ലോഹാഗഡ് കോട്ടയിൽനിന്ന് പ്രതിശ്രുത വധു തള്ളിയിട്ട് കൊലപ്പെടുത്തിയ പൂനെയിലെ യുവവ്യവസായി കേതൻ അഗർവാളിന്റെ മുത്തച്ഛൻ അന്തരിച്ചു. ഹൃദയാഘാതത്തെത്തുടർന്നായിരുന്നു മരണമെന്ന് ബന്ധുക്കൾ അറിയിച്ചു.
മുംബൈ: ലോഹാഗഡ് കോട്ടയിൽനിന്ന് പ്രതിശ്രുത വധു തള്ളിയിട്ട് കൊലപ്പെടുത്തിയ പൂനെയിലെ യുവവ്യവസായി കേതൻ അഗർവാളിന്റെ മുത്തച്ഛൻ അന്തരിച്ചു. പൂനെയിൽ താമസിക്കുന്ന ദേവിചന്ദ് അഗർവാൾ(71) ആണ് ശനിയാഴ്ച രാത്രി അന്തരിച്ചത്. ഹൃദയാഘാതത്തെത്തുടർന്നായിരുന്നു മരണമെന്ന് ബന്ധുക്കൾ അറിയിച്ചു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
കേതന്റെ മരണവാർത്തയറിഞ്ഞതോടെ മുത്തച്ഛൻ അതീവ ദുഃഖിതനായിരുന്നുവെന്നും ഇതിനുശേഷമാണ് അവശനിലയിലായതെന്നുമാണ് ബന്ധുക്കൾ പറയുന്നത്.
ജൂൺ 18-നാണ് ലോഹാഗഡ് കോട്ടയിൽനിന്ന് വീണ് കേതൻ അഗർവാൾ മരിച്ചത്. എന്നാൽ, സംഭവം കൊലപാതകമാണെന്ന് പിന്നീട് തെളിയുകയായിരുന്നു. കേതൻ അഗർവാളിനെ കൊലപ്പെടുത്തിയ പ്രതിശ്രുത വധു സിയ ഗോയലിനെയും കാമുകൻ ചേതൻ ചൗധരിയെയും പൊലീസ് അറസ്റ്റ്ചെയ്തിരുന്നു.
