ബസ് പുറകിലേക്ക് എടുക്കുന്നതിനിടെ ഡിപ്പോയുടെ മതിൽ ഇടിച്ച് തകർക്കുകയായിരുന്നു. മതിൽ പൊളിഞ്ഞ് കുട്ടിയുടെ മുകളിലേക്ക് വീണു
മുംബൈ: മഹാരാഷ്ട്രയിലെ പാൽഘറിൽ ബസ് ഇടിച്ച് തകർന്ന മതിലിനടിയിൽപ്പെട്ട് പതിനൊന്നുകാരൻ മരിച്ചു. ജവഹർ ബസ് ഡിപ്പോയിൽ ആണ് സംഭവം. ബസ് പുറകിലേക്ക് എടുക്കുന്നതിനിടെ മതിലിൽ ഇടിക്കുകയായിരുന്നു. മതിൽ പൊളിഞ്ഞ് കുട്ടിയുടെ മുകളിലേക്ക് വീണു. ഗുജറാത്തിലെ രാജ്ക്കോട്ടിൽ നിന്ന് ബന്ധുക്കളെ കാണാൻ വന്നതായിരുന്നു മരിച്ച കുട്ടി. ഒപ്പം ഉണ്ടായിരുന്ന പതിനഞ്ചുകാരനും പരിക്കേറ്റു. അപകടത്തിന്റെ സിസിടിവി ദൃശ്യങ്ങൾ പുറത്തു വന്നിട്ടുണ്ട്. സംഭവത്തിൽ പൊലീസ് കേസെടുത്തു.
