കൃത്യമായ രീതിയില് വായ വൃത്തിയാക്കാത്തതുകൊണ്ടാണ് പലപ്പോഴും പല്ലുകളുടെ ആരോഗ്യം മോശമാകുന്നത്. അതിനാല് രണ്ട് നേരവും പല്ല് തേക്കാന് എല്ലാവരും ശ്രദ്ധിക്കേണ്ടതുണ്ട്.
ദന്താരോഗ്യം അഥവാ പല്ലുകളുടെ ആരോഗ്യം സംരക്ഷിക്കേണ്ടത് ഏറെ പ്രധാനമാണ്. കൃത്യമായ രീതിയില് വായ വൃത്തിയാക്കാത്തതുകൊണ്ടാണ് പലപ്പോഴും പല്ലുകളുടെ ആരോഗ്യം മോശമാകുന്നത്. അതിനാല് രണ്ട് നേരവും പല്ല് തേക്കാന് എല്ലാവരും ശ്രദ്ധിക്കേണ്ടതുണ്ട്. പല്ലിന്റെ ആരോഗ്യം സംരക്ഷിക്കാന് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
ഒന്ന്...
തുടക്കത്തിലെ പറഞ്ഞതു പോലെ ദിവസവും രണ്ട് നേരവും പല്ല് തേക്കുക. അതുപോലെ മൂന്നുമാസം കൂടുമ്പോൾ ടൂത്ത്ബ്രഷുകള് മാറ്റുക. ബ്രഷിലെ നാരുകൾ വളയാൻ തുടങ്ങിക്കഴിഞ്ഞാൽ ആ ബ്രഷ് ഉപയോഗിക്കാതിരിക്കാനും ശ്രദ്ധിക്കുക.
രണ്ട്...
മൌത്ത് വാഷ് ഉപയോഗിക്കുന്നതും വായ വൃത്തിയാക്കാനും ദന്താരോഗ്യം സംരക്ഷിക്കാനും സഹായിക്കും.
മൂന്ന്...
പഞ്ചസാര ധാരാളം അടങ്ങിയ പാനീയങ്ങളും സോഡകളും പല്ലുകളുടെ ആരോഗ്യത്തെ മോശമായി ബാധിക്കാം. അതിനാല് ഇവയുടെ അമിത ഉപയോഗം കുറയ്ക്കുക.
നാല്...
മിഠായി കഴിച്ചതിന് ശേഷം വായ് നന്നായി കഴുകുക. ഇല്ലെങ്കില് അത് പല്ലിന്റെ ഇനാമലിനെ ബാധിക്കാം.
അഞ്ച്...
ആസിഡ് അടങ്ങിയ ഭക്ഷണങ്ങളും ഡയറ്റില് നിന്നും ഒഴിവാക്കുന്നതാണ് പല്ലുകളുടെ ആരോഗ്യത്തിന് നല്ലത്.
ആറ്...
ആരോഗ്യകരമായ ഭക്ഷണങ്ങള് കഴിക്കുന്നതും പല്ലുകളുടെ ആരോഗ്യത്തിന് നല്ലതാണ്. ഇതിനായി പഴങ്ങളും പച്ചക്കറികളും ഡയറ്റില് ഉള്പ്പെടുത്തുക.
ഏഴ്...
പുകവലി പല്ലിന്റെ ആരോഗ്യത്തിന് നല്ലതല്ല. പുകയില ഉല്പ്പനങ്ങളുടെ ഉപയോഗം പല്ലില് കറ വരുത്തുകയും ചെയ്യും. അതിനാല് പുകവലി ഉപയോഗം കുറയ്ക്കുക.
എട്ട്...
വെള്ളം ധാരാളം കുടിക്കുന്നതും പല്ലുകളുടെ ആരോഗ്യത്തിന് നല്ലതാണ്. ഇതിനായി കുറഞ്ഞത് എട്ട് ഗ്ലാസ് വെള്ളം എങ്കിലും കുടിക്കുക.
ഒമ്പത്...
സ്ട്രെസ് കുറയ്ക്കുക. അമിത സ്ട്രെസും പല്ലുകളുടെ ആരോഗ്യം മോശമാക്കാം.
പല്ലുകളുടെ ആരോഗ്യത്തിനായി ഡയറ്റില് ഉള്പ്പെടുത്തേണ്ട ചില ഭക്ഷണങ്ങള്...
ചീസ്, പാല്, തൈര്, ആപ്പിള്, സ്ട്രോബെറി, ഓറഞ്ച്, ഇലക്കറികള് , ക്യാരറ്റ്, നട്സ് തുടങ്ങിയവ കഴിക്കുന്നത് പല്ലുകളുടെ ആരോഗ്യത്തിന് നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: എപ്പോഴും ക്ഷീണം തോന്നാറുണ്ടോ? ഇവയാകാം കാരണങ്ങള്...
