Asianet News MalayalamAsianet News Malayalam

അമിതാഭിനും അഭിഷേകിനും പിന്നാലെ ഐശ്വര്യയ്ക്കും മകൾ ആരാധ്യക്കും കൊവിഡ് സ്ഥിരീകരിച്ചു

കൊവിഡ് സ്ഥിരീകരിച്ചതോടെ അമിതാഭ് ബച്ചനെയും അഭിഷേക് ബച്ചനെയും ജുഹുവിലെ വീട്ടിൽ നിന്ന് അടുത്തുള്ള നാനാവതി ആശുപത്രിയിലേക്ക് മാറ്റിയിരുന്നു. ഇതിന് പിന്നാലെയാണ് ബച്ചൻ കുടുംബത്തിലെ രണ്ട് പേർക്ക് കൂടി രോഗം സ്ഥിരീകരിക്കുന്നത്. 

Aishwarya Rai Bacchan and Daughter Aaradhya Bacchan also test positive for Covid
Author
Mumbai, First Published Jul 12, 2020, 2:57 PM IST

മുബൈ: നടി ഐശ്വര്യ റായ് ബച്ചനും മകൾ ആരാധ്യക്കും കൊവിഡ് 19 സ്ഥിരീകരിച്ചു. നേരത്തെ ഐശ്വര്യയുടെ ഭർത്താവ് അഭിഷേക് ബച്ചനും, അഭിഷേകിൻ്റെ പിതാവ് അമിതാഭ് ബച്ചനും കൊവിഡ് സ്ഥിരീകരിച്ചിരുന്നു. കൊവിഡ് സ്ഥിരീകരിച്ചതോടെ അമിതാഭ് ബച്ചനെയും അഭിഷേക് ബച്ചനെയും ജുഹുവിലെ വീട്ടിൽ നിന്ന് അടുത്തുള്ള നാനാവതി ആശുപത്രിയിലേക്ക് മാറ്റിയിരുന്നു.

ഇരുവർക്കും കാര്യമായ രോഗലക്ഷണങ്ങളില്ലെന്ന് മഹാരാഷ്ട്ര ആരോഗ്യമന്ത്രി രാജേഷ് തോപ്പെ അറിയിച്ചിരുന്നു. ബച്ചനും മകനും കൊവിഡ് സ്ഥിരീകരിച്ചതിന് പിന്നാലെ കുടുംബാംഗങ്ങളും ജീവനക്കാരും പരിശോധനയ്ക്ക് വിധേയരായിരുന്നു. മാർച്ച് 25 മുതൽ ജുഹുവിലെ വീട്ടിൽ തന്നെയായിരുന്നു അമിതാഭ് ബച്ചൻ. കോൻ ബനേഗാ കരോട്പതി അടക്കം തൻ്റെ ചില ടെലിവിഷൻ ഷോയുടെ പ്രചാരണ വീഡിയോകൾ കഴിഞ്ഞ ദിവസങ്ങളിൽ ബച്ചൻ ഷൂട്ട് ചെയ്തിരുന്നു. ചാനൽ സംഘാംഗങ്ങൾ വീട്ടിലെത്തിയായിരുന്നു ഷൂട്ടിംഗ്. ഇവരിൽ നിന്നാവാം രോഗബാധയുണ്ടായതെന്നാണ് സൂചന. 

Also Read: കൊവിഡ് പോസിറ്റീവ്: 'ആരും പരിഭ്രാന്തരാകേണ്ട'; ആരാധകരോട് അഭ്യർത്ഥിച്ച് അഭിഷേക് ബച്ചന്റെ ഇൻസ്റ്റ​ഗ്രാം ...
 

Follow Us:
Download App:
  • android
  • ios