ആപ്പിൾ ടീ സൂപ്പറല്ലേ; ഒരു ഗ്ലാസ് കുടിച്ചാൽ മതി, ഗുണങ്ങൾ പലതാണ്...
മലബന്ധം അകറ്റാൻ നല്ലൊരു പ്രതിവിധിയാണ് ആപ്പിൾ ടീ. ദഹനസംബന്ധമായ പ്രശ്നങ്ങൾ അകറ്റാൻ ആപ്പിൾ ടീയിൽ അൽപം ഇഞ്ചി ചേർത്ത് കുടിക്കാം. ശരീരത്തിലെ എൽഡിഎൽ കൊളസ്ട്രോൾ കുറയ്ക്കുകയും എച്ച്ഡിഎൽ കൊളസ്ട്രോൾ കൂട്ടാനും ആപ്പിൾ ടീ കുടിക്കുന്നത് ഗുണം ചെയ്യും. ശരീരത്തിലെ കൊഴുപ്പ് കളയാനും ആപ്പിൾ ടീ കുടിക്കാം.
ധാരാളം പോഷകഗുണങ്ങൾ അടങ്ങിയ ഒന്നാണ് ആപ്പിൾ ടീ. ആന്റിഓക്സിഡന്റുകൾ, മഗ്നീഷ്യം, വൈറ്റമിൻ ബി, സി, ഇ, മഗ്നീഷ്യം, പൊട്ടാസ്യം എന്നിവ ധാരാളം ആപ്പിൾ ടീയിൽ അടങ്ങിയിട്ടുണ്ട്. ദിവസവും ആപ്പിൾ ടീ കുടിച്ചാലുള്ള ഗുണങ്ങൾ ചെറുതല്ല. വീട്ടിൽ വളരെ എളുപ്പം ഉണ്ടാക്കാൻ പറ്റുന്ന ഒന്നാണ് ആപ്പിൾ ടീ. ആപ്പിൾ ടീ ഉണ്ടാക്കുന്നത് എങ്ങനെയെന്ന് നോക്കാം.
ആദ്യം ഒരു ലിറ്റർ വെള്ളം നന്നായി തിളപ്പിക്കുക. മൂന്ന് ആപ്പിൾ കഴുകി തൊലി കളയാതെ, കുരുനീക്കി ചെറിയ കഷ്ണങ്ങളാക്കുക. ഇത് തിളയ്ക്കുന്ന വെള്ളത്തിൽ ചേർത്ത് വീണ്ടും അഞ്ച് മിനിറ്റു തിളപ്പിച്ച ശേഷം അൽപം ഗ്രാമ്പൂ, കറുവപ്പട്ട, അല്പം തേയില എന്നിവ ചേർത്ത ശേഷം വീണ്ടും ഏഴ് മിനിറ്റ് തിളപ്പിക്കുക. ശേഷം അരിച്ചെടുത്ത് ഫ്രിഡ്ജിൽ വച്ച് ഉപയോഗിക്കാം.
ആപ്പിൾ ടീ കുടിച്ചാലുള്ള ഗുണങ്ങൾ...
പ്രതിരോധശേഷി വർധിപ്പിക്കും....
ദിവസവും ഒരു കപ്പ് ആപ്പിൾ ടീ കുടിക്കുന്നത് പ്രതിരോധശേഷി വർധിക്കാൻ സഹായിക്കുന്നു. വിട്ടുമാറാത്ത ചുമ, ജലദോഷം, തുമ്മൽ എന്നിവ അകറ്റാൻ നല്ലൊരു ഹെൽത്തി ഡ്രിങ്കാണ് ആപ്പിൾ ടീ.
മലബന്ധം അകറ്റാം...
മലബന്ധം അകറ്റാൻ നല്ലൊരു പ്രതിവിധിയാണ് ആപ്പിൾ ടീ. ദഹനസംബന്ധമായ പ്രശ്നങ്ങൾ അകറ്റാൻ ആപ്പിൾ ടീയിൽ അൽപം ഇഞ്ചി ചേർത്ത് കുടിക്കാം.
ചീത്ത കൊളസ്ട്രോൾ കുറയ്ക്കും...
ശരീരത്തിലെ എൽഡിഎൽ കൊളസ്ട്രോൾ കുറയ്ക്കുകയും എച്ച്ഡിഎൽ കൊളസ്ട്രോൾ കൂട്ടാനും ആപ്പിൾ ടീ കുടിക്കുന്നത് ഗുണം ചെയ്യും. ശരീരത്തിലെ കൊഴുപ്പ് കളയാൻ ആപ്പിൾ ടീ കുടിക്കാം.
ചർമ്മത്തെ സംരക്ഷിക്കുന്നു...
ആന്റിഓക്സിഡന്റ് ധാരാളം അടങ്ങിയിട്ടുള്ളത് കൊണ്ട് തന്നെ ചർമ്മസംരക്ഷണത്തിനും ഏറ്റവും മികച്ച ഒന്നാണ് ആപ്പിൾ ടീ. വരണ്ട ചർമ്മമുള്ളവർ ദിവസവും ഒരു കപ്പ് ആപ്പിൾ ടീ കുടിക്കുന്നത് ശീലമാക്കൂ.