തൈരാണ് ആദ്യം ഭക്ഷണം. കാൽസ്യം ധാരാളമായി അടങ്ങിയ ഭക്ഷണങ്ങളാണ് താൻ കഴിക്കുന്നതെന്ന് അദ്ദേഹം വ്യക്തമാക്കുന്നു. കൂടുതൽ അളവിൽ കാൽസ്യം കഴിക്കുന്നത് കൊളോറെക്റ്റൽ ക്യാൻസർ (വൻകുടൽ-മലദ്വാര ക്യാൻസർ) സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നുവെന്ന് പഠനങ്ങൾ കണ്ടെത്തിയിട്ടുണ്ട്.
കോളൻ ക്യാൻസർ ബാധിക്കുന്നവരുടെ എണ്ണം ഇന്ന് ദിനംപ്രതി കൂടി വരികയാണ്. വൻകുടലിലോ മലദ്വാരത്തോടടുത്തുള്ള ഭാഗത്തോ (rectum) ആരംഭിക്കുന്ന അർബുദമാണ് കോളൻ ക്യാൻസർ. സാധാരണയായി 'പോളിപ്പുകൾ' (polyps) എന്ന് വിളിക്കപ്പെടുന്ന, ക്യാൻസർ അല്ലാത്ത ചെറിയ വളർച്ചകളായാണ് ഇത് തുടങ്ങുന്നത്.
സ്വന്തം ആരോഗ്യം ശ്രദ്ധിക്കുന്നതും രോഗസാധ്യത വർദ്ധിപ്പിക്കുന്ന ഘടകങ്ങളെക്കുറിച്ച് അറിഞ്ഞിരിക്കുന്നതും പ്രധാനമാണ്. ക്യാൻസർ പൂർണ്ണമായും തടയാൻ ഉറപ്പായ മാർഗ്ഗങ്ങളൊന്നുമില്ലെങ്കിലും ആരോഗ്യകരമായ ജീവിതശൈലി പിന്തുടരുന്നതും ശ്രദ്ധാപൂർവ്വം ഭക്ഷണക്രമം തിരഞ്ഞെടുക്കുന്നതും ചിലതരം ക്യാൻസറുകൾ വരാനുള്ള സാധ്യത കുറയ്ക്കാൻ സഹായിച്ചേക്കാം. കൊളോറെക്റ്റൽ ക്യാൻസർ (വൻകുടലിലെ ക്യാൻസർ) വരാനുള്ള സാധ്യത കുറയ്ക്കുന്നതിനുള്ള ചില നിർദ്ദേശങ്ങൾ ഗ്യാസ്ട്രോഎൻട്രോളജിസ്റ്റായ ഡോ. സൗരഭ് സേത്തി പങ്കുവച്ചിട്ടുണ്ട്.
കൊളോറെക്റ്റൽ ആരോഗ്യം മെച്ചപ്പെടുത്തുന്നതിനായി തന്റെ ഭക്ഷണക്രമത്തിൽ ഉൾപ്പെടുത്തുന്ന നാല് തരം ഭക്ഷണങ്ങളെക്കുറിച്ച് ഇൻസ്റ്റാഗ്രാമിൽ പങ്കുവച്ച ഒരു വീഡിയോയിൽ അദ്ദേഹം പറയുന്നു.
Related Articles
ഒരു ഗ്യാസ്ട്രോഎൻ്ററോളജിസ്റ്റ് എന്ന നിലയിൽ, വൻകുടൽ ക്യാൻസർ സാധ്യത കുറയ്ക്കുന്നതിനായി ഞാൻ ദിവസവും ഈ നാല് ഭക്ഷണങ്ങൾ കഴിക്കാറുണ്ട്. തൈരാണ് ആദ്യം ഭക്ഷണം. കാൽസ്യം ധാരാളമായി അടങ്ങിയ ഭക്ഷണങ്ങളാണ് താൻ കഴിക്കുന്നതെന്ന് അദ്ദേഹം വ്യക്തമാക്കുന്നു. കൂടുതൽ അളവിൽ കാൽസ്യം കഴിക്കുന്നത് കൊളോറെക്റ്റൽ ക്യാൻസർ (വൻകുടൽ-മലദ്വാര ക്യാൻസർ) സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നുവെന്ന് പഠനങ്ങൾ കണ്ടെത്തിയിട്ടുണ്ട്. കൂടാതെ, ജീവനുള്ള പ്രോബയോട്ടിക് ബാക്ടീരിയകൾ അടങ്ങിയിട്ടുണ്ട് എന്ന അധിക ഗുണവും തൈരിനുണ്ട്.
അടുത്തതായി, തന്റെ കുടലിലെ ബാക്ടീരിയകൾക്ക് പോഷണം നൽകുന്ന ഭക്ഷണസാധനങ്ങളെക്കുറിച്ചാണ് അദ്ദേഹം പറയുന്നത്. ബെറികൾ എനിക്ക് ഏറെ പ്രിയപ്പെട്ടവയാണ്; കാരണം അവയിൽ പോളിഫെനോളുകൾക്കൊപ്പം നാരുകളും (ഫൈബർ) അടങ്ങിയിട്ടുണ്ട്. കോശങ്ങളെ ഡിഎൻഎ (DNA) തകരാറുകളിൽ നിന്ന് സംരക്ഷിക്കുകയും, ശരീരത്തിലെ വീക്കം കുറയ്ക്കുകയും, ട്യൂമറുകളിലേക്കുള്ള രക്തക്കുഴലുകളുടെ വളർച്ച മന്ദഗതിയിലാക്കുകയും ചെയ്യുന്ന ആന്റിഓക്സിഡന്റുകളുടെയും ഫൈറ്റോകെമിക്കലുകളുടെയും ഉയർന്ന സാന്നിധ്യമാണ് ഇവയുടെ പ്രധാന ഗുണം.
ഓരോ നേരത്തെ ഭക്ഷണത്തിലും നാരുകൾക്ക് (fiber) മുൻഗണന നൽകേണ്ടത് പ്രധാനമാണ്. അവക്കാഡോ, വിത്തുകൾ, നട്സ്, പയറുവർഗ്ഗങ്ങൾ, ഓട്മീൽ എന്നിവ ഞാൻ പതിവായി കഴിക്കാറുണ്ട്. നാരുകൾ കൂടുതലായി അടങ്ങിയ ഭക്ഷണം കഴിക്കുന്നത് വൻകുടൽ അർബുദത്തിനുള്ള സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നുതായി വിദഗ്ധർ പറയുന്നു.
പോളിഫെനോളുകളും മറ്റ് ബയോആക്ടീവ് സംയുക്തങ്ങളും ധാരാളമായി അടങ്ങിയ ഒന്നാണ് കാപ്പി. മാത്രമല്ല, കാപ്പിയുടെ ഉപയോഗം കൂടുതലായിരിക്കുന്നത് വൻകുടൽ-മലദ്വാര അർബുദത്തിനുള്ള (colorectal cancer) സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നതായി ചില പഠനങ്ങൾ സൂചിപ്പിക്കുന്നു. നിങ്ങളുടെ മൊത്തത്തിലുള്ള ആരോഗ്യം മെച്ചപ്പെടുത്തുന്നതിനായി ഭക്ഷണക്രമത്തിൽ മാറ്റങ്ങൾ വരുത്തുന്നത് ഏറെ നല്ലതാണെന്നും ഡോ. സൗരഭ് സേത്തി പറഞ്ഞു.
