്ലെങ്കിൽ വീക്കത്തിന് ശേഷമുള്ള കറുത്ത പാടുകൾ എന്നിവ ഉണ്ടാകാൻ ഇടയാക്കുകയും ചെയ്തേക്കാം.
മുഖക്കുരുവിൽ ടൂത്ത് പേസ്റ്റ് പുരട്ടുന്ന രീതി ഇന്ന് കൂടുതലായി കണ്ട് വരുന്നു. മുഖക്കുരുവിനെ ഉണക്കി കളയാൻ ഇതിന് താൽക്കാലികമായ ഒരു കഴിവുണ്ട്. എന്നിരുന്നാലും, ടൂത്ത് പേസ്റ്റിലുള്ള മെന്തോൾ, ആൽക്കഹോൾ, ഹൈഡ്രജൻ പെറോക്സൈഡ് തുടങ്ങിയ ഘടകങ്ങൾ ചർമ്മത്തിൽ അസ്വസ്ഥത, നീർവീക്കം, തൊലി അടർന്നുപോകൽ എന്നിവയ്ക്ക് കാരണമായേക്കാം. ഇത് മുഖക്കുരു കൂടുതൽ വഷളാക്കാൻ ഇടയാക്കും.
Related Articles
ബേക്കിംഗ് സോഡ ഒരു പ്രകൃതിദത്ത സ്ക്രബ് ആണെന്ന് പലരും കരുതുന്നു. എന്നാൽ, ബേക്കിംഗ് സോഡയുടെ ഉയർന്ന pH നില ചർമ്മത്തിന്റെ സ്വാഭാവികമായ അമ്ലസ്വഭാവമുള്ള pH-നെ തകിടംമറിക്കുന്നു. ഇതിന്റെ തുടർച്ചയായ ഉപയോഗം ചർമ്മത്തിന് കൂടുതൽ ദോഷം വരുത്തുകയും വരൾച്ച, അസ്വസ്ഥത, ചർമ്മത്തിന്റെ സംരക്ഷണപാളിക്കുണ്ടാകുന്ന തകരാറുകൾ എന്നിവയ്ക്ക് കാരണമാവുകയും ചെയ്യുന്നു.
വെളുത്തുള്ളിയിൽ ആന്റിമൈക്രോബിയൽ ഘടകങ്ങൾ അടങ്ങിയിട്ടുണ്ടെങ്കിലും, പച്ച വെളുത്തുള്ളി നേരിട്ട് ചർമ്മത്തിൽ പുരട്ടുന്നത് രാസപരമായ പൊള്ളൽ, കുമിളകൾ, കടുത്ത അസ്വസ്ഥത എന്നിവയ്ക്ക് കാരണമായേക്കാം. കാപ്പിപ്പൊടി, പഞ്ചസാര അടങ്ങിയ സ്ക്രബുകൾ ഉപയോഗിക്കുന്നത് ചർമ്മത്തിൽ ചെറിയ പോറലുകൾ ഉണ്ടാക്കിയേക്കാം. കാലക്രമേണ ഇത് ചർമ്മത്തിൽ നീർക്കെട്ട്, ചർമ്മത്തിന്റെ ഘടനയിൽ അസമത്വം എന്നിവയ്ക്ക് കാരണമായേക്കാം.
