മലയാളികൾ സഞ്ചരിച്ച ബസ് തമിഴ്നാട്ടിൽ അപകടത്തിൽപ്പെട്ടു, മൂന്ന് പേർക്ക് ഗുരുതര പരിക്ക്
ബസിലുണ്ടായിരുന്ന നാല് പേരും നഴ്സിംഗ് വിദ്യാർത്ഥികളാണ്.
ചെന്നൈ: ബെംഗളൂരിൽ കുടുങ്ങിയ മലയാളികളുമായി കേരളത്തിലേക്ക് സഞ്ചരിച്ച മിനി ബസ് തമിഴ്നാട്ടിലെ കാരൂരിൽ അപകടത്തിൽപ്പെട്ടു. എതിർദിശയിൽ വന്ന ലോറിയുമായി കാരൂരിൽ വച്ച് മിനി ബസ് കൂട്ടിയിടിക്കുകയായിരുന്നു.
ബസിലുണ്ടായിരുന്നവർ ബെംഗളൂരുവിലെ നഴ്സിംഗ്, ഐടി വിദ്യാർത്ഥികളാണ്. അപകടത്തിൽ പരിക്കേറ്റ മൂന്ന് പേരുടെ നില ഗുരുതരമാണ്. ഇവരെല്ലാം കോട്ടയം സ്വദേശികളാണെന്നും മറ്റു വഴികളില്ലാത്തതിനാൽ മിനി ബസ് സംഘടിപ്പിച്ച് നാട്ടിലേക്ക് പോകുകയായിരുന്നുവെന്നുമാണ് ലഭിക്കുന്ന വിവരം.
ഇവർക്കെല്ലാം ഇന്ന് കേരള അതിർത്തി കിടക്കാനുള്ള പാസ് ലഭിച്ചിരുന്നു. ഗുരുതരമായി പരിക്കേറ്റ ബസ് ഡ്രൈവറെ കോയമ്പത്തൂർ സർക്കാർ ആശുപത്രിയിലേക്ക് മാറ്റിയിട്ടുണ്ട്. ഇയാൾ തൃശ്ശൂർ സ്വദേശിയാണ്.