കേരളത്തിന് 15236 കോടി നികുതി വിഹിതം: കൊച്ചിന് ഷിപ്പ്യാര്ഡിന് 650 കോടി
കൊച്ചി: യൂണിയന് ബജറ്റില് കേരളത്തിന് നികുതി വിഹിതമായി വകയിരുത്തിയത് 15236.64 കോടി രൂപ. കൊച്ചിന് പോര്ട്ട് ട്രസ്റ്റിന് 26.28 കോടി രൂപയും കൊച്ചിന് ഷിപ്പ്യാര്ഡിന് 650 കോടി രൂപയും വകയിരുത്തി.
കോഫി ബോര്ഡിന് 225 കോടി രൂപയും റബര് ബോര്ഡിന് 221.34 കോടി രൂപയും തേയില ബോര്ഡിന് 200 കോടിയും സുഗന്ധവിള ബോര്ഡിന് 120 കോടിയും വകയിരുത്തി. കശുവണ്ടി കയറ്റുമതിക്കും വികസനത്തിനുമായി 10 കോടി മാറ്റി വച്ചു. തോട്ടം മേഖലയ്ക്കായി 681.74 കോടി രൂപയും വകയിരുത്തി. മത്സ്യബന്ധനമേഖലയ്ക്ക് 218.40 കോടി മാറ്റിവച്ചിട്ടുണ്ട്.
