Asianet News MalayalamAsianet News Malayalam

പ്രവേശനം നിഷേധിച്ചു; മുതിർന്ന പൊലീസ് ഉദ്യോ​ഗസ്ഥനെ കയ്യേറ്റം ചെയ്ത് കോൺ​ഗ്രസ് നേതാവ്- വീഡിയോ

മധ്യപ്ര​ദേശ് പിഡെബ്ല്യുഡി മന്ത്രി സജ്ജൻ സിം​ഗ് വർമ്മയുടെ പത്രസമ്മേളനത്തിൽ പങ്കെടുക്കാനെത്തിയ കോൺ​ഗ്രസ് വക്താവ്  സണ്ണി രാജ്പാലാണ് പ്രവേശനം നിഷേധിച്ചതിനെ തുടർന്ന് പൊലീസ് ഉദ്യോ​ഗസ്ഥനോട് അപമര്യാദയായി പെരുമാറിയത്.

Congress Spokesperson Sunny Rajpal misbehaves with Police Officer
Author
Bhopal, First Published Jun 17, 2019, 4:57 PM IST

ഭോപ്പാൽ: പത്രസമ്മേളനത്തിൽ പങ്കെടുക്കാൻ പ്രവേശനം നിഷേധിച്ചതിനെ തു‍ടർന്ന് മുതിർന്ന പൊലീസ് ഉദ്യോ​ഗസ്ഥനെ കയ്യേറ്റം ചെയ്ത് കോൺ​ഗ്രസ് നേതാവ്. മധ്യപ്ര​ദേശ് പിഡെബ്ല്യുഡി മന്ത്രി സജ്ജൻ സിം​ഗ് വർമ്മയുടെ പത്രസമ്മേളനത്തിൽ പങ്കെടുക്കാനെത്തിയ കോൺ​ഗ്രസ് വക്താവ്  സണ്ണി രാജ്പാലാണ് പ്രവേശനം നിഷേധിച്ചതിനെ തുടർന്ന് പൊലീസ് ഉദ്യോ​ഗസ്ഥനോട് അപമര്യാദയായി പെരുമാറിയത്.

മധ്യപ്രദേശിലെ ഇൻഡോറിലാണ് സംഭവം. സണ്ണി രാജ്പാൽ ഡ്യൂട്ടിയിലുണ്ടായിരുന്ന പൊലീസ് ഉദ്യോ​ഗസ്ഥനോട് അപമര്യാദയായി പെരുമാറുന്നതിന്റേയും ഉദ്യോ​ഗസ്ഥനെ ബലംപ്രയോ​ഗിച്ച് തള്ളുകയും ചെയ്യുന്നതിന്റേയും ദൃശ്യങ്ങൾ‌ പത്രസമ്മേളനം റിപ്പോർ‌ട്ട് ചെയ്യാനെത്തിയ മാധ്യമപ്രവർത്തകരുടെ ക്യാമറയിൽ പതിഞ്ഞിട്ടുണ്ട്.

പത്രം സമ്മേളനം നടക്കുന്ന ഹാളിലേക്ക് കടത്തിവിടാൻ സാധിക്കില്ലെന്ന് സണ്ണി രാജ്പാലിനെ പൊലീസ് അറിയിച്ചു. എന്നാൽ താൻ ഈ ഏരിയയിലെ കോൺ​ഗ്രസ് വക്താനാണെന്ന് പറഞ്ഞ് രാജ്പാല്‍ ഉദ്യോ​ഗസ്ഥനെ പിന്നോട്ടേക്ക് തള്ളുകയും ബലംപ്രയോഗിച്ച് ഹാളിലേക്ക് കടക്കുകയുമായിരുന്നു. ഹാളിലേക്ക് പ്രവേശിക്കരുതെന്ന് സണ്ണി രാജ്പാലിനോട് പലപ്രാവശ്യം ഉദ്യോ​ഗസ്ഥർ പറഞ്ഞെങ്കിലും അതെല്ലാം നിഷേധിച്ചാണ് അദ്ദേഹം ഹാളിലേക്ക് തള്ളിക്കയറിയത്.

Follow Us:
Download App:
  • android
  • ios