ദില്ലി ഉപമുഖ്യമന്ത്രിക്ക് കൊവിഡ്; ആരോഗ്യസ്ഥിതി തൃപ്തികരമെന്ന് ട്വീറ്റ്
ഞായറാഴ്ച രാത്രി നേരിയ പനി അനുഭവപ്പെട്ടതിനെത്തുടർന്ന് സിസോദിയ കൊവിഡ് ടെസ്റ്റിന് വിധേയനാകുകയായിരുന്നു. ആരോഗ്യസ്ഥിതി തൃപ്തികരമാണെന്നും ആശങ്കപ്പെടേണ്ടതായി യാതൊന്നും ഇല്ലെന്നും അദ്ദേഹം ട്വിറ്ററിൽ കുറിച്ചു.
ദില്ലി: ദില്ലി ഉപമുഖ്യമന്ത്രി മനീഷ് സിസോദിയയ്ക്ക് കൊവിഡ് 19 സ്ഥിരീകരിച്ചു. ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്.
ഞായറാഴ്ച രാത്രി നേരിയ പനി അനുഭവപ്പെട്ടതിനെത്തുടർന്ന് സിസോദിയ കൊവിഡ് ടെസ്റ്റിന് വിധേയനാകുകയായിരുന്നു. ആരോഗ്യസ്ഥിതി തൃപ്തികരമാണെന്നും ആശങ്കപ്പെടേണ്ടതായി യാതൊന്നും ഇല്ലെന്നും അദ്ദേഹം ട്വിറ്ററിൽ കുറിച്ചു. ഇപ്പോൾ പനിയോ മറ്റെന്തെങ്കിലും ബുദ്ധിമുട്ടുകളോ ഇല്ല. ഞാൻ ആരോഗ്യവാനാണ്. നിങ്ങളുടെ പ്രാർഥനയും അനുഗ്രഹങ്ങളും ഉള്ളതിനാൽ എത്രയും വേഗം ജോലിയിലേക്ക് മടങ്ങിയെത്തും. സിസോദിയ ട്വിറ്ററിൽ കുറിച്ചു.
ദില്ലിയിൽ ഇന്ന് 3229 പുതിയ കൊവിഡ് കേസുകളാണ് റിപ്പോർട്ട് ചെയ്തത്. ആകെ രോഗബാധിതരുടെ എണ്ണം 2.21 ലക്ഷം കടന്നിട്ടുണ്ട്. 24 മണിക്കൂറിനിടെ 24 പേർ കൂടി മരിച്ചതോടെ ആകെ കൊവിഡ് മരണം 4770 ആയി.
Read Also: തദ്ദേശഭരണ തെരഞ്ഞെടുപ്പ് തീയതികളിൽ മാറ്റം വേണം; തെരഞ്ഞെടുപ്പ് കമ്മീഷനോട് സർക്കാർ...
