വടക്കു കിഴക്കൻ സംസ്ഥാനങ്ങളിൽ പ്രളയക്കെടുതി രൂക്ഷമാകുന്നു
ഇരു സംസ്ഥാനങ്ങളിലെയും സാഹചര്യം കണക്കിലെടുത്ത് വ്യോമസേനക്ക് അടിയന്തര സാഹചര്യം നേരിടാൻ തയ്യാറാകാൻ നിർദ്ദേശം നൽകി.
ഗുവഹത്തി: വടക്കു കിഴക്കൻ സംസ്ഥാനങ്ങളിൽ പ്രളയക്കെടുതി രൂക്ഷമാകുന്നു. അസമിൽ കൂടുതൽ മേഖലകളിലേക്ക് പ്രളയം വ്യാപിക്കുകയാണ്. സർക്കാർ കണക്കുകൾ പ്രകാരം 70 ലക്ഷം ആളുകൾ പ്രളയക്കെടുതിയിലാണ്. 87 പേർ മരിച്ചു. വരുന്ന രണ്ട് ദിവസങ്ങളിൽ മഴ കൂടുതൽ ശക്തമാകുമെന്നാണ് മുന്നിറിയിപ്പ്.
മേഘാലയിൽ ഇതുവരെ 5 പേരാണ് പ്രളയത്തിൽ മരിച്ചത്. ഒരു ലക്ഷം ആളുകൾ പ്രളയക്കെടുതിയിലാണ്. ഇരു സംസ്ഥാനങ്ങളിലെയും സാഹചര്യം കണക്കിലെടുത്ത് വ്യോമസേനക്ക് അടിയന്തര സാഹചര്യം നേരിടാൻ തയ്യാറാകാൻ നിർദ്ദേശം നൽകി. ബിഹാർ ഉൾപ്പെടെ ഉത്തരേന്ത്യൻ സംസ്ഥാനങ്ങളിൽ രണ്ടു ദിവസം കൂടി മഴ തുടരും.
Last Updated Jul 22, 2020, 7:13 AM IST
