ഓൺലൈനായാണ് ബുക്ക് ചെയ്യുന്നതെന്ന് റെയിൽവേ മന്ത്രി അറിയിച്ചു. ഉപയോക്താക്കൾക്ക് സുരക്ഷിതവും തടസ്സമില്ലാത്തതുമായ ബുക്കിംഗ് അനുഭവം ഉറപ്പാക്കാൻ റെയിൽവേ വിവിധ സാങ്കേതിക, ഭരണപരമായ നടപടികൾ സ്വീകരിച്ചിട്ടുണ്ട്.
ദില്ലി: ഇന്ത്യൻ റെയിൽവേയിൽ റിസർവ് ചെയ്ത ടിക്കറ്റുകളിൽ 87 ശതമാനത്തിലധികം ഇപ്പോൾ ഓൺലൈൻ വഴിയാണ് ബുക്ക് ചെയ്യുന്നതെന്ന് റെയിൽവേ മന്ത്രി അശ്വിനി വൈഷ്ണവ് ലോക്സഭയിൽ അറിയിച്ചു. യാത്രക്കാർക്കുള്ള ടിക്കറ്റ് ബുക്കിംഗ് അനുഭവം ആധുനികവൽക്കരിക്കുന്നതിനും ലളിതമാക്കുന്നതിനും വേണ്ടി ഇന്ത്യൻ റെയിൽവേ നിരവധി നടപടികൾ സ്വീകരിച്ചിട്ടുണ്ട്.
ലളിതമായ പ്രക്രിയകൾ കാരണം, മിക്ക യാത്രക്കാരും ഇപ്പോൾ റെയിൽവേ സ്റ്റേഷനുകളിലെ പി.ആർ.എസ്. കൗണ്ടറുകളെ ആശ്രയിക്കുന്നതിന് പകരം ഐ.ആർ.സി.ടി.സി. വഴി ഓൺലൈനായി ടിക്കറ്റുകൾ ബുക്ക് ചെയ്യാൻ ഇഷ്ടപ്പെടുന്നു. "ഇന്ത്യൻ റെയിൽവേയിൽ ബുക്ക് ചെയ്യുന്ന മൊത്തം റിസർവ്ഡ് ടിക്കറ്റുകളുടെ 87 ശതമാനത്തിൽ അധികമായി ഇ-ടിക്കറ്റിംഗിൻ്റെ പങ്ക് വർധിച്ചു," എന്ന് ഡിസംബർ 3, 2025-ന് ലോക്സഭയിൽ രേഖാമൂലം നൽകിയ മറുപടിയിൽ റെയിൽവേ മന്ത്രി അശ്വിനി വൈഷ്ണവ് വ്യക്തമാക്കി.
ഇടപാട് പരാജയപ്പെടുക, റീഫണ്ട് വൈകുക, ബുക്കിംഗ് പിശകുകൾ എന്നിവ സംബന്ധിച്ച് ചില പരാതികൾ ലഭിക്കുന്നുണ്ടെങ്കിലും, അവ വേഗത്തിൽ പരിഹരിക്കുന്നതിനായി റെയിൽവേ പതിവായി നിരീക്ഷിക്കുന്നുണ്ട്. യഥാർത്ഥ ഉപയോക്താക്കൾക്ക് സുരക്ഷിതവും തടസ്സമില്ലാത്തതുമായ ബുക്കിംഗ് ഉറപ്പാക്കുന്നതിനായി അഡ്മിനിസ്ട്രേറ്റീവ്, സാങ്കേതിക നടപടികൾ റെയിൽവേ സ്വീകരിച്ചിട്ടുണ്ട്. സംശയാസ്പദമായ യൂസർ ഐഡികൾ നിർജ്ജീവമാക്കൽ, വ്യാജമായി ബുക്ക് ചെയ്ത പി.എൻ.ആറുകൾക്കെതിരെ നാഷണൽ സൈബർ ക്രൈം പോർട്ടലിൽ പരാതി നൽകൽ, യൂസർ അക്കൗണ്ടുകൾ പുനഃസ്ഥാപിക്കൽ തുടങ്ങിയ നടപടികൾ ഇതിൽ ഉൾപ്പെടെയാണിത്.
Related Articles
മെച്ചപ്പെടുത്തിയ പരിശോധനകൾ, അഡ്വാൻസ്ഡ് കണ്ടൻ്റ് ഡെലിവറി നെറ്റ്വർക്കുകളുടെ വിന്യാസം, അത്യാധുനിക ആൻ്റി-ബോട്ട് സാങ്കേതികവിദ്യകൾ എന്നിവയും സിസ്റ്റം മെച്ചപ്പെടുത്തുന്നതിൻ്റെ ഭാഗമായി നടപ്പിലാക്കുന്നുണ്ട്. ഐ.ആർ.സി.ടി.സി. വെബ്സൈറ്റും മൊബൈൽ ആപ്പുകളും പ്രവർത്തിക്കുന്നത് എ.പി.ഐ. (API) അടിസ്ഥാനമാക്കിയുള്ള സാങ്കേതികവിദ്യയിലാണ്. ഇത് യൂസറുടെ ഉപകരണവും ഐ.ആർ.സി.ടി.സി. സെർവറുകളും തമ്മിൽ ഏറ്റവും കുറഞ്ഞ ടെക്സ്റ്റ് അടിസ്ഥാനമാക്കിയുള്ള ഡാറ്റാ കൈമാറ്റം മാത്രമേ ആവശ്യപ്പെടുന്നുള്ളൂ. ഗ്രാമീണ മേഖലകളിൽ പോലും കാര്യക്ഷമമായ ബുക്കിംഗ് ഉറപ്പാക്കാൻ ഇത് സഹായിക്കും. ഐ.ആർ.സി.ടി.സി.യുടെ സാങ്കേതിക അടിസ്ഥാന സൗകര്യങ്ങളുടെ ഓഡിറ്റിംഗും റെയിൽവേ മന്ത്രാലയം പതിവായി നടത്തുന്നുണ്ട്. സാമ്പത്തിക ലഭ്യതയും സാങ്കേതിക സാധ്യതയും അനുസരിച്ച് ശേഷി വർദ്ധിപ്പിക്കലും സാങ്കേതിക നവീകരണവും ഇന്ത്യൻ റെയിൽവേയിൽ നടന്നുകൊണ്ടിരിക്കുന്ന പ്രക്രിയയാണെന്നും മന്ത്രി കൂട്ടിച്ചേർത്തു.
