ഒരു പിറന്നാളാഘോഷത്തിനിടെ ഉണ്ടായ തമ്മിൽത്തല്ലിനിടെയാണ് കൊലപാതകം ഉണ്ടായത്. സംഭവത്തിൽ പ്രതികളായ ആറ് പേരെയും അറസ്റ്റ് ചെയ്തതായി നന്ദിനി ലേ ഔട്ട് പൊലീസ് പറഞ്ഞു.
ബെംഗളൂരു: കർണാടകത്തിലെ കോൺഗ്രസ് പ്രവർത്തകന്റെ കൊലപാതകം വ്യക്തി വൈരാഗ്യം മൂലമെന്ന് പൊലീസ്. ഒരു പിറന്നാളാഘോഷത്തിനിടെ ഉണ്ടായ തമ്മിൽത്തല്ലിനിടെയാണ് കൊലപാതകം ഉണ്ടായത്. സംഭവത്തിൽ പ്രതികളായ ആറ് പേരെയും അറസ്റ്റ് ചെയ്തതായി നന്ദിനി ലേ ഔട്ട് പൊലീസ് പറഞ്ഞു.
മെയ് 24-നാണ് ചാമുണ്ഡേശ്വരി നഗറിൽ രാത്രി രവി എന്ന കോൺഗ്രസ് പ്രവർത്തകനെ തർക്കത്തിനിടെ ഒരു സംഘം കല്ലുകൊണ്ട് തലയ്ക്കടിച്ച് കൊന്നത്. കൊലപാതകം നടത്തിയ മഞ്ജ, സ്പോട്ട് നാഗ, ഗോപി എന്നിവരെയും സംഘത്തിലുണ്ടായിരുന്ന മറ്റ് മൂന്ന് പേരെയുമാണ് അറസ്റ്റ് ചെയ്തത്.
