World Lung Day 2022 : പുകവലിക്കാരിൽ ശ്വാസകോശാർബുദം ഉണ്ടാകാനുള്ള സാധ്യത 24 മുതൽ 36 മടങ്ങ് കൂടുതലെന്ന് വിദഗ്ധർ
ശ്വാസകോശാർബുദം ഇന്ന് ലോകമെമ്പാടുമുള്ള ഏറ്റവും സാധാരണമായ ക്യാൻസറുകളിൽ ഒന്നാണ്. സ്തനാർബുദം, വൻകുടൽ, പ്രോസ്റ്റേറ്റ് ക്യാൻസർ എന്നിവയ്ക്ക് അപേക്ഷിച്ച് ഒരു വർഷത്തിൽ ഇത് കൂടുതൽ ജീവൻ അപഹരിക്കുന്നു.
എല്ലാ വർഷവും സെപ്തംബർ 25 ന് ലോക ശ്വാസകോശ ദിനമായി ആചരിക്കുന്നു. ശ്വാസകോശാരോഗ്യത്തിലെ ഏറ്റവും പുതിയ നേട്ടങ്ങൾ തിരിച്ചറിയുകയാണ് ലക്ഷ്യം. ശ്വാസകോശാർബുദം ഇന്ന് ലോകമെമ്പാടുമുള്ള ഏറ്റവും സാധാരണമായ ക്യാൻസറുകളിൽ ഒന്നാണ്. സ്തനാർബുദം, വൻകുടൽ, പ്രോസ്റ്റേറ്റ് ക്യാൻസർ എന്നിവയ്ക്ക് അപേക്ഷിച്ച് ഒരു വർഷത്തിൽ ഇത് കൂടുതൽ ജീവൻ അപഹരിക്കുന്നു.
ലോകാരോഗ്യ സംഘടനയുടെ കണക്കനുസരിച്ച് ആഗോളതലത്തിൽ ക്യാൻസർ മൂലമുണ്ടാകുന്ന മരണങ്ങളിൽ അഞ്ചിൽ ഒന്ന് ശ്വാസകോശ അർബുദമാണ്. 2012-ൽ കണ്ടെത്തിയ ശ്വാസകോശ അർബുദ കേസുകൾ 1.8 ദശലക്ഷമായിരുന്നു. 2018-ൽ ഇത് 2.09 ദശലക്ഷമായിരുന്നു. മാത്രമല്ല, 2018-ൽ മാത്രം ശ്വാസകോശ അർബുദം 1.76 ദശലക്ഷം ജീവൻ അപഹരിച്ചു.
20ാം നൂറ്റാണ്ടിന്റെ തുടക്കത്തിൽ ശ്വാസകോശ അർബുദം ഒരു അപൂർവ രോഗമായിരുന്നു. പുകവലി വർദ്ധിച്ചതോടെ ശ്വാസകോശ അർബുദത്തിന്റെ എണ്ണം ക്രമേണ വർദ്ധിച്ചു. പുകയില ഉൽപന്നങ്ങൾ, യുറേനിയം, ആസ്ബറ്റോസ്, റേഡിയേഷൻ തുടങ്ങിയ വ്യാവസായിക ഉൽപന്നങ്ങൾ, വായു മലിനീകരണം, പോഷകാഹാരക്കുറവ് എന്നിവയാണ് ക്യാൻസർ വികസനത്തിൽ പങ്കുവഹിക്കുന്ന ഘടകങ്ങൾ. അർബുദ പദാർത്ഥങ്ങളുടെ ദീർഘകാല ശ്വസനം ശ്വാസകോശ അർബുദ സാധ്യത വർദ്ധിപ്പിക്കുന്ന ഒരു നിർണായക ഘടകമാണെന്ന് സമീപകാല പഠനങ്ങൾ തെളിയിക്കുന്നു.
ശരീര ദുർഗന്ധം അലട്ടുന്നുണ്ടോ? എങ്കിൽ അറിഞ്ഞിരിക്കേണ്ട ഒരു കാര്യം
ഒരാൾ പുകവലിക്കാൻ തുടങ്ങുന്ന പ്രായം, പുകവലിയുടെ കാലഘട്ടം, പുകവലിക്കുന്ന സിഗരറ്റുകളുടെ എണ്ണം എന്നിവ ശ്വാസകോശ അർബുദ സാധ്യതയെ സ്വാധീനിക്കുന്നു. 94 ശതമാനം ശ്വാസകോശ അർബുദം വികസിപ്പിക്കുന്നതിന് പുകവലി കാരണമാകുന്നു. പുകവലിക്കാരിൽ ശ്വാസകോശാർബുദ സാധ്യത പുകവലിക്കാത്തവരേക്കാൾ 24 മുതൽ 36 മടങ്ങ് വരെ കൂടുതലാണ്.
ഓരോ വർഷവും 1.6 ദശലക്ഷം ആളുകൾ ഇപ്പോഴും ശ്വാസകോശ അർബുദം മൂലം മരിക്കുന്നതായി അമേരിക്കൻ ലംഗ് അസോസിയേഷൻ വ്യക്തമാക്കുന്നു. ഇത് യുഎസിലെ മറ്റ് ശ്വാസകോശ രോഗങ്ങളായ ക്രോണിക് ഒബ്‌സ്ട്രക്റ്റീവ് പൾമണറി ഡിസീസ് (സി‌ഒ‌പി‌ഡി) പോലെയുള്ള ക്യാൻസർ കൊലയാളികളിൽ ഒന്നാം സ്ഥാനത്താണ്. ഇത് ഓരോ വർഷവും 3 ദശലക്ഷം ആളുകളെ കൊല്ലുന്നു. സിഡിസി പ്രകാരം 13 പേരിൽ ഒരാൾ ആസ്ത്മ അനുഭവിക്കുന്നു.
' ഹൃദയാരോഗ്യത്തിന് പ്രധാന്യം നൽകുന്നത് പോലെ ശ്വാസകോശാരോഗ്യത്തിനും പ്രധാന്യം നൽകുക. ശ്വാസകോശ രോഗങ്ങളായ ന്യുമോണിയ, ക്ഷയം, ആസ്ത്മ, COPD (ക്രോണിക് ഒബ്‌സ്ട്രക്റ്റീവ് പൾമണറി ഡിസീസ്), ശ്വാസകോശ അർബുദം എന്നിവയെക്കുറിച്ച് അവബോധം സൃഷ്ടിക്കേണ്ടതിന്റെ പ്രാധാന്യം ഞങ്ങൾ തിരിച്ചറിഞ്ഞു, കൂടാതെ ശ്വാസകോശാരോഗ്യത്തിന്റെ മൊത്തത്തിലുള്ള പ്രാധാന്യത്തിലും ശ്രദ്ധ കേന്ദ്രീകരിക്കുന്നു...' - ആസ്ത്മ ചെസ്റ്റ് ആന്റ് അലർജി സെന്ററിലെ ഡോ വിക്രം ജഗ്ഗി പറഞ്ഞു.
Read more പ്രോസ്റ്റേറ്റ് ക്യാൻസർ ; പ്രധാനപ്പെട്ട ലക്ഷണങ്ങൾ
