കൊവിഡ് ഇന്ത്യയെ കീഴടക്കുമ്പോള് അഞ്ച് സംസ്ഥാനങ്ങള്ക്ക് കേന്ദ്രം ജാഗ്രതാ നിര്ദ്ദേശം നല്കി. മഹാരാഷ്ട്ര, തമിഴ്നാട്, ദില്ലി, രാജസ്ഥാന്, ഉത്തര്പ്രദേശ് എന്നീ സംസ്ഥാനങ്ങള്ക്കാണ് നിര്ദ്ദേശം നല്കിയിരിക്കുന്നത്.
ദില്ലി: കര്ഫ്യൂ കര്ശനമായി പാലിക്കാന് സംസ്ഥാനങ്ങള്ക്ക് കേന്ദ്ര ആഭ്യന്തര സെക്രട്ടറിയുടെ കത്ത്. രാത്രി ഒന്പതിനും രാവിലെ അഞ്ചിനും ഇടയില് ആള്ക്കൂട്ടം പാടില്ലെന്നാണ് നിര്ദേശം. സാമൂഹിക അകലം പാലിക്കണമെന്നും സംസ്ഥാനങ്ങള്ക്ക് അയച്ച കത്തിലുണ്ട്. കൊവിഡ് ഇന്ത്യയെ കീഴടക്കുമ്പോള് അഞ്ച് സംസ്ഥാനങ്ങള്ക്ക് കേന്ദ്രം ജാഗ്രതാ നിര്ദ്ദേശം നല്കി. മഹാരാഷ്ട്ര, തമിഴ്നാട്, ദില്ലി, രാജസ്ഥാന്, ഉത്തര്പ്രദേശ് എന്നീ സംസ്ഥാനങ്ങള്ക്കാണ് നിര്ദ്ദേശം നല്കിയിരിക്കുന്നത്. ഈ സംസ്ഥാനങ്ങളിലെ മരണ നിരക്ക് ദേശീയ ശരാശരിയേക്കാള് മുകളിലാണ്.
അതേസമയം മഹാരാഷ്ട്രയിൽ ലോക്ക് ഡൗൺ വീണ്ടും നടപ്പാക്കില്ലെന്ന് മുഖ്യമന്ത്രി ഉദ്ദവ് താക്കറെ പറഞ്ഞു. ജനങ്ങൾ സഹകരിച്ചില്ലെങ്കിൽ ഇളവുകൾ അവസാനിപ്പിച്ച് ലോക്ക് ഡൗൺ കർശനമാക്കേണ്ടി വരുമെന്ന് കഴിഞ്ഞ ദിവസം ഉദ്ദവ് പറഞ്ഞിരുന്നു. ഈ നിലപാടിൽ നിന്നാണ് സർക്കാർ പിന്നോട്ട് പോയത് . ജനങ്ങൾ സാമൂഹ്യ അകലം പാലിച്ച് സർക്കാരിന്റെ നിർദ്ദേശങ്ങൾ അനുസരിക്കണമെന്നും അദ്ദേഹം ആവശ്യപ്പെട്ടു.
ദില്ലിയിലും ലോക്ക് ഡൗണ് നീട്ടില്ലെന്ന് അധികൃതര് അറിയിച്ചു. കൊവിഡ് കേസുകള് വര്ധിക്കുന്നതിനാല് ദില്ലിയില് വീണ്ടും ലോക്ക് ഡൗണ് ഉണ്ടാവുമെന്ന ഊഹാപോഹം പരക്കുന്നതിനിടെയാണ് ആരോഗ്യമന്ത്രി കാര്യങ്ങള് വ്യക്തമാക്കിയത്.
തമിഴ്നാട്ടിലും ചെന്നൈയിലും മറ്റ് ജില്ലകളിലും അടുത്ത 15 ദിവസത്തേക്ക് വീണ്ടും കര്ശന നിയന്ത്രണങ്ങളോടെ ലോക്ക് ഡൗണ് പ്രഖ്യാപിക്കുമെന്ന വ്യാജപ്രചാരണത്തെ മുഖ്യമന്ത്രി പളനിസ്വാമി തള്ളി. വ്യാജ പ്രസ്താവനകള് നടത്തുന്നവര്ക്കെതിരെ നിയമനടപടി സ്വീകരിക്കുമെന്നും പളനിസ്വാമി പറഞ്ഞു.
