'14 കോടി രൂപയിലേറെ സ്വത്തുക്കള്‍'; വിജയ് മല്യയുടെ ഫ്രാന്‍സിലെ ആസ്‍തികള്‍ ഇഡി കണ്ടുകെട്ടി
വിജയ് മല്യയെ വിദേശത്ത് നിന്നും തിരികെ എത്തിക്കാനുള്ള രഹസ്യ നടപടികള്‍ പുരോഗമിക്കുകയാണെന്ന് കേന്ദ്ര സര്‍ക്കാര്‍ സുപ്രീംകോടതിയെ അറിയിച്ചിരുന്നു. ബ്രിട്ടനിലാണ് വിജയ് മല്യ ഉള്ളത്.
പാരിസ്: വായ്‍പാ തട്ടിപ്പ് നടത്തി ബ്രിട്ടണിലേക്ക് മുങ്ങിയ വിവാദ വ്യവസായി വിജയ് മല്യയുടെ ഫ്രാന്‍സിലെ ആസ്‍തികള്‍ ഇഡി കണ്ടുകെട്ടി. പതിനാല് കോടി രൂപയിലേറെ വിലമതിക്കുന്ന സ്വത്തുക്കളാണ് ഇഡി കണ്ടുകെട്ടിയത്. ഇഡിയുടെ അഭ്യര്‍ത്ഥന പ്രകാരം ഫ്രാന്‍സ് അധികൃതർ സ്വത്തുക്കള്‍ പിടിച്ചെടുക്കുകയായിരുന്നു.
കിങ് ഫിഷറിന്‍റെ ബാങ്ക് അക്കൗണ്ടില്‍ നിന്ന് വൻ തുക വിദേശത്തേക്ക് കടത്തിയതായി കള്ളപ്പണം വെളുപ്പിക്കല്‍ നിരോധന നിയമപ്രകാരം കണ്ടെത്തിയെന്ന് ഇഡി അറിയിച്ചു. വിജയ് മല്യയെ വിദേശത്ത് നിന്നും തിരികെ എത്തിക്കാനുള്ള രഹസ്യ നടപടികള്‍ പുരോഗമിക്കുകയാണെന്ന് കേന്ദ്ര സര്‍ക്കാര്‍ സുപ്രീംകോടതിയെ അറിയിച്ചിരുന്നു. ബ്രിട്ടനിലാണ് വിജയ് മല്യ ഉള്ളത്.
