തലസ്ഥാനത്ത് 281 പേര്‍ക്ക് കൊവിഡ് മുക്തി; 292 പുതിയ രോഗികള്‍, അഞ്ച് ജില്ലകളിൽ രോഗബാധ നൂറ് കടന്ന ദിവസം
അഞ്ച് ജില്ലകളിൽ രോഗബാധ നൂറ് കടന്ന ദിവസം കൂടിയാണ് ഇന്ന്. തിരുവനന്തപുരത്തെ കൂടാതെ മലപ്പുറം, കോട്ടയം, ആലപ്പുഴ, കൊല്ലം എന്നീ ജില്ലകളിലാണ് ഇന്നും രോഗികൾ നൂറ് കടന്നത്.
തിരുവനന്തപുരം: സംസ്ഥാനത്ത് കൊവിഡ് സ്ഥിരീകരിച്ച 1211 പേരിൽ ഏറ്റവും കൂടുതൽ രോഗബാധിതര്‍ ഇന്നും തിരുവനന്തപുരം ജില്ലയിൽ. 292 പേർക്കാണ് ഇന്ന് ജില്ലയിൽ രോഗബാധയുണ്ടായത്. 281 പേര്‍ കൊവിഡ് മുക്തിയും നേടി. അഞ്ച് ജില്ലകളിൽ രോഗബാധ നൂറ് കടന്ന ദിവസം കൂടിയാണ് ഇന്ന്. തിരുവനന്തപുരത്തെ കൂടാതെ മലപ്പുറം, കോട്ടയം, ആലപ്പുഴ, കൊല്ലം എന്നീ ജില്ലകളിലാണ് ഇന്നും രോഗികൾ നൂറ് കടന്നത്.
മലപ്പുറം ജില്ലയില്‍ നിന്നുള്ള 170 പേര്‍ക്കും, കോട്ടയം ജില്ലയില്‍ നിന്നുള്ള 139 പേര്‍ക്കും, ആലപ്പുഴ ജില്ലയില്‍ നിന്നുള്ള 110 പേര്‍ക്കും, കൊല്ലം ജില്ലയില്‍ നിന്നുള്ള 106 പേർക്കുമാണ് കൊവിഡ് സ്ഥിരീകരിച്ചത്. പാലക്കാട് ജില്ല 78, കോഴിക്കോട് ജില്ല 69, കാസര്‍ഗോഡ് 56 , എറണാകുളം 54, കണ്ണൂര്‍ 41 , പത്തനംതിട്ട ജില്ല 30, വയനാട് 25, തൃശൂര് ജില്ല 24, ഇടുക്കി 17 എന്നിങ്ങനെയാണ് മറ്റ് ജില്ലകളിലെ കൊവിഡ് കണക്കുകൾ.
തിരുവനന്തപുരം ജില്ലയിലെ 281 പേര്‍ക്കും, മലപ്പുറം ജില്ലയിലെ 145 പേര്‍ക്കും, കോട്ടയം ജില്ലയിലെ 115 പേര്‍ക്കും, ആലപ്പുഴ ജില്ലയിലെ 99 പേര്‍ക്കും, കൊല്ലം ജില്ലയിലെ 88 പേര്‍ക്കും, കോഴിക്കോട് ജില്ലയിലെ 56 പേര്‍ക്കും, പാലക്കാട്, കാസര്‍ഗോഡ് ജില്ലകളിലെ 49 പേര്‍ക്ക് വീതവും, എറണാകുളം ജില്ലയിലെ 48 പേര്‍ക്കും, കണ്ണൂര്‍ ജില്ലയിലെ 28 പേര്‍ക്കും, വയനാട് ജില്ലയിലെ 24 പേര്‍ക്കും, തൃശൂര് ജില്ലയിലെ 17 പേര്‍ക്കും, ഇടുക്കി ജില്ലയിലെ 14 പേര്‍ക്കും, പത്തനംതിട്ട ജില്ലയിലെ 13 പേര്‍ക്കുമാണ് സമ്പര്‍ക്കത്തിലൂടെ രോഗം ബാധിച്ചത്.
അതേസമയം, ഇന്ന് റിപ്പോര്‍ട്ട് ചെയ്ത 1211 കൊവിഡ് കേസുകളില്‍ 1026 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. ഉറവിടമറിയാത്ത കേസുകളുടെ എണ്ണവും വലിയ ആശങ്കയുണ്ടാക്കുന്നുണ്ട്. ഉറവിടം അറിയാത്ത 103 കൊവിഡ് കേസുകളാണ് റിപ്പോര്‍ട്ട് ചെയ്തത്. ആരോഗ്യപ്രവര്‍ത്തകരിലെ രോഗബാധയും ആശങ്ക സൃഷ്ടിക്കുന്നതാണ്. 27 ആരോഗ്യ പ്രവര്‍ത്തകര്‍ക്കാണ് ഇന്ന് രോഗം ബാധിച്ചത്. മലപ്പുറം ജില്ലയിലെ ഒരു എയര്‍ ക്രൂവിനും, കണ്ണൂര്‍ ജില്ലയിലെ 2 ഡി.എസ്.സി. ജീവനക്കാര്‍ക്കും, എറണാകുളം ജില്ലയിലെ ഒരു ഐഎന്‍എച്ച്എസ് ജീവനക്കാരനും രോഗം ബാധിച്ചു.
Read Also: സംസ്ഥാനത്ത് ഇന്ന് 1211 പേർക്ക് കൊവിഡ് സ്ഥിരീകരിച്ചു, രണ്ട് മരണം, 970 പേർക്ക് രോഗമുക്തി
