മാഹിയില് നിന്നും 22 ലിറ്റര് മദ്യവുമായി സഞ്ചരിച്ച യുവാക്കളെ പൊലീസ് പിടികൂടി. കോഴിക്കോട് ചേളന്നൂര് സ്വദേശികളായ എ ജ്യോതിഷ് ബാബു(30), ഡി പി നിധിന്(34) എന്നിവരെയാണ് നാദാപുരം പൊലീസ് പിടികൂടിയത്
കോഴിക്കോട്: മാഹിയില് നിന്നും 22 ലിറ്റര് മദ്യവുമായി സഞ്ചരിച്ച യുവാക്കളെ പൊലീസ് പിടികൂടി. കോഴിക്കോട് ചേളന്നൂര് സ്വദേശികളായ എ ജ്യോതിഷ് ബാബു(30), ഡി പി നിധിന്(34) എന്നിവരെയാണ് നാദാപുരം പൊലീസ് പിടികൂടിയത്. സുഹൃത്തിന്റെ വിവാഹം ആഘോഷിക്കാനായാണ് ഇവര് മദ്യം വാങ്ങുന്നതിനായി മാഹിയില് എത്തിയത്. എന്നാല് മദ്യം വാങ്ങി തിരിച്ചുവരുന്നതിനിടെ തൂണേരി ബ്ലോക്ക് ഓഫീസിനടുത്ത് സംസ്ഥാന പാതയില് പൊലീസ് നടത്തിയ വാഹന പരിശോധനയില് ഇരുവരും കുടങ്ങുകയായിരുന്നു. 22 ലിറ്റര് മാഹി മദ്യവും സഞ്ചരിച്ച സ്കൂട്ടറും പൊലീസ് കസ്റ്റഡിയില് എടുത്തിട്ടുണ്ട്. 750മില്ലി ലിറ്ററിന്റെ 12 കുപ്പികളും അര ലിറ്ററിന്റെ 26 കുപ്പികളുമാണ് സ്കൂട്ടറില് ഉണ്ടായിരുന്നത്. കോടതിയില് ഹാജരാക്കിയ ഇരുവരെയും റിമാന്റ് ചെയ്തു.
