പരീക്ഷ എഴുതുന്നതിനിടെ ഹാളിൽവച്ച് ഗോപി നിലത്തേക്ക് വീഴുകയായിരുന്നു. ടീച്ചറും കുട്ടികളും എത്ര വിളിച്ചിട്ടും എഴുന്നേൽക്കാത്തതിനെ തുടർന്ന് ഗോപിയെ അടുത്തുള്ള ആശുപത്രിയിൽ പ്രവേശിപ്പിച്ചു. എന്നാൽ ആശുപത്രിയിൽ എത്തിക്കുന്നതിന് മുമ്പ് തന്നെ ഗോപി മരിച്ചിരുന്നു
ഹൈദരാബാദ്: പന്ത്രണ്ടാം ക്ലാസ് വാർഷിക പരീക്ഷ എഴുത്തുന്നതിനിടെ വിദ്യാർഥി പരീക്ഷ ഹാളിൽ കുഴഞ്ഞ് വീണ് മരിച്ചു. സെക്കന്തരാബാദിലെ യെല്ലറെഡിഗുഡ ഗവൺമെന്റ് ജൂനിയർ കോളേജിൽ പഠിക്കുന്ന ഗോപി രാജു (16) എന്ന വിദ്യാർഥിയാണ് മരിച്ചത്. ശനിയാഴ്ചയാണ് സംഭവം.
സെക്കന്തരബാദിലെ ശ്രീ ചൈതന്യ കോളേജ് ആയിരുന്നു ഗോപിയുടെ പരീക്ഷ സെന്റർ. പരീക്ഷ എഴുതുന്നതിനിടെ ഹാളിൽവച്ച് ഗോപി നിലത്തേക്ക് വീഴുകയായിരുന്നു. ടീച്ചറും കുട്ടികളും എത്ര വിളിച്ചിട്ടും എഴുന്നേൽക്കാത്തതിനെ തുടർന്ന് ഗോപിയെ അടുത്തുള്ള ആശുപത്രിയിൽ പ്രവേശിപ്പിച്ചു. എന്നാൽ ആശുപത്രിയിൽ എത്തിക്കുന്നതിന് മുമ്പ് തന്നെ ഗോപി മരിച്ചിരുന്നു. ഹൃദയാഘാതം മൂലമായിരിക്കാം വിദ്യാർഥി മരിച്ചതെന്നാണ് ഡോകടർമാരുടെ പ്രാഥമിക നിഗമനം.
