മധുര പാനീയങ്ങളുടെ അമിത ഉപഭോഗം പുരുഷന്മാരിലെ മുടി കൊഴിച്ചിലുമായി അടുത്ത ബന്ധപ്പെട്ടിരിക്കുന്നു. ഉയർന്ന പഞ്ചസാര രക്തചംക്രമണം മോശമാക്കുന്നു. ഇത് മുടിയുടെ വേരുകൾ ദുർബലമാകുന്നതിന് കാരണമാകുന്നു
മധുര പാനീയങ്ങൾ ആരോഗ്യത്തിന് വിവിധ ആരോഗ്യപ്രശ്നങ്ങൾക്ക് കാരണമാകും. മിക്കവയും കോൺ സിറപ്പ്, മാൾട്ടോസ് സുക്രോസ് തുടങ്ങിയ വിവിധതരം പഞ്ചസാരകൾ കൊണ്ടാണ് നിർമ്മിക്കുന്നത്. ഹൃദ്രോഗം, വൃക്കരോഗം, പല്ലിന്റെ അറകൾ തുടങ്ങിയ ആരോഗ്യപ്രശ്നങ്ങളുമായി മധുര പാനീയങ്ങളുടെ ഉപയോഗം ബന്ധപ്പെട്ടിരിക്കുന്നു. എന്നാൽ, മധുര പാനീയങ്ങൾ മുടികൊഴിച്ചിലിനും കാരണമാകുമെന്ന് പഠനങ്ങൾ പറയുന്നു.
' മധുര പാനീയങ്ങളുടെ അമിത ഉപഭോഗം പുരുഷന്മാരിലെ മുടി കൊഴിച്ചിലുമായി അടുത്ത ബന്ധപ്പെട്ടിരിക്കുന്നു. ഉയർന്ന പഞ്ചസാര രക്തചംക്രമണം മോശമാക്കുന്നു. ഇത് രോമകൂപങ്ങളെ ഉത്തേജിപ്പിക്കുന്നതിൽ പരാജയപ്പെടുകയും രോമകൂപങ്ങൾക്ക് ആവശ്യമായ പോഷകങ്ങൾ ലഭിക്കാതിരിക്കുകയും ചെയ്യുന്നു. ഇത് മുടിയുടെ വേരുകൾ ദുർബലമാകുന്നതിന് കാരണമാകുന്നു. ഭക്ഷണത്തിലെ അമിതമായ പഞ്ചസാര തലയോട്ടിയിലെ വീക്കം ഉണ്ടാക്കുന്നു. ഇക്കാരണത്താൽ, തലയോട്ടിയിലെ താപനില ഗണ്യമായി കുറയുകയും മുടിക്ക് കേടുപാടുകൾ വരുത്തുകയും മുടികൊഴിച്ചിൽ / അലോപ്പീസിയ എന്നിവയ്ക്ക് കാരണമാവുകയും ചെയ്യും...'- ബംഗ്ലൂരുവിലെ ഡെർമറ്റോളജിസ്റ്റ് ഡോ. ഷിറീൻ ഫുർട്ടാഡോ പറഞ്ഞു.
അതിനാൽ മുടികൊഴിച്ചിൽ കുറയ്ക്കുന്നതിന് ഉയർന്ന മധുരപലഹാരങ്ങളുടെ ഉപഭോഗം കുറയ്ക്കുക അല്ലെങ്കിൽ അവ മിതമായ അളവിൽ കഴിക്കണമെന്ന് ഡോ.ഷിറീൻ പറഞ്ഞു. പഞ്ചസാര പ്രേമികളാണെങ്കിൽ തേൻ പോലുള്ള പ്രകൃതിദത്ത മാർഗങ്ങൾ പരീക്ഷിക്കുക. മൾട്ടിവിറ്റാമിനുകൾ, വിറ്റാമിൻ സി, സിങ്ക്, ഇരുമ്പ് എന്നിവ അടങ്ങിയ സമീകൃതാഹാരം ശീലമാക്കുക. കൊഴുപ്പും വറുത്ത ഭക്ഷണങ്ങളും അടങ്ങിയ ഉയർന്ന കലോറി ഭക്ഷണക്രമം ഒഴിവാക്കുക. സീസണൽ പഴങ്ങളും പച്ചക്കറികളും കഴിക്കുക, പ്രോട്ടീൻ അടങ്ങിയ ഭക്ഷണങ്ങൾ ധാരാളം കഴിക്കുക.
'മധുര പാനീയങ്ങൾ കരൾ രോഗങ്ങൾക്ക് കാരണമാകും...' - പഠനം
മധുര പാനീയങ്ങൾ, സോഡ എന്നിവ കുടിക്കുന്നതിലൂടെ കരൾ രോഗങ്ങൾ ഉണ്ടാകാനുള്ള സാധ്യത വളരെ കൂടുതലാണെന്ന് പഠനം. . യുഎസിലെ ജോൺ ഹോപ്പ്കിൻസ് ബ്ലൂംബർഗ് സ്കൂൾ ഓഫ് പബ്ലിക്ക് ഹെൽത്തിലെ ഗവേഷകരാണ് പഠനം നടത്തിയത്. സ്ഥിരമായി മധുരപാനീയങ്ങൾ ഉപയോഗിക്കുന്നവരിൽ അവരുടെ തലച്ചോറിന്റെ പ്രവർത്തനം മന്ദഗതിയിലായിരിക്കുമെന്നും ഗവേഷകർ പറയുന്നു.
പ്ലേറ്റ്ലെറ്റ് കൗണ്ട് കുറഞ്ഞാൽ ശരീരം കാണിക്കുന്ന ചില ലക്ഷണങ്ങൾ
