പഴങ്ങളും പച്ചക്കറികളും കഴിക്കാതിരുന്നാൽ; പഠനം പറയുന്നത്
പഴങ്ങളും പച്ചക്കറികളും കഴിക്കാതിരുന്നാൽ പക്ഷാഘാതവും ഹൃദയസംബന്ധമായ അസുഖങ്ങളും പിടിപെടാമെന്ന് പഠനം. ഇവ രണ്ടും കഴിക്കാത്തവരിലാണ് കൂടുതലായി പക്ഷാഘാതവും ഹൃദ്രോഗവും ഉണ്ടാകുന്നതെന്ന് പഠനത്തിൽ കണ്ടെത്തി. 2010 ൽ പച്ചക്കറി കഴിക്കാതിരുന്നവരിൽ 1.8 ദശലക്ഷം പേരാണ് ഹൃദ്രോഗം മൂലം മരണപ്പെട്ടതെന്ന് പഠനത്തിൽ പറയുന്നു. അമേരിക്കയിലെ ടഫ്റ്റ്സ് യൂണിവേഴ്സിറ്റിയിലെ ഗവേഷകരാണ് പഠനം നടത്തിയത്.
പഴങ്ങളും പച്ചക്കറികളും കഴിക്കുന്നവരുടെ എണ്ണം ഇന്ന് കുറഞ്ഞ് വരികയാണ്. ഇവ കഴിക്കാതിരിക്കുമ്പോൾ പലതരത്തിലുള്ള ആരോഗ്യപ്രശ്നങ്ങളാണ് ഉണ്ടാവുക. ഓരോ വർഷവും ഹൃദ്രോഗവും പക്ഷാഘാതവും മൂലം നിരവധി പേരാണ് മരണപ്പെടുന്നത്.
പഴങ്ങളും പച്ചക്കറികളും കഴിക്കാതിരുന്നാൽ പക്ഷാഘാതവും ഹൃദയസംബന്ധമായ അസുഖങ്ങളും പിടിപെടാമെന്ന് പഠനം. ഇവ രണ്ടും കഴിക്കാത്തവരിലാണ് കൂടുതലായി പക്ഷാഘാതവും ഹൃദ്രോഗവും ഉണ്ടാകുന്നതെന്ന് പഠനത്തിൽ കണ്ടെത്തി. 2010 ൽ പച്ചക്കറി കഴിക്കാതിരുന്നവരിൽ 1.8 ദശലക്ഷം പേരാണ് ഹൃദ്രോഗം മൂലം മരണപ്പെട്ടതെന്ന് പഠനത്തിൽ പറയുന്നു. അമേരിക്കയിലെ ടഫ്റ്റ്സ് യൂണിവേഴ്സിറ്റിയിലെ ഗവേഷകരാണ് പഠനം നടത്തിയത്.
പതിവായി പഴങ്ങളും പച്ചക്കറികളും കഴിക്കുന്നത് മാനസിക സമ്മര്‍ദം തടയാൻ സഹായിക്കുമെന്ന് ഗവേഷകനായ വിക്ടോറിയ മില്ലർ പറയുന്നു. ഫൈബർ, പൊട്ടാസ്യം, മഗ്നീഷ്യം, ആൻറി ഓക്സിഡൻറുകൾ എന്നിവയുടെ ഉറവിടങ്ങളാണ് പഴങ്ങളും പച്ചക്കറികളും. ഇത് രക്തസമ്മർദ്ദം, കൊളസ്ട്രോൾ എന്നിവ കുറയ്ക്കാൻ സഹായിക്കും. ഇലക്കറികളും പയറ് വർഗങ്ങളും ഭക്ഷണത്തിൽ ധാരാളം ഉൾപ്പെടുത്തണമെന്നും മില്ലർ പറയുന്നു.
